Kolos Rãmba 2 - SEBR SÕNGO

A Pol datame tɩ Kolos rãmb paam tẽeb sõngo

¹ Sɩd me m datame tɩ y bãng zab-bãnd ning m sẽn tog n zab y yĩnga, n zab Laodise rãmb yĩnga, n zab sẽn ket-ba fãa yĩnga, neb sẽn zɩ n teeg-m ne b nifu.

² M maoodame n na n keng b sũya la m fãoog-b ne taab nonglem pʋgẽ tɩ b yama wa tõog n vẽneg zãnga ne yɛl niyns sẽn solg Wẽnd nengẽ.

³ Yaa bãmb nengẽ la solg yã yam pidungu la bãngr zulungu ne b yõod ka tɛkã.

⁴ M gomda woto tɩ m pa rat tɩ ned wa belg yãmb ne goam faad ye.

⁵ M yĩnga n zãar ne yãmba, m yama bee ne yãmba la m nee ne sũ-noogo y sẽn sigl y yɛla ne yam ninga la y tẽebã ne Krista keglem sẽn ya to-to.

Vɩɩm tẽeb sõng pʋgẽ

⁶ Soaal a Zezi Krista ning b sẽn wilg yãmb a soab taki wã, ad-y yaa bãmb maasmẽ la y tog n kẽne.

⁷ Sud-y y yẽgna n ta bãmba, bas-y tɩ b me-y wa roog bãmb zugu, la rẽ tɩ y rella tẽeb ning b sẽn zãms yãmb a soabã, tɩ y bark pʋʋsg pid n daanẽ.

⁸ Gũus-y tɩ ned da yik yãmb sʋka n belg yãmb n da, wala yemse, ne a sɩlem pidung ye; b bãngra yaa kʋdem-dãmb la dũnia rãmb bãngre, a ka Krista rẽnd ye.

Krista bal la bũmb fãa Naaba

⁹ Bãmb n pid ne wẽndlema fãa pidungu

¹⁰ la yãmb me tũu bãmb n lis pidung kãng pʋgẽ. Bãmb bal la yĩngr dĩm dãmb dĩma la pãn-dãmba fãa Kãsma:

¹¹ Yaa bãmb yĩng la yãmb lebg zũnsi la ka ninsaalba bãong la b kẽes yãmb ye, tɩ yaa y yĩn-gãonga fãa la y yeeg yã. Sẽn kẽe-a Krista bãong kẽe woto:

¹² y sẽn tũ bãmb n mum yaoogẽ ne soobo, y tũu bãmb me n vʋʋge tɩ yãmb tẽe Wẽnd pãnga sẽn vʋʋg-b kɩɩms sʋka.

¹³ Yãmb sẽn da ya kũum y yel-wẽna la y sẽn ka kẽ bãonga yĩnga, Wẽnnaam n kɩt tɩ yãmb le vʋʋge n vɩ ne Krista. Bãmb n bas d yel-wẽna taale.

¹⁴ B pa tũ Noora sẽn da rat a soaba ye, b rɩka tõnd samd yooga sebre n ka pika n sãam-a zãnga.

¹⁵ B yeesa yĩngr Na-komsã la Pãn-dãmbã futu n bas b bɩlma ãndũni rãmb taoore, n kẽnd ned sẽn tõog a bɛɛb kẽnde, tɩ bɛɛb tong b poorẽ.

Sõmblem akɩk sẽn be zĩig ninga

¹⁶ Da sak-y tɩ ned wɩd yãmb bõn-dɩtl bɩ bõn-yũudr poorẽ ye, yʋʋmd-yʋʋmd kibsa, kiu paale, bɩ sibr daar poorẽ ye.

¹⁷ Dẽ fãa yaa bũmb sẽn wat beoog sulunsuku, la bũmba meng tãa la Krista Yĩnga.

¹⁸ Bɩ ned da sak n bas tɩ b fãag Krista a nugi ye; a ra bas tɩ b wilg-a Wẽnd tũudem so yaalse la malɛgs rãmb waoogr ye. Yẽ soab sẽn lʋɩɩsd taoore yaa sẽn yãend ne a nif bala. Ad-y yaa wilg-m-meng n kɩt t'a wuk n zĩ ne ninsaal bãngr bala.

¹⁹ Yẽ soab pa lagem Krista, tɩ Krista yaool n ya Zugu n kɩtdẽ tɩ yĩnga wilsa lagem n sũg taab ne gĩini n paamd dɩɩb la pãnga, n paam n dɩkd yaok ningã Wẽnd sẽn dat a soab ne-a.

²⁰ Yãmb tũu Krista n ki n bas zamaana yɛla, bõe yĩng la yãmb le loet y zugu ne yell kãensã wa yãmb ket n yaa zamaana soolem?

²¹ Bõe tɩ b yetẽ: «Da rɩke, da lembe, da sɩɩse»,

²² dẽ fãa gomda yɛl sẽn sɛt b meng b toore, dẽ me bal la ninsaalb noy la b zãmsgo.

²³ Noy a woto wẽnda yam bũmbu tɩ yaa wa b geta ninsaal sẽn tog n sulg a meng n pʋg Soaalã, la a zã a yĩnga toogo, mik fɩ! Yĩnga ket n tãoosda raoodo, bũmb pa boogd ye.