A. Zoobe 26 - SEBR SÕNGO

A Zoob leokr a wɛ soaba

¹ A Zoob n gome n yeele:

² Yaa ninsaal la f rat n sõng bɩ? F rat n sõnga ned sẽn ka tar yõnofre bɩ?

³ Ad foo n mi ninsaal, a ka yam, saglgo, ad foo n mi bãngr pʋdgre!

⁴ La fo goama gomda ne ãnd dãmba, yɛ la f paam bãngrã sẽn yit f noorẽ wã? Yeel tɩ yaa Wẽnd-Pãng-Soaba nengẽ.

Wẽnd zʋʋga bũmb fãa

⁵ Ad yaa bog-zulunga pʋga, bok sẽn zulme n yɩɩd mogre, n yɩɩd mogra sẽn bĩng a pʋgẽ teeda zĩig ningã, ad yaa be la kɩɩmsa gãe n digd.

⁶ Bũmb ka lud bʋg-tẽnga t'a yɛdg n dɩg Wẽnd taoore, la a noora me ka lud bũmb, bãmb nifẽ ye.

⁷ Yaa Wẽnd n yɛdg, vɩʋʋgẽ, yĩngr saasã, bãmb zãnegẽ la b sagl tẽnga tɩ yẽ me luund vɩʋʋgẽ.

⁸ Bãmb n tigsd kooma sawatẽ, t'a be be n ka niid yaar ye.

⁹ B yɛdga sawadgo n lud kiuuga tɩ b pa tõe n yãend-a ye.

¹⁰ Vẽenema la lika toaagẽ la b ning kooma koaka.

¹¹ Bũmb niyns sẽn zãad saaga miimdame, Wẽnd sã n tãse b rigdame.

¹² Wẽnd pãnga sigsa mogrã rãamde, b yama sɛɛsa ko-wiiga pãnga.

¹³ B nor pemsem fʋʋsa saagã n pɩɩs-a. B tẽega b rɩtg kanga n kõs rũm-bãnde, a Leviatã.

¹⁴ D mii vẽenega tɩ d bãngr paooda, yaa b tʋʋma sẽn lʋɩ d nifẽ bilf bal la woto, b pãn-tʋʋma marsã, ãnna n tõe n bilg-ba a yamẽ?