A. Zoobe 36 - SEBR SÕNGO

A Zoob namsga võor akɩka

¹ A Eliyu kell n talla goama woto:

² Maag f meng bilfu, Zoob, tɩ m wilg-fu. Bũmb wʋsg n ket m sẽn tõe n leoke n puk bʋʋm n kõ Wẽnde.

³ Bala, m na n ta-la m bãngra sẽn zulmẽ, n yiis bʋʋm n kõ m Naandã.

⁴ Zirẽ-beed ka naag m sẽn na n togsa ye, la bãng tɩ yaa mit meng n yɛs f taoorã.

⁵ Gese, Wẽnd ziira labsa, ka bãmb n na n sak n yeel tɩ b toog ka ye. B yalsda b gomda zĩ yɛnga, b pa gird n le gõms ye.

⁶ B kõn bas nin-wẽng t'a vɩɩnd ye, b na sõng b sẽn maand b rãmb pãnga.

⁷ B yama kẽeda nin-tɩrse la yaa daar fãa yĩnga. D gom dĩm dãmb yelle: bãmb n zaoolg-b b naama goeel zugu, n dat tɩ b rɩ naama n kaoose. Dẽ me la kẽer mi n yik n maand wilg-m-menga.

⁸ La wakat kãnga marsã Wẽnd zad-b lame, b zad-b-la ne bãeense wa bi-beese, b kẽesd-b-la toog ne toog pʋgẽ.

⁹ Wẽnd pukda b yam tɩ b mi b kongra sẽn beẽ, tɩ b mi tɩ b wilg-m-menga n wa ne zẽk f zugu ne Wẽnde.

¹⁰ B pakda tʋba tɩ b reeg b saglse, b wilgd-b lame tɩ b tek b naoor wẽnga sor zugu.

¹¹ Bãmb sã n kelg la b sak n tũ, b vɩɩma na baas sũ-noog kãseng pʋgẽ.

¹² La b sã n tõdg kelegre, tɩlɛ tɩ kũum lʋɩ sʋka la yaa wʋmba sẽn ka pida yĩnga la b na n ki.

¹³ B sẽn pa rɩk b mens n kɩs Wẽnd zãngã, b maanda zabre ne bãmba la b pa teesd Wẽnd kelme, b sã n wa yõk-ba n na n pag roog ye.

¹⁴ Bãmb dãmb loogdame n pa kʋʋl ye, n loog ne vɩɩm sẽn sãam ne yoobo.

¹⁵ Naong soab naong n fãagda, naonga rengda taoore n yet t'a maan gũusgu.

Wẽnd tʋʋma toga ne pẽgre

¹⁶ Wẽnd ra kɩtame tɩ fo me põs yɩɩre yĩn-maasem n wa n deeg pɛta zĩiga, tɩ f rɩɩba roog lɛɛg n pit ne rɩ-noodo.

¹⁷ La ad Wẽnd sẽn kao f bʋʋdo n paalg-fo, la ra tẽ tɩ sɩbgra na tõog n boog ye.

¹⁸ Da bas tɩ f sũura sẽn puugã tus-fu n lub wẽng a to pʋg ye. Da wa tẽ tɩ f sã n zamd kũun dũnna n le yik n zam kũun beoogo, f na tõog tɩ Wẽnd tũ fo raab ye, Wẽnd ka bõn-daadg ye.

¹⁹ Ad-f arzɛkã, ad-f sãnema kõn sek ye, dẽnd f modg f meng rũnna, n le modg beoogo.

²⁰ Da gãe n boond yʋng ninga sẽn na n yɩ dũni wã tɛkem-tɛkema ye.

²¹ Tɩɩma yaa ra wẽnemd f neng n tees wẽnga tɩ wẽngã n wa ne naongã la pɛtã.

Wẽnd n yɩɩd fãa

²² Gese, Wẽnd n yɩɩd fãa la b pãng labsa. Karen-saamb a bõe n tõe n zãms a karen-biis wa bãmba?

²³ Ãnna n be n wilgd-b b sẽn tog n maane? Ãnd n saagd n yeel bãmba: «Ad-y y ka maan neer ye!»

²⁴ Woto wã da yĩm ye, tẽeg n pẽg bãmb tʋʋma, tʋʋm niyns Adem biis fãa sẽn kilsdã,

²⁵ tʋʋm niyns fãa b sẽn maane, tɩ ninsaal tõe n yãend ne a nifã.

Wẽnd tʋʋmd sig-noy wẽnde

²⁶ Sɩda Wẽnd waoogame n zʋʋg tõnd yama zãnga, bãmb yʋʋm ka tõe n sõd ye.

²⁷ Bãmb n tigsd yĩngri kooma, bɛɛl-bɛɛla, b fẽegd-a-la wa wulgu,

²⁸ sawata na n pʋdga kooma tẽnga, n pʋdg-a bɛɛl-bɛɛla n madg ninsaalb kamba.

²⁹ Ãnna n tõe wilg sawatã sẽn tʋɩt to-to, n wilg yĩngr sa-tãsa võore?

³⁰ Ade, fo neeme tɩ yaa Wẽnde n gũbg b meng ne sa-yãgdo, bãmb n pids mogra bog-zulung ne kooma.

³¹ Wẽnd saaga niidame n na n dɩlg ãndũni rãmba, n kõt ninsaalba kood tɩ b rɩt n tɩgda.

³² Bãmb nusa mumda sa-tãsã, b zab-teoogo, dẽ tɩ b nina kargdame n baood b sẽn na n wẽ a soaba.

³³ Sa tãsã n wilgd b waoongo, la b waoonga ka lingd rũmsa mens ye.