Esdras 8 - SEBR SÕNGO

A Esdras tũud-n-taase

¹ Ad sagsa kãsem-dãmb niyns sẽn yi-b ne maam Babilon dĩm a Artazerksɛs naamẽ n lɛɛg n wa ka, bãmb ne b zak rãmba.

² A Pinas roogẽ, a Gersõ, a Itamar roogẽ, a Daniyɛl, a Daviid roogẽ, a Atus,

³ a Sekaniya biig a ye; a Paros roogẽ, a Zakari la neb 150 n yãag-a.

⁴ Paat-Moab rãmb sakẽ, a Zeraya biig a Eliyoenayi, neb 200 n yãag-a;

⁵ a Zatu sakẽ, a Yaziyɛl biig a Sekaniya, neb 300 n yãag-a;

⁶ a Adin sakẽ, a Zonatã biig a Ebed, neb 50 n yãag-a;

⁷ a Elam sakẽ, a Ataliya biig a Yesaya, neb 70 n yãag-a;

⁸ a Sefatiya roogẽ, a Mikayɛl biig a Zebadiya, neb 80 n yãag-a;

⁹ a Zoab roogẽ, a Yeyiyɛl biig a Obadiya neb 218 n yãag-a;

¹⁰ a Bani roogẽ, a Zosifiya biig a Selomi, neb 160 n yãag-a;

¹¹ a Bebayi roogẽ, a Bebayi biig a Zakari, neb 28 n yãag-a;

¹² a Azgad roogẽ, a Akatã biig a Zoana, neb 110 n yãag-a;

¹³ a Adonikam rooga yao-zʋʋse, a Elifelɛt, a Yeyiyɛl ne a Semaya, neb 60 n yãag-a;

¹⁴ a Bigwayi roogẽ, a Utayi, a Zakur, neb 70 n yãag-a.

Zerizalɛɛm sor dɩkre

¹⁵ Yaa ko-sor ning sẽn teesd Aava noor la m tigim pa-wetã, la d paa be ra-yɩten-daare. M gesa neere la m pa yãend maan-kʋʋdba la nin-zaalsa sʋka, Levits ye.

¹⁶ Dẽ la m tʋm kãsem-dãmb a Eliezɛr, a Ariyɛl, a Semaya, a Elnatã, a Yarib, a Elnatã, a Natã, a Zakari la a Mesulam n paas noora karen-saam-dãmba a Zoyarib la Elnatã.

¹⁷ M kõ-b-la noore tɩ b babs Kasifiya naab a Ido. M wilg-b-la b sẽn na n togs bũmb ning a Ido ne a tʋmd-n-taasã la sõangdba sẽn be Kasifiya. M yeel-b lame tɩ b wa ne neb, wẽnd dooga pʋgẽ tʋʋma yĩnga.

¹⁸ La Naaba-Wẽnd sẽn be ne-do n dat d sõngrã, b talla ned sẽn be yam n wa kõ-do. Yɩ-la a Serebiya, a Mali biiga, a Levi biiga, a Israyɛl roogẽ. Yɩɩ yẽ ne a kamba la a saam-biisi, bãmb piig la a nii.

¹⁹ Sẽn waa n paas-a: a Asabiya ne a ba-biig a Yesaya, a Merari roogẽ, bãmb ne b kamba, bãmb pisi.

²⁰ A Daviid sẽn dɩk b rãmba n kɩs Levitsa sõngr yĩnga, bãmb kobs-yi la pisi, fãa yʋy ra gʋlsa sebr zugu.

²¹ Aava ko-sora noore m moona no-loeere la d sulga d mens d Soaala taoore n bõs tɩ b ges-do tɩ d tõog n sɩng d kẽna ne laafi tõnd ne d kamba la zɩɩbã d sẽn tʋkã.

²² M da zoeta yãnde ne m kos wed-dʋʋdba sẽn na n kogl-d ne d bɛɛbã, sora zugu. Tõnd meng n da pʋs n yeel dĩma tɩ Wẽnd sõngr ka paoogd sẽn baood-b bãmb ye tɩ b sũur yaool n fõt ne neb niyns toog sẽn ka be ne bãmbã.

²³ Tõnd loee d noore n pʋʋs Wẽnde, la b sõng-d lame.

²⁴ M yãka maan-kʋʋd kãsem-dãmb piig la a yiibu n paas a Serebiya ne a Asabiya la b ba-biis piiga.

²⁵ Bãmb taoore, m maga sãnema, wanzurfã la teeda fãa dĩma, la a kombɛɛmba, la taoor dãmba, la Israyɛl kamba sẽn kɩs wẽnd dooga yĩnga.

²⁶ M maga b zɩlem n yaool n sagl-ba b nusẽ. Wanzurfa yɩɩ neb tusr zɩɩbo, wanzurf lagdo, neb koabg la pis-nu zɩɩbo, sãnema, neb koabg la pis-nu zɩɩbo.

²⁷ Sãnem laas wakɩ koeems tusri, zũud lagd a yi sẽn pɩnd, n ya neere, n tar yõod wa sãnem,

²⁸ Dẽ poore m yeel-b lame: «Y rɩka y meng n kõ Wẽnde, teeda me rɩkame n kõ Wẽnde, wanzurfa la sãnema yaa kũun sẽn kõ yaab rãmb Wẽnda ne yamleoogo.

²⁹ Bɩ y zã-ba, n le wa magb-b maan-kʋʋdba nanams taoore, Zerizalɛɛm, do-bõonesa pʋga.»

³⁰ Maan-kʋʋdba, Levitsa yaoolame marsã n deeg wanzurfã, sãnema la teedã, b tall-b lame n loog Zerizalɛɛm wẽnd doogẽ.

³¹ D gãndga Aava ko-sorã pipi kiuuga pipi raare n dɩk Zerizalɛɛm sore. Naaba-Wẽnd sẽn gũ d sor yĩnga, b zãaga tõnd ne bɛɛba la fãadba sɩlem.

³² D sẽn ta Zerizalɛɛm, d vʋʋsa rasem a tã.

³³ Daar a naas soabã, d talla wanzurfã, sãnema la lagdã n tɩ mag-b wẽnd doogẽ n yaol n dɩk-ba n kɩs maan-kʋʋd a Meremot. Naaga ne a Pinas yagenga, a Elazar, n paas Levits a Zesuwa yagenga a Zozabad la a Binuwi yageng a Noadiya.

³⁴ Marsã ne pĩnd magbã zemsa taaba; sõora, a ye; zɩslma, a ye; la rẽ fãa gʋlsa sebr zugu. Dẽ poor marsã,

³⁵ la pa-weta kʋ yũ-noog maoongo Israyɛl Wẽnda yĩnga: yɩɩ lols piig la a yiibu, a Israyɛl kamba yʋʋr yĩnga, la pe-raad pis-wɛ la a yoobe, pe-bi pisopoe la a yiibu. Yel-wẽna sugr kosg yĩnga b kʋʋ boees piig la a yiibu. Maanda fãa yɩɩ yũ-noog maando.

³⁶ B kɩsa sɛbã Efrat rʋʋnd kombɛɛmba la taoor dãmbã. B fãa sõnga nebã wẽnd dooga tʋʋmd yĩnga.