Maan‑kʋʋre 13 - SEBR SÕNGO

Yĩng bãaga

¹ Wẽnnaam yeela a Moyiiz ne a Aarõ:

² «Ned sã n wa mik t'a yĩng lobg yũuri, bɩ dasempʋɩɩga, bɩ a yãka zĩig n pɩnda, a soab yĩnga tara bãaga. Woto b talld-a lame n kẽng maan-kʋʋda Aarõ nengẽ bɩ a biig a ye nengẽ.

³ Maan-kʋʋda geta a yĩnga gãongo. A sã n mik tɩ kõbgã pelgame, la zĩ-kãng võtame, a bãngdame tɩ bãag n pukdi. Maan-kʋʋda sã n ges-a n sɛ, a wilgd-a lame t'a lebga rẽgdo.

⁴ Gãonga sã n yãk zĩig n pɩnda, n ya pɛɛlga, la zĩiga yaool n ka võd tɩ b neẽ, la kõbga me ka peel boto ye, maan-kʋʋda baooda zĩiga n kẽes nedã t'a pa be dasem a yopoe.

⁵ Daar a yopoe soabã, a lebd n ges-a lame. A sã n yãenda ne a meng nini tɩ bũmb ka paase, a kelld n bas-a-la be dasem a yopoe yɛsa.

⁶ Sã n maan dasem a yopoe, a lebd n ges-a lame. A sã n mik tɩ bãaga leba poorẽ, tɩ gãonga ka le pɩnda, maan-kʋʋda yet-a lame t'a ka le ya rẽgd ye: yaa rasempʋɩɩg bala. Bãada pekda a fut n lebg yɩlemde.

⁷ A sã n wa mik tɩ maan-kʋʋda gesg poore bãaga baas n dabda taoore, a lebda a nengẽ yɛsa.

⁸ Maan-kʋʋda get-a lame la a sã n sɩd yãe tɩ bãaga paasame, a wilgda bãada t'a bẽeda yĩnga la a yaa rẽgdo.

⁹ Ned sã n yãe tɩ bũmb pukd a yĩnga, bɩ a kẽng maan-kʋʋda nengẽ.

¹⁰ Maan-kʋʋda get-a lame la a sã n ne tɩ gãonga wukame, n ya pɛɛlga, tɩ kõbga me ya pɛɛlga, la yĩnga yãka zĩig n maan nodre,

¹¹ a bãng t'a bãaga kẽe pãafo. A ka baood zĩig n ning-a ye, tɩ sãmbg ka ye, a yaa rẽgdo.

¹² Bãaga sã n gãneg yũya, yĩnga tõre, n yi zug n sig nao, f sẽn ges zĩig ning fãa, yaa kud-kuda,

¹³ maan-kʋʋda geta bãadã la a sẽn ne tɩ bãaga sãaga a yĩnga tõrã, a wilgd-a lame t'a ka rẽgd ye, a yĩnga fãa sẽn pelga yĩnga.

¹⁴ Yaa gãonga sẽn mɛdg raare tɩ nemsa tonnẽ la a lebgd rẽgdo.

¹⁵ Maan-kʋʋda sã n yãe nodrã, a wilgda bãada t'a yaa rẽgdo, tɩ nodr yaa rẽgdo: yaa yĩng bãaga.

¹⁶ A yĩnga sã n le lɛɛg n pelg bɩ bãada ta maan-kʋʋda nengẽ.

¹⁷ Maan-kʋʋda lebd n ges-a lame la a sã n mik tɩ gãonga tabendame n lebg pɛɛlga bɩ a wilg bãada t'a ka le ya rẽgd ye.

Yũuri

¹⁸ Ned yĩng sã n lob yũuri, la yũura waa n maagame,

¹⁹ la a soaba gesame n mik tɩ yũura zĩigẽ gãonga wukame n ya pɛɛl-pɛɛl bɩ miid-miidu, a soaba babs maan-kʋʋda.

²⁰ La yẽ na n ges-a lame la a sã n mik tɩ gãonga võdame, tɩ kõbda pelge, a wilgd-a lame t'a yaa rẽgdo. Bãaga kẽe pãaf n lobg yũuri pipi soaba zĩigẽ.

²¹ Maan-kʋʋda sã n ka yãe kõb-peendo, a sã n ka yãe tɩ gãonga võtame, a yãeeme bal t'a sobdame, a baooda zĩig n ning bãadã t'a pa be dasem a yopoe.

²² A sã n mik tɩ bãaga kẽnga taoore, a wilgda bãadã t'a yaa rẽgdo, t'a tara yĩng bãaga.

²³ Yũura sẽn da pɩnna sã n ka paase, a yaa nod dãoongo bala. Maan-kʋʋda wilgda a soab t'a pa le ya rẽgd ye.

Bugum nodre

²⁴ Bugum sã n yõog ned tɩ lebg nodre, tɩ zĩig yãk n pɩnda, n ya pɛɛlg bɩ pɛɛlg la moomde,

²⁵ a soab kẽng tɩ maan-kʋʋda gese. A sã n mik tɩ kõbda pelgame, a sã n ne vẽenega tɩ yĩnga võtame, a bãng tɩ yaa bãaga n tũ bugma n yẽege, maan-kʋʋda na n wilg-a lame t'a yaa rẽgdo tɩ yaa yĩng bãag la a bẽeda.

²⁶ Maan-kʋʋda sã n ges la a pa yãe kõbd sẽn ya pɛɛl ye, a ka yãe tɩ yĩnga võtame ye, a neeme bal t'a soba bilfu, a baooda zĩig n paalg bãada be, a ye, dasem a yopoe.

²⁷ A yopoe raarã, a lebd n ges-a lame la a sã n mik tɩ bãaga kẽnga taoore, a wilgd-a lame t'a yaa rẽgdo, yaa yĩn-gãong bãaga la a bẽeda.

²⁸ A sã n mik tɩ bãaga ka kẽng taoore, gãonga sã n lɛɛg n sobda, nodra yaa bugma n wa ne yĩnga wukri. Maan-kʋʋda wilgd-a bãada t'a ka rẽgem ye, yaa bugum n dɩ tɩ maan nod-dãong bala.

Dasempʋɩɩg yelle

²⁹ Rao bɩ pag sã n tar nodre a zugẽ bɩ a lemdẽ,

³⁰ maan-kʋʋda geta bãadã la a sã n mik tɩ gãonga võdame, tɩ kõbda lebg kar-kare la kõodr-kõodre, a wilgda nedã t'a yaa rẽgdo. Yaa rasempʋɩɩga, yaa zug bɩ lemd rasempʋɩɩga.

³¹ Maan-kʋʋda sã n ges n ka yãe tɩ gãonga võdame, n pa yãe kõbd sẽn ya sabl me ye, a baooda zĩig n ning bãadã dasem a yopoe.

³² A yopoe daarã, a geta bãadã la a sã n mik tɩ rasempʋɩɩga ka yɛdg n paase la kõbda ka kõodr-kõodre la gãonga me ka võde,

³³ a kɩtdame t'a põng a zugu; a põngdame n gilg rasempʋɩɩgã la a le basd-a-la rasem a yopoe.

³⁴ A yopoe daarã a wat n gesame la a sã n mik tɩ dasempʋɩɩga ka paase, tɩ yĩnga gãong ka võde, maan-kʋʋda wilgd-a lame t'a ka rẽgem ye. A sã n pek a futã, a lebgda yɩlemde.

³⁵ Tõeeme tɩ rẽ poore bɩ rasempʋɩɩga le yãnge.

³⁶ Maan-kʋʋda get-a lame la a sã n mik tɩ dasempʋɩɩga yãngame, a yeta bãada t'a yaa rẽgdo la a ka le yɛs n get kõbga sã n ya kõodr ye.

³⁷ Dasempʋɩɩga sã n ka yɛdge, tɩ kõbda lebg n yit sabla, rẽ wilgdame tɩ bãaga sãoogame, bãada ka tar rẽgd ye la maan-kʋʋda na n wilg-a lame t'a yaa yɩlemde.

Yĩn-firsendu

³⁸ Pag bɩ rao yĩng sã n yãk zĩig n lobd pɛɛl-pɛɛla,

³⁹ bɩ maan-kʋʋda ges-a. A sã n mik tɩ gãonga peelma ka looge, a bãng tɩ yaa yĩn-firsendu. Bãada pa rẽgem ye.

Zu-kõogo

⁴⁰ Ned zug zoobd sã n dʋʋgdẽ, yaa zu-kõogo, a soaba ka rẽgem ye.

⁴¹ Sã n ya dĩira zoobd n dʋʋge, yaa dĩir zoob-kõogo, a ka rẽgem ye.

⁴² La zugã bɩ dĩirã sã n lobd pɛɛlg la moomde, a bãng tɩ yaa bãag n dɩt a zugã bɩ a dĩirã.

⁴³ Maan-kʋʋda get-a lame, la a sã n mik tɩ zuga loba kõbd pɛɛla la mooma,

⁴⁴ a bãng tɩ neda yaa bãada la a yaa rẽgdo, a tara zug noad bãaga.

Bãada sẽn tõe la a sẽn pa tõe

⁴⁵ Sẽn bẽeda yĩng bãaga yeelgda fu-kʋɩdse la a ka ningd pugl ye. A na n luda a noore n kẽnd la a kelemdẽ: M yaa rẽgdo, m yaa rẽgdo!

⁴⁶ A sẽn ket n bẽed a bãaga wakat ning fãa, a yaa rẽgdo la rẽ yĩnga a welgda toore. A tiida a yir we-kɛɛnga.

Fut põogre

⁴⁷ Ad-y yaa bugd bãaga la fuug me bẽeda, fuuga sã n wa lobd kẽega, n lobd miuugu. Tõe n yɩɩ pe-kõbd bɩ beren-dɩgr fuugu,

⁴⁸ peend sẽn wʋg niirẽ bɩ ne bãn-gõdse, gãong fuug bɩ fuug sẽn zap ne gãongo.

⁴⁹ Peenda bɩ gãongã sã n wa lebgd kẽeg bɩ moomde, yaa peend sẽn wʋg niirẽ bɩ ne bãn-gõdse, ad-y yaa bugd bãaga la a bẽeda. Maan-kʋʋd la b na n bool t'a wa gese.

⁵⁰ Maan-kʋʋda na n gesa põogrã la a bao zĩig n bĩng fuugã tɩ maan dasem a yopoe.

⁵¹ A yopoe daarã, a sã n mik tɩ fuuga põogra paasame, yaa peen sẽn wʋg niirẽ bɩ ne bãn-gõdse, fuug sẽn zap ne gãongo, sẽn ya fuug buud fãa, a bãng tɩ yaa bãag sẽn tõe n longe; fuuga lebga rẽgdo.

⁵² B na n loba fuuga bugmẽ, a yaa peend sẽn wʋg niirẽ bɩ ne bãn-gõdse bɩ yaa gãongo, tɩ b bẽeda bã-longdem la b tog n yõoga bugum.

⁵³ Maan-kʋʋda sã n ges n mik tɩ bãaga pa kẽng taoore,

⁵⁴ a kɩtdame tɩ b pek fuugã, a sẽn ya-a a soab fãa, la b bao zĩig n bĩng tɩ ta dasem a yopoe.

⁵⁵ Fuuga sã n pek tɩ b ges n mik tɩ bũmb ka teem ye, wẽng ka paas ye, fuuga baas n yaa rẽgdo. F na lob-a bugmẽ, tɩ bãaga rɩ-la a nen-sõngã la a nen-wẽngã.

⁵⁶ Maan-kʋʋda sã n ges n mik tɩ pekra poore põogra zĩig lobda sabla, peenda bɩ gãongã, a wolgd-a lame.

⁵⁷ Bũmb sã n le lɛɛg n puk fuuga zugu, fuuga peend yaa peend sẽn wʋg niirẽ bɩ ne bãn-gõdse, bɩ yaa gãongo, a sẽn wʋg ne bũmb ning fãa, yaa bugdã n dɩt-a n dabda. Dẽnd b yõog fuugã.

⁵⁸ Sã n pek fuugã, peena, gãongã, n mik tɩ bugda sɛɛme, b lebd n pek-a lame n paase, t'a lebg sõng zãnga.»

⁵⁹ Woto la Soaala-Wẽnd noore sẽn get fuugu, peende sẽn wʋg ne pe-kõbdo bɩ lamdo, n paas bũmb sẽn zap ne gãongo, a sẽn ya-a a soab fãa, f sã n dat n bãng tɩ b yaa rẽgdo bɩ b pa rẽgdo.