A Ezayi 4 - SEBR SÕNGO

¹ Daar n wate tɩ pagb a yopoe na n pʋg rao yende la b na yeel-a lame: «Tõnd n na n dɩlg d menga, tõnd n na n bao d toor futu, fo ye n bas-d bala tɩ d soond f yʋʋra maasmẽ n tɩlg yãnde.»

Sẽn na n kell-b Zerizalɛɛm

² Daar n wate, Soaala-Wẽnd na n kɩtame tɩ bũmb bul n yi tẽngã la a na n yɩɩ Israyɛl kamba sẽn põsã zu-zẽkre la b pẽgre.

³ Sẽn pa-b Zerizalɛɛm, sẽn na n põs-b Siõ, bãmb fãa na n boolame tɩ neb sẽn welg toor Soaala-Wẽnd yĩnga; bãmb fãa yʋy la Soaala gʋls b vɩɩma sebr pʋgẽ tɩ b na n vɩɩnd Zerizalɛɛm.

⁴ Soaala-Wẽnd na n waa ne zemsgo la b neba yɩlgre. Ad-y Zerizalɛɛm pagba sã n wa paam tɩ Soaala pek b rẽgdã, Siõ sã n wa paam tɩ Soaala buuda pek zãnga, n pek zɩɩma sẽn daagã, n yõog rẽgda fãa ne b sũ-fõora bugum,

⁵ wakat kãng la Soaala-Wẽnd meng b toore na n maan woto: Siõ tãnga zugu, sẽn na n tigim-b be wã yĩnga, bug-zõos sawadg n na n puki wĩntoogo, tɩ vẽenem na n yãng yʋngo. La Wẽnd ziira na pukame n gũ-ba.

⁶ Na n yɩɩ wala maasem tɩɩga, wala zãnde sẽn ti ne tɩɩs vãado tɩ b neba na n tɩlg tʋʋlgo wĩnto-sʋka la b põs sa-koom la sob-raado.