Esdras 2 - SEBR SÕNGO

Sẽn lɛɛg n wa-ba yʋya

¹ Ad neb niyns sẽn yi yembdo n lɛɛg n wa. Yembdã, yaa a Nabikodonozor n da kẽes-ba, Babilon tẽnga. A Nabikodonozor da yaa Babilon dĩma. B sẽn ta Zerizalɛɛm ned kam fãa leba a a tẽngẽ, Zɩɩda tẽn-peelmẽ.

² B taoor dãmba la woto: a Zorobabɛl, a Zozuwe, a Neemi, a Seraya, a Relaya, a Mordokayi, a Bilsã, a Mispar, a Bigwayi, a Rewum la a Baana. Ad sull fãa ne a neba:

³ Neb tus a yi la koabg la pisopoe la a yiibu (2172) a Paros roogẽ;

⁴ neb kobs-tã la pisopoe la a yiibu (372) a Sefatiya roogẽ;

⁵ neb kobsopoe la pisopoe la a nu (775) a Ara roogẽ;

⁶ neb tus a yi la kobs-nii la piig la a yiibu (2812) a Paat-Moab roogẽ, dat n yeelame t'a Zozuwe ne a Zoab yagense;

⁷ neb tusr la kobs-yi la pis-nu la a naase (1254) a Elam roogẽ;

⁸ neb kobs-wɛ la pis-naas la a nu (945) a Zatu roogẽ;

⁹ neb kobs-yopoe la pisoobe (760) a Zakayi roogẽ;

¹⁰ neb kobs-yoob la pis-naas la a yiibu (642) a Bani roogẽ;

¹¹ neb kobs-yoob la pisi la a tã (623) a Bebayi roogẽ;

¹² neb tusr la kobs-yi la pisi la a yiibu (1222) a Azgad roogẽ;

¹³ neb kobs-yoob la pisoob la a yoobe (666) a Adonikam roogẽ;

¹⁴ neb tus a yi la pis-nu la a yoobe (2056) a Bigwayi roogẽ;

¹⁵ neb kobs-naas la pis-nu la a naase (454) a Adim roogẽ;

¹⁶ neb 98, a Atɛr roogẽ; dat n yeelame t'a Yeyiskiya yagense;

¹⁷ neb kobs-tã la pisi la a tã (323) a Besayi roogẽ;

¹⁸ neb koabg la piig la a yiibu (112) a Zora buudẽ;

¹⁹ neb kobs-yi la pisi la a tã (223) a Asum roogẽ;

²⁰ neb 95, a Gibar roogẽ;

²¹ neb koabg la pisi la a tã (123) Bɛtelyɛɛm dãmba;

²² neb 56, Netofa rãmba;

²³ neb koabg la pisi la a nii (128) Anatot rãmba;

²⁴ neb 42, Bɛt-Azmavet dãmba;

²⁵ neb kobs-yopoe la pis-naas la a tã (743) Kiriyat-Yearim, Kefira la Beerot rãmba;

²⁶ neb kobs-yoob la pisi la a ye (621) Rama ne Geba rãmba;

²⁷ neb koabg la pisi la a yiibu (122) Mikmas rãmba;

²⁸ neb kobs-yi la pisi la a tã (223) Betɛl ne Ayi rãmba;

²⁹ neb 52, Nebo rãmba;

³⁰ neb koabg la pis-nu la a yoobe (156) Magbis rãmba;

³¹ neb tusr la kobs-yi la pis-nu la a naase (1254) Elam a to roogẽ;

³² neb kobs-tã la pisi (320) a Arim roogẽ;

³³ neb Kobs-yopoe la pisi la a nu (725) a Lod, a Adid la Ono tẽng rãmba;

³⁴ neb kobs-tã la pis-naas la a nu (345) Zeriko tẽng rãmba;

³⁵ neb tus a tã la kobs-yoob la pis-tã (3630) Senaa tẽng rãmba;

³⁶ neb kobs-wɛ la pisopoe la a tã (973) maan-kʋʋdbã, a Yedaya kamba dat n yeelame t'a Zozuwe yagense:

³⁷ neb tusr la pis-nu la a yiibu (1052) a Imɛr roogẽ;

³⁸ neb tusr la kobs-yi la pis-naas la a yopoe (1247) a Pasewur kamba;

³⁹ neb tusr la piig la a yopoe (1017) a Arim kamba;

⁴⁰ neb 74, Levit dãmba, a Zozuwe yagense, a Kadmiyɛl, a Odaviya kamba;

⁴¹ neb koabg la pisi la a nii (128) yɩɩn-yɩɩndba a Asaf kamba;

⁴² neb koabg la pis-tã la a wɛ (139) dagno-gũudba a Salum a Atɛr n paas a Talmo, a Akub, a Atia la a Sobayi kamba;

⁴³ noakense: a Siba, a Asufa, a Tabaot kamba;

⁴⁴ a Keros, a Sia, a Padõ kamba;

⁴⁵ a Lebana, a Agaba, a Akub kamba;

⁴⁶ a Agab, a Samlayi, a Ana kamba;

⁴⁷ a Gidɛl, a Gaar, a Reaya kamba;

⁴⁸ a Resin, a Nekoda, a Gazam kamba;

⁴⁹ a Uza, a Pasea, a Besayi kamba;

⁵⁰ a Asna kamba, a Meon ne a Nefusa yagense;

⁵¹ a Basbuk, a Akufa, a Arur kamba;

⁵² a Baslut, a Meyida, a Arsa kamba;

⁵³ a Barkos, a Sisra, a Tema kamba;

⁵⁴ a Nesiya, a Atifa kamba.

⁵⁵ A Salomo yem-daada kamba: a Sotayi, a As-Soferet, a Peruda kamba,

⁵⁶ a Yala, a Darkõ, a Gidɛl kamba;

⁵⁷ a Sefatiya, a Atil, a Pokerɛt-Sebayim, a Ami kamba.

⁵⁸ Noakensa la a Salomo yem-daada kamba, fãa gill yaa kobs-tã la pis-wɛ la a yi (392).

⁵⁹ Sã n ya neb niyns sẽn yit Tel-Mela, Tel-Arsa, Kerub, Adãn-Imer, b pa tõog n wilg b roogo la b buuda sẽn kĩ ne a Israyɛl buud to-to ye.

⁶⁰ Yaa a Delaya, a Tobiya, a Nekoda kamba: kobs-yoob la pis-nu la a yi (652).

⁶¹ Maan-kʋʋdba sʋka, a Obaya kamba, a Akos la a Barzilayi kamba me ka tõog n wilg b ba rooga vẽeneg ye. Yaa a Barzilayi paga sẽn da yaa a Barzilayi biigã la yẽ me rɩk yʋ kãnga. A Barzilayi da yaa Galaad neda.

⁶² Bãmb me vɛɛsa b buuda sɛba la b pa yãe tɩ b kĩi ne a Israyɛl buud ye. Dẽ la b lebs-b kɛɛnga wa neb sẽn pa tõe n tʋm maan-kʋʋr tʋʋmde.

⁶³ Kombera meng tol n yeel-b lame tɩ b da rɩ maanda rɩɩbo, tɩ b pa reng n sok Wẽnd n ges b yeetame tɩ N-yẽe bɩ Ayoo.

⁶⁴ Israyɛl kamb sẽn yi pa-weerã n lɛɛg n wa wã sẽn naag taaba yaa tus pis-naas la a yi la kobs-tã la pisoobe (42 360)

⁶⁵ B rakõapa, kom-dibli la kom-pugli, da yaa tus a yopoe la kobs-tã la pɩstã la a yopoe (7337). Yɩɩn-yɩɩndba, pagb la rapa, yaa bãmb kobs-yi.

⁶⁶ B wiida yɩɩ kobs-yopoe la pis-tã la a yoobe; b bõn-wees kobs-yi la pis-naas la a nu (2045),

⁶⁷ b yʋgma kobs-naas la pis-tã la a nu, b bõeense tus a yoob la kobs-yopoe la pisi.

⁶⁸ B sẽn ta Zerizalɛɛm, wẽnd dooga sẽn me tẽng ningã, sags kãsem-dãmb kẽer yiisa b yamleoog kũuni sẽn na n yɩlẽ tɩ wẽnd dooga le wa tõog n me a pĩnd zĩigẽ.

⁶⁹ B maana b sẽn tõe la a ad-b sẽn paam Wẽnd waoogr yĩnga: sãnem wakɩ koeems tus pisoob la a ye, wanzurfa ta neb koab la pisi la a nu zɩɩbo. Maan-kʋʋra fut yɩɩ koabga.

⁷⁰ Maan-kʋʋdba, Levit dãmba la neb kẽere wala yɩɩn-yɩɩnba, dagno-gũudba la wẽnd dooga tʋʋm-tʋmdba tɩ kẽe b sẽn zĩndg-b tẽns niynsã. Zerizalɛɛm; noakensã, dagno gũudba, yɩɩn-yɩɩndba la a Israyɛl kamb a taaba leba b buud sagsẽ.