Esdras 7 - SEBR SÕNGO

A Esdras kibare

¹ Dẽ fãa sẽn looge, Pɛrs rãmb dĩm a Artazerksɛs zamaanẽ, a Esdras yii Babilon n wa. A Esdras ba la a Seraya, a Azariya biiga, a Ilkiya biiga.

² A Ilkiya ba la a Salum, a Salum ba la a Sadok, a Sadok ba la a Ayitub.

³ A Ayitub ba la a Amariya, a Amariya ba la a Azaria, a Azariya ba la a Merayot.

⁴ A Merayot ba la a Zeraya, a Zeraya ba la a Uzi, a Uzi ba la a Buki.

⁵ A Buki ba la a Abisuwa, a Abisuwa ba la a Pinas, a Pinas ba la a Elazar, a Elazar ba la maan-kʋʋd kãsenga a Aarõ.

⁶ A Esdras da yaa sɛb gʋlsda sẽn da mi a Moyiiz noora neere, Israyɛl Wẽnnaam sẽn da yiis noor ningã. La Naaba-Wẽnd sẽn da nong-a yĩnga, dĩma me kõ-a-la a sẽn kos bũmb ning fãa.

⁷ Wakat ning Israyɛl kamba, maan-kʋʋdba, Levitse, yɩɩn-yɩɩndba, dagno-gũudba la sõangdba kẽer sẽn wa Zerizalɛɛm, dĩm a Artazerksɛs naama yʋʋmd a yopoe soaba,

⁸ a Esdras me waa Zerizalɛɛm, ne bãmba, kiuug a nu soaba.

⁹ Ade, Babilon yiiba ra yãkame tɩ na n yɩ pipi kiuuga pipi raare, la yaa kiuug a nu soaba pipi raare la a ta Zerizalɛɛm t'a Soaala-Wẽnda nug ra gũud-a lame.

¹⁰ A Esdras da modga ne a sũur fãa n ning Naaba-Wẽnd noor a pʋtẽerẽ, n tũ-a a vɩɩmẽ la a wilg a Israyɛl a sẽn segd la a sẽn tog n tũ wala a rog-n-miki.

Dĩma sebre

¹¹ Sebr la dĩm a Artazerksɛs da tool maan-kʋʋd la sɛb gʋlsd a Esdras. A Esdras n da wegsd neba yĩnga Naaba-Wẽnd sẽn da yiis koees niyns la noy-niyns a Israyɛl yĩnga.

¹² Gʋlsa woto: «Dĩm a Artazerksɛs n pʋʋsd a Esdras, Yĩngr Wẽnnaama noya gʋlsda.

¹³ M noora la woto: m soolma pʋgẽ, ned ninga fãa sẽn yaa a Israyɛl buudu, n ya maan-kʋʋda, bɩ Levitga, n dat ne yamleoogo n leb Zerizalɛɛm, bɩ a leb ne foo!

¹⁴ Yaa dĩma ne a kug-zĩidba a yopoe n tʋmd foo tɩ f tɩ ges Zɩɩda la Zerizalɛɛm tõnd noya sã n zemsda ne Wẽnd ning sẽn nonga yãmba rẽnna.

¹⁵ Sẽn le paas yaa ligdã, wanzurfa la sãnema dĩma ne a sagendba sẽn kõt ne yamleoogo Israyɛl Wẽnnaama sẽn yals a waoogr zĩig Zerizalɛɛm.

¹⁶ Zɩ wanzurfa la sãnema la yamleoog kũun a taaba maan-kʋʋdba bɩ neb a taab sẽn be Babilon soolma pʋga n dat tɩ f reeg-b Zerizalɛɛm wẽnd dooga yĩnga.

¹⁷ Dẽnd yĩnga, f na modg n da ne ligdã, lolse, pe-raado, pe-bi la f ra maanda sẽn tũnugd ne bũmb ningã. F na tall-ba n tɩ rɩgl y Wẽnnaama roogẽ sẽn be Zerizalɛɛma maan-kugra zugu.

¹⁸ Maan bũmb ning fãa f sẽn ne tɩ segdame ne ligda sẽn na n kellã, foo ne f poorẽ dãmba, la wala Wẽnd meng sẽn date.

¹⁹ Teed niyns f sẽn na n deeg wẽnd dooga tʋʋma yĩnga, f na tɩ rɩgl-b Wẽnd taoor Zerizalɛɛm.

²⁰ Bũmb sã n na n paoog f Wẽnnaama roog yĩnga tɩ f tog n tall n wa, f na yãk ligda dĩma koglgẽ.

²¹ Yaa maam a Artazerksɛs meng m toore n kõt ligd nanamsa sẽn be Efrat rʋʋnde, noor kãnga: Yĩngr Wẽnnaama norɛɛs, a Esdras sẽn na n kos-y bũmb ning fãa bɩ y maan wala a sẽn togse.

²² A yeeg n da kos tɩ yɩɩg wanzurf zɩslem sẽn ta neb koabg la pis-nu zɩɩbo, alkam pet koabga, rãam yʋy koabga, kaam yʋy koabga. Sã n ya yamsem, yaa waa a sẽn dat tɛka.

²³ Naaba-Wẽnd sẽn dat bũmb ning fãa b roog yĩnga, bɩ f maan fãa ne yãgbo, tɩ b sũur da wa yik ne dĩma tẽn-peelem la a neba ye.

²⁴ Sẽn ket yaa y bãng tɩ y ka tõe n deeg yaood ba a ye maan-kʋʋd nengẽ, bɩ Levitga, bɩ yɩɩn-yɩɩnda, bɩ dagno-gũuda bɩ sõangd ye.

²⁵ Sã n yaa foo, Esdras, yik ne yam pidung ning f Wẽnd la f noanga sẽn kõ fooma, n zĩndig bʋ-kaoodba la sɩlem dãmba tɩ b welgd sẽn be b Efrat rʋʋnda yɛla, sẽn mi-b Wẽnnaam noora fãa yɛla la b sõng tɩ sẽn ka mi-b noora wa bãng-a.

²⁶ Ned ning fãa sẽn ka reeg neere Wẽnnaam la dĩma noore, bɩ b paalg-a bʋʋdo n kʋ-a, bɩ b dig-a n yiis y tẽn-peelmẽ, bɩ b yaoolg-a ligdi, bɩ b kẽes-a roogo.»

A Esdras pʋʋsda barka

²⁷ A Esdras yeela ne koe kãsenga: «Wẽnnaam d ba rãmb Wẽnde paam barka! Yãmb ninga dĩma sũurẽ t'a tʋlg n waoog yãmba la y rooga sẽn be Zerizalɛɛm.

²⁸ Yãmb kelga y nonglem sẽn ka be tɛka n waoog maam dĩma taoore, a sagendba la a kug-zĩidb taoore. Yaa woto me la m pam raoodo, yãmb sẽn pʋg maam yĩnga tɩ m me yik n tigim Israyɛl kãsem-dãmb kẽere tɩ d tũ taab n lɛɛg n wa. Wẽnd paam barka, b sẽn kõ yam sõngo, dĩma, a kug-zĩidbã la a tẽnga nin-bɛda. Sã n ya maam, Wẽnd kõ-m la sũ-keelem la b sẽn da be ne maam yĩnga, m tõog n tigima buuda kãsem-dãmba tɩ d tũ taab n wa.»