A Miise 2 - SEBR SÕNGO

Sɩbgra seglgo

¹ Na pak neb niyns sẽn dat-b yel-beedã, la b gãe b gãagẽ n bilgd wẽnga. Zĩig ne a sɩng pʋkri, tɩ b sɩnga b sẽn sed n dɩglã b sã n tara rẽ pãnga.

² B sã n dat pʋʋgo b reegd-a lame. B sã n dat roogo, b reegd-a lame. B yõkda zak soaba ne a zak rãmba n dees b sẽn so.

³ Yaa rẽ yĩnga la Soaala-Wẽnd gomd woto: «Ad yel-beed ning m sẽn na n sik zamaan kãnga rãmb yĩnga. Ned ba a ye ka na n tõog n põs ye; y zug na n sulgame, tɩ zamaan ning sẽn watã yaa yel-beed zamaan.»

⁴ Yella raare, b na n sɩɩl n tʋʋsa yãmba, wala m sẽn zoe n neẽ. B na n yɩɩla sũ-sãang yɩɩla, la b na n yeelame: «B fãa tõnd laoga zãnga. B reega tõnd vẽenem, b rigda tõnd n deesd d pʋt n pʋɩt taaba. Yaa bõe yĩng la b reesd-d sẽn so?»

⁵ Yãmb sʋka ned ba a ye sẽn na n paama bũmb Wẽnd pʋɩɩrẽ ka ye. Pʋɩɩra raare Soaala buuda kõn tẽeg y yell ye.

Bãngda zabd-n-taase

⁶ A Mise wʋma b sẽn yete: «Yaa n vʋʋs ne f goama, tɩ f gomda gom yaalse la yaa wala f ka mi tɩ d kõn tɩlg yãnd abada.

⁷ Ãnda n da tõe n tags woto, Zakoob roogo? Soaala-Wẽnd la sẽn ka mi yaams la. B ka minim n maand boto ye; sẽn kẽnd-b tɩrs yĩnga, b goama yaa nonglem goama.»

⁸ Sã n ya ne yãmba Soaala gomda woto: Yãmb yik n dɩta beem ne m buudã. Sẽn tɩ zab-ba n lɛɛg n watẽ ne yẽesem, yãmb yekd-b lame n yeesd b fu-tagdo.

⁹ Yãmb digda buuda pagba n yiisd-b b sẽn da nong n kẽed rot niynsã. Yãmb pa get b kamba ne waoor ning m sẽn yet tɩ b toga ne a soaba ye.

¹⁰ Yik-y n loog-y! Vʋʋsg sɛɛme. Y sẽn bas maama yaa naong ne naong la y na n sege.

¹¹ Ad-y ned sã n yiki n togsd yãmb gom vɩɩdo la a wãagd koom, n yetẽ: «M na gom y yĩnga y sã n na n tɩgs-m ne rãam la rã-toos buud fãa.» Ad-y ned a woto la bãngd gãeeng ninga sẽn tog ne yãmbã.

A Israyɛl buud kelle

¹² N-ye! Maam, Naaba-Wẽnd, n gomde: «M dat n tigma yãmb gilli, Zakoob yagense; mam dat n lagem-y-la taaba, Israyɛl bu-kelle. Mam na n tigim-y lame, wala piisi, b bãgr pʋgẽ la wala rũmsi, b wãbneg zĩigẽ. Y goama na wẽneg neb sẽn mi b nens goam marsã.

¹³ Sẽn pakd-a sorã lʋɩɩ y taoore. Yãmb paama y menga. Y paka sor n looge. B dĩma lʋɩ-la b taoore, yaa Soaala b Wẽnnaama n yɩ bãmb sɩleto.»