Esdras 10 - SEBR SÕNGO

Bu-zẽmba pagb yiisgu

¹ A Esdras sẽn waa n pʋʋsdẽ la a reegd a kongre la a tees roogã n yãbd la a zĩ ne sũ-sãanga, Israyɛl kamba waa n tigma taab zembala, a sɛɛgẽ: rapa, pagba, kamba la b tar nintãm kiigri.

² Dẽ la a Yeyiyɛl biig a Sekaniya, a Elam yagenga, yeel a Esdras: «Tõnd tõdga Wẽnde n kẽ kãadem ne tẽnga bu-zẽmba pagba. Marsã a Israyɛl saagdame tɩ rẽ kõn le mak ye.

³ D le yõg zoodo ne Naaba-Wẽnd la d dig bu-zẽn-pogsã ne b kamba, wala Esdras la sẽn zoet-b Wẽnd nif sẽn sagend tõndã. Bɩ d sẽn maand fãa marsã tũ wa noora sẽn date.

⁴ Yiki Esdras, tɩ foo n tar yella tɩɩm la d bee f poorẽ. Wɩsg f menga tɩ d sɩnge.»

⁵ A Esdras yikame n kɩt tɩ zagsa kãsem-dãmba, maan-kʋʋdba, Levitse la a Israyɛl gill wẽen wala a sẽn da yalse.

⁶ A Esdras yika a sẽn da be zĩig ningã n tees wẽnd doogã la a rɩka a Eliyasib biig a Zoana yir sore. A taa be n kell n zãgs koom la rɩɩbo, n yõk yãbr pa-weta sẽn bʋdg mooga yĩnga.

⁷ A kɩtame tɩ b moon Zerizalɛɛm la Zɩɩda n wilg pa-weta fãa tɩ b tigim Zerizalɛɛm.

⁸ Ned ning fãa sẽn zãgsa waoong rasem a tãab pʋgẽ, wala nin-kẽemsa sẽn yẽs n dɩglã, bɩ a sẽn so fãa lebg kisgu la b yiis-a pa-weta sʋka.

⁹ Dasem a tãab pʋgẽ, a Zɩɩda la Bẽnzame neba gill tigma taab Zerizalɛɛm, Tebɛt kiuugu, kiuug a wɛ soaba, kiuuga pisi raare. Neba fãa gill paa wẽnd dooga sɩmannẽ. Yella kẽes-b-la rabeem n paas saaga me sẽn yõk niibã.

¹⁰ Maan-kʋʋd a Esdras yik n yeel-b lame: «Yãmb pa maan neere; y sẽn kẽ kãadem ne bu-zẽn-pogsã, yaa a Israyɛl doog la y kẽes moog zãnga.

¹¹ Reeg-y y kongr Naaba-Wẽnd taoore, y yaab rãmb Wẽnda taoore, n maan b raab marsã la y zãag-y mens ne tẽnga rãmba, ne bu-zẽn-pogsã.»

¹² Zãma wã fãa leoka ne pãnga: «F gomd yaa sɩda la d na n maana wala f sẽn togsã!

¹³ D na n kong n wilg-f lame bala tɩ zãma wã labsa la yaa sa-sika. Yals saagẽ wã yaa toogo, la ka dasem a yiib pʋgẽ la d tõe n welg yella ye.

¹⁴ Sẽn ya woto wã bɩ zagsa kãsem-dãmb bal pa b zĩigẽ ka. Neb niyns sẽn tar b bu-zẽn-pogsa na tɩ sak b tẽnga nin-kẽems la b bʋ-kaoodba, b sẽn bool-b raare n na n welg yellã. Na n yɩɩ woto n tãag Naaba-Wẽnd sũura maagre.»

¹⁵ Neb a yiibu n yeel tɩ sẽn leok woto wã ka zems ye. Yɩ-la a Asayɛl biig a Zonatã la a Tikva biig a Yasega. A Mesulam ne Levitg a Sabetayi me goma boto.

¹⁶ Pa-weta yẽ maana wala b sẽn yeel-bã. B yãka maan-kʋʋd a Esdras, yẽ ne neb a taaba, ned kam fãa a ba roog yĩnga, n gʋls b yʋʋr tɩ b sɩng yɛla vɛɛsgo, kiuug piiga soaba pipi raare,

¹⁷ n baas pipi kiuuga pipi raare. B paama neb niyns fãa sẽn da tar b bu-zẽn-pogse.

Sẽn beeg-ba yʋya

¹⁸ Ad maan-kʋʋdba yagensa sʋka neb niyns sẽn kẽ-b kãadem ne bu-zẽn dãmba. A Zozuwe roogẽ: yaa a Zosadak biiga, la a saam-biis kẽere, a Maaseya, a Eliezɛr, a Yarib la a Gedaliya.

¹⁹ B wẽename tɩ b na yiis b pagbã la b beegra yĩnga b yõka pe-raoog n maan sugr kosg maoongo.

²⁰ A Imɛr roogẽ: a Anani la a Zebadiya.

²¹ A Arim roogẽ: a Maaseya, a Eliya, a Semaya, a Yeyiyɛl la a Uziya.

²² A Pasewur roogẽ: a Eliyoenayi, a Maaseya, a Yismayɛl, a Netaneyɛl, a Zozabad la a Elasa.

²³ Levitsa sʋka yɩ-la a Zozabad, a Simeyi, a Kelaya, kẽer t'a Kelita, a Petayiya, a Yewuda la a Eliezɛr.

²⁴ Yɩɩn-yɩɩndba sʋka: a Eliyasib. Dagno-gũudba sʋka: a Salum, a Telem, a Uri.

²⁵ Israyɛl nin-zaalsa sʋka, a Paros roogẽ: a Ramiya, a Iziya, a Malkiya, a Miyamin, a Elazar, a Malkiya la a Benaya.

²⁶ A Elam roogẽ: a Mataniya, a Zakari, a Yeyiyɛl, a Abdi, a Yerimot, a Eliya.

²⁷ A Zatu roogẽ: a Eliyoenayi, a Eliyasib, a Mataniya, a Yerimot, a Zabad, a Aziza.

²⁸ A Bebayi roogẽ: a Zoana, a Ananiya, a Zabtayi, a Atlayi.

²⁹ A Bani roogẽ: a Mesulam, a Maluk, a Adaya, a Yasub, a Seal, a Yerimot.

³⁰ A Paat-Moab roogẽ: a Adna, a Kelal, a Benaya, a Maaseya, a Mataniya, a Besaleyɛl, a Binuwi la a Manase.

³¹ A Arim roogẽ: a Eliezɛr, a Isiya, a Malkiya, a Semaya, a Simeõ,

³² a Bẽnzame, a Maluk, a Semariya.

³³ A Asuwum roogẽ: a Matenayi, a Matata, a Zabad, a Elifelɛt, a Yeremayi, a Manase, a Simeyi.

³⁴ A Bani roogẽ: a Maadayi, a Amram, a Uwɛl,

³⁵ a Benaya, a Bediya, a Keluwu,

³⁶ a Vaniya, a Meremot, a Elyasib,

³⁷ a Mataniya, a Matenayi, la a Yasayi.

³⁸ A Bani, a Binuwi, a Simeyi,

³⁹ a Selemiya, a Natã la a Adaya.

⁴⁰ A Maknadebayi, a Sasayi, a Sarayi,

⁴¹ a Azarɛl, a Selemiya, a Semariya,

⁴² a Salum, a Amariya, a Zozɛf.

⁴³ A Nebo roogẽ: a Yeyiyɛl, a Matitiya, a Zabad, a Zebina, a Yadayi, a Zowɛl, a Benaya.

⁴⁴ Bãmb fãa da kẽe ne bu-zẽmb pagba. La b yiis-b-la gilli, bãmb ne b kamba. Pagb kẽer da roga kamba.