A Salmo yɩɩla 6 - SEBR SÕNGO

*(Yɩɩn-yɩɩndba ne pagã)

¹ Dog ne neerem soaba, f zoa wã kẽnga yɛ? F noanga teesa yɛ tɩ d sõng foom n bao-a?

*(Pagã)

² M noang kẽ-la a zẽedẽ, yũ nooda sẽn wulumd zĩig ningã, a kẽ-la a zẽedẽ n na n wãben a rũmsi la a bao lɩɩng pu-neeba.

³ Mam yam kẽ-la m noang zãnga la m noang yam me kẽe maam zãnga. M noang wãbenda a rũmsi lɩɩns pʋ-wɛɛgẽ.

Paga neerma pẽgre *(Raoã)

⁴ M zoodo, fo yaa neer wala Tirsa tẽnga, fo gesg noogda sũuri wa Zerizalɛɛm yãeebo.

⁵ Pʋs n da le ges-m ye tɩ f nina rɩt-m lame. F zoobda zẽkdame la b sigd wa bʋʋse b sã n dʋʋd Galaad tãnga.

⁶ F yẽna pɛɛla wa piis sẽn wõrs paalem wa piis sẽn so koom. Ned kam fãa tara a pak-n-taaga sẽn ka tara yak ka ye.

⁷ F yɛga nukda f zug peenna wa poaloang bi-bogre.

⁸ Dĩma pagba taa pisoobe, pʋg-lemsa taa pis-nii tɩ pʋg-bi wã ya ka tɛka,

⁹ la m noanga ka tar a to ye, a yaa a ye tãa, a yaa neer zãnga, a yaa a ma bi-yende, a ma bi-nongre. Kom-pugli wã yãend-a lame n pẽge, pagba naaga taaba n kils-a. B yeela b sũurẽ:

¹⁰ Bõe n pɩnd wa sõore, n ya neer wa kiuugu, n yãgd wa wĩntoogo, n kẽesd dabeem wa tãb-biis sẽn sũ tãpo?

¹¹ D taa nobsa sẽn tigim zĩig ningã, n na n ges kʋl-waoka sẽn ningd vã-miinim; n na n ges sãbsa sã n tobdẽ, n na n ges sẽn wẽnda poaloanga sã n pu-la a puudu.

¹² Ade, m ka mi bõe n waa n lʋɩ sʋk ye. M lɛɛg n yɛɛsd-f lame, m noangã, buud sõng bi-pugla.