A. Zoobe 41 - SEBR SÕNGO

¹ Da belg f meng a taoor ye, n yet tɩ rabeem ka ye, bala a nif gẽeneg meng seka lʋɩɩse.

² Ãnd n na n puk a gẽemdo n maan bũmb n yik a sũuri? La ãnda n na n puk a gẽemdo n yɩɩda, n maand no-koeemd ne maam, Naaba-Wẽnde?

³ Ãnna samd la m dɩ yã, n tog n bao n lebse? Sẽn be saaga tẽngr fãa yaa maam n so.

⁴ M ka na n sĩnd n ka gom a Leviatã yĩnga wils yell ye. M kõn sĩnd n ka gom a pãngã la fuug ninga sẽn lud a poor wa kuta ye.

⁵ Ãnna n tõog n lak fuug ninga sẽn lud a yãoogã? Ãn n saag n kẽ a yɛga pʋgẽ?

⁶ Ãnna n modg-a t'a yaag a noorã yalengo n wilgd a yẽn-daada sẽn sel n gilgã? Pɛlen-yɩk bala la a yẽna!

⁷ A poorã yaa wa kut gãnd n pʋglem taaba, n maneg n sũg wa kur dẽnna.

⁸ Gãnda sũga taaba tɩ pemsem meng ka tõe n kẽ ye.

⁹ Paoko n tablg paoko tɩ fãa tabend n naag taaba, n ka tõe n welg lɛ-lɛ.

¹⁰ A Leviatã tĩsga yaa bug-pãrse, a nina mooga wa sõore.

¹¹ A noorã yiisda bug-zɩlemse, la bug-pãrs yɩgdame n yita.

¹² A yõ-bogdã nukda bug-zõose, wa rubl bɩ bugum-dʋk sẽn yiisd a waolgo.

¹³ A vʋʋsem widigda bug-saala, tɩ bug-zɩlemse yit a noorẽ.

¹⁴ A yubla pida ne pãnga, tɩ sẽn yɛs a taoor digd dabeem.

¹⁵ A yubla gãong luunda yalengo, a tẽname n lebg weoglgo.

¹⁶ A kʋɩɩsa a sũura wa kugri, wala neguug kugri.

¹⁷ A sã n doog a nenga, pãn-dãmba meng zoetame. Dabeem kɩtdame tɩ b kʋɩ tĩiga.

¹⁸ Sʋʋg tat-a lame n ka kẽ ye, la kãnde, kãn-bila, kʋɩ tĩiga, fãa makd n kongame.

¹⁹ Sã n ya ne-yẽ, kut yaa moogo, tɩ kud-kɛgeng ya wa ra põosgo.

²⁰ Lok pĩim ka tõe t'a wudg ye. A reegda loaabg kugri wa a reega mo-paoko.

²¹ A reegda guugu wa katrefeoogo, a laada kãnd sẽn dĩmdi.

²² A tẽngr pagda peesa wa wãgse, a sã n tũ kʋɩl-waoko a bẽesd-a lame n dɩgle.

²³ A kɩtame tɩ bog-zulunga kɛɛd wa rʋko, tɩ Mogre lebg tɩdar wisb sare.

²⁴ A basda a vuri, a poorẽ, la woto mogra pelgda ne puudu.

²⁵ Tẽng zug ka a to ka ye, m naan-a lame n kõ a sũ-keelem.

²⁶ A ka kamsd a nif bɛ ba a ye taoor ye, yẽ la rũn-toosa fãa naaba.