A Ezayi 38 - SEBR SÕNGO

A Ezekiyas bãag sãoogre

¹ Wakat n zĩndi tɩ bã-kʋʋdg yõk a Ezekiyas; bãngda Izayi, a Amos biiga, wa n yãend-a lame n yeel-a: Soaala gomd la woto: «Marsã, maneg f zaka yɛla tɩ f bãaga na n tõog-f lame.»

² A Ezekiyas wẽnemda a neng n tees a roog lalga la a pʋʋsa Soaala-Wẽnde.

³ A yeela woto: «Ade, Soaala-Wẽnde, tẽeg-y neere tɩ mam vɩɩnda wala y sẽn date; m pelga m sũuri n tũ yãmba, m maan sẽn ta y yam.» La a Ezekiyas yõka yãbre.

⁴ Soaala-Wẽnd yeela a Izayi

⁵ t'a gom ne a Ezekiyas: «A Daviid Wẽnnaama koɛɛg la woto: ‹M wʋma f koɛɛg, m yãe-la f nintãm. M na n paas-f-la yʋʋm piig la a nu.

⁶ M na fãag-f lame la m fãag Zerizalɛɛm Asʋr dĩma nugẽ, m na n gũu tẽngã.› »

²¹ A Izayi yeela woto: «Bɩ b to kankama n bɛ zĩig ninga sẽn zabdã tɩ rĩma na sãooge!»

²² Dẽ la a Ezekiyas sok yã: «Makr bʋg la f kõt-ma tɩ m na n le tõog n taa wẽnd doogẽ?»

⁷ A Izayi yeelame: «Soaala na n kõ-f-la makre tɩ f bãng tɩ b na n pidsa b sẽn kãabã.

⁸ Ade, a Ezekiyas tũuda teedse n dʋʋd a roogo; teedsa ra bee wĩntoogẽ, n wa n kẽe maasmẽ. Bãng tɩ Soaala na n kɩtame tɩ maasma le yõbg teeds piiga!» La sɩda, maasma le yõbga teeds piiga, n leb poorẽ.

A Ezekiyas yɩɩlle

⁹ Ad yɩɩll ninga, Zɩɩda rĩma, a Ezekiyas, sẽn yɩɩle a bãaga sẽn wa n sãooge:

¹⁰ M da yetame: m vɩɩnda m vɩɩma pʋɩ-sʋk bala n na n zoe n looge, n na n zoe n loog kɩɩmsa sẽn beẽ wã, n tɩ baas bogra sẽn pa wã.

¹¹ M da yetame: m kõn le yãend Soaala nin-vɩɩsa zamaanẽ ye, m kõn le seg ned ba a ye tẽng zug ka ye.

¹² Roog ning m sẽn da kẽedã, sobg looga yɩɩg ne-a, wala rũm-kɩɩm sẽko. B wʋka m vɩɩma wala sʋlg sẽn wʋkd a peende, n vili n sɛ n kedg n kʋʋg gĩsgã. Ka ne zaabra bala, Soaala, tɩ y sɛɛ ne maam,

¹³ ka ne beoogo tɩ kũuma looga ne maam. Soaala wera m kõaba wa bõnyẽega, n-ye! Ka ne zaabrã tɩ m yell sɛɛme.

¹⁴ M fɩɩnda wala sɩlaalle, la m guusda wa walle. M gesa yĩngr tɩ n nin yiigi. M yɩɩra pʋgẽ, Soaala, maan-y bũmb n kõ-ma!

¹⁵ M na n yeelame tɩ bõe? M na n yeela yãmb tɩ bõe? M yet yaa bãmb n wa ne rẽ fãa wɛ! M sũ-tooga labsa tɩ gõeem yɩk n bas-ma.

¹⁶ Soaala, yãmb da mii tiiri, y ra mii yɛl niyns sẽn na n pak-ma fãa la y le vʋʋg-m lame, y le waa ne pãn-paalga, y kell n wogla m yõore.

¹⁷ M tooga na n tedgame n lebg m laafi y nonglma yɩɩ wʋsgo, tɩ y põsg-m ne kũum; y teeba m yel-wẽna n lob y poorẽ la y teeb-b lame n lob al yɩɩga.

¹⁸ Kɩɩmsa ka mi yãmb pẽgr ye, ka sẽn gãe-b tẽngã n na n kils-y ye. F sã n sig yaoogẽ n sɛ, ne y nonglma sẽn ka tɛka, saagr ka le bee n saagdẽ ye.

¹⁹ Nin-vɩɩsa bal n tõe n pẽg yãmba, wala mam sẽn ket n maand dũnna wã, wala ba rãmb niynsi sẽn ket n tõe n wilg b kamba tɩ yãmb ka yɛɛd ne ninsaal pʋgb ye.

²⁰ Soaala, yãmb fãag-m lame. Dẽ la d na kils yãmb ne yɩɩla d vɩɩma fãa pʋgẽ, y ro-sõnga pʋgẽ, Soaala!