Bʋ-kaoodba 15 - SEBR SÕNGO

A Sãmsõ zabr ne Filisti rãmba

¹ Sẽn yɩ bilfu, a Sãmsõ kẽng n na n tɩ gesa a pagã la ra yaa tigsg wakato. A Sẽn waa n na n ges a pagã, a talla bulla, n wa. La a sẽn yeele: m dat n kẽe m paga roogẽ, a rɛɛmba zãgsame.

² Ad-a sẽn yeel a Sãmsõ: «Sɩda m wa n yeela m sũurẽ tɩ fo sɩnga beem ne f pagã la m dɩk-a lame n kõ pʋg-reema rãmb nin-yende, la m tẽedame t'a yẽerã são-a lame. Bɩ yẽ lebg f paga a zĩigẽ.»

³ A Sãmsõ leokame: «Marsã wã Filisti rãmba da le gũ bũmb m nengẽ, m na n lebs-b-la wẽng bala.»

⁴ A Sãmsõ loogame, a kẽngame n tɩ yõg waas kobs-tã, n bao vilemse n loe-ba, a yiib-yiibu, zʋʋr-zʋʋre, n yaool n ning bugum.

⁵ A yaool n basa waasa ne bugma tɩ b kẽ Filisti rãmba pʋto, la sẽn kẽeb n tigs woo, sẽn nan ka kẽeb woo, bugsuntund la oliv tɩɩs woo, fãa rɩɩ bugum.

⁶ Filisti rãmb soka taaba: «Ãnda n maan woto?» La b yeel-b lame tɩ yaa a Sãmsõ, la yaa a rɛɛmba sẽn be Timna wã n deeg a paga n kõ pʋg-reema rãmb nin-yende. Bãng-y tɩ Filisti rãmb kẽngame n tɩ yõk paga ne a ba n yõog bãmb me bugum.

⁷ A Sãmsõ yeela Filisti rãmbã: «Yãmb manesma sẽn ya to-to wã kɩtame tɩ m me kõn vʋʋs ne m rẽnna, al n wa rok m sũuri.»

⁸ A Sãmsõ zaba ne ba la a tõog-b-la sõma. A tɩ kẽe tãng bokẽ, Etam sẽnẽ, la a paa be.

⁹ Filisti rãmba wa n wẽe b sik Zɩɩda tẽn-peelmẽ n tol n sãag n ta Leyi.

¹⁰ Zɩɩda rãmb sok-b lame tɩ yaa wãna tɩ b wa kẽed b tẽngẽ: La b leokame tɩ b waame n na n sẽb a Sãmsõ, tɩ b datame n lebs-a a sẽn maan-d bũmb ningã.

¹¹ Neb tus a tã n kẽng Etam tãnga bokẽ n tɩ yeel a Sãmsõ: «Fo ka mi tɩ yaa Filisti rãmb n so tõnd laa? Yaa bõe la f sẽn maana?» T'a na n leoke: «Yaa b sẽn maan-ma la m maan n lebs.»

¹² Dẽ la b wilg a Sãmsõ tɩ b sẽn wa wã, b waame n na n sẽb-a n tɩ kõ Filisti rãmba. T'a Sãmsõ na n yeel-ba: «Kãab-y tɩ ka yãmb meng n na n kʋ m ye.»

¹³ B yeela woto: «Ayo, d ka na n kʋ-f ye, d datame bala n yõk-fo n kõ Filisti rãmba.» B sẽb-a-la ne wĩ sẽn rĩng paalem, wĩ a yiibu, la b yiis-a-la bokẽ wã n wa Leyi.

¹⁴ B kolga Leyi tɩ Filisti rãmba yi n seg-ba la b kilsdẽ tɩ b maana raoodo. Naaba-Wẽnd pãng le kẽe a Sãmsõ. Wĩ wã lebga wa gaars sẽn dɩ bugum, b sʋʋga a nusẽ n dʋʋge.

¹⁵ Bõang yeer sẽn nan pees paalem la a yãe yã. A sẽn tẽeg a nugu n dɩk-a, a tall-a lame n kʋ neb tusri.

¹⁶ N bas n yeele: «M kʋ-b lame n sam ka la ka, ne bõang yeere, m yeega neb tusr nenga.»

¹⁷ A sẽn gom n sɛ, a loba bõanga yeer yɩɩga. B boola tẽnga tɩ Ramat-Leyi, yeera kunkubri.

¹⁸ Ko-yũud n da tar-a t'a pʋʋs Soaala woto: «Yaa yãmb n kõ y sõgna nug pãng t'a tõog a bɛɛbã, la marsã y na n bas tɩ ko-yũud kʋ mam n kõ nin-dẽgdo?»

¹⁹ Soaala-Wẽnd kɩtame tɩ koom pusg Leyi t'a Sãmsõ yũ t'a pãng le wa. Yaa rẽ yĩng la b pʋd zĩ-kãng tɩ Eyin-Kore, la konifa keta rũnna Leyi tẽnga.

²⁰ A Sãmsõ dɩɩ kãseng Israyɛl tẽng yʋʋm pis-tã dẽ tɩ Filisti rãmba n da so-a.