A Ezayi 29 - SEBR SÕNGO

Vugr bala Zerizalɛɛm na n paama fãagre

¹ Ariyɛl, Ariyɛl, kato! Kato, Zerizalɛɛm tẽnga! Yaa ne foo la a Daviid waa n na n tak zabre. Ba f sã n ket n maand f kibs rãmba n gilgdẽ, tɩ yʋʋmd pʋgd yʋʋmde,

² ad-m na n nams-f lame, Soaala-Wẽnd n gomde. Fo kõn tol n tɩlg ne sũ-sãang la pɛt ye, la mam yĩnga fo ka na n le yɩɩ Laafi tẽng ye, f na n yɩɩ maan-kugra zĩig bala, maanda yõogr zĩig bala.

³ M na taka zabr ne foo wala a Daviid, m na n tuu bok n gũbg-fo, f sẽn na n tɩ kẽ zĩig ningã, m na n bʋʋg-f-la be n zabe la m zẽk tãnd wa lal-gũbri, n yẽd-f zãng-zãnga.

⁴ Fo na n lʋɩ bog-zulungẽ, tɩ f koɛɛga na n yit wala bʋg-tẽngẽ, koɛɛg sẽn ka le sãt ye, n ya wala kɩɩm koɛɛga, koɛɛg sẽn yit wala no-bi fɩɩlgo.

⁵ F bɛɛba yaa wa wubs-bãanega, yaa nin-toose la b sõor ka tɛk ye, yaa wa ka-fɩɩba sobg sẽn dɩke. La Ade, vugr bala,

⁶ dũni fãa Wẽnd na n wa sõng-f lame, b na n waa ne sa-tãsg bʋʋre, bʋʋr sẽn kẽesd rabeem, n naag ne sobg sẽn zẽkd wubsgu, la bug-walem sẽn yõogde.

⁷ Ade, na n yɩɩ wa zãmsdo, n yɩ wa bõn-bãnd la f yãend yʋngo. F bɛɛba sẽn da sũ ka tɛka la b wat n na n zab ne-fã, n da segd-f ne b zab-teedã, la b tuud bogd n gilgd fooma, Ariyɛl, ad-b fãa sẽn menemde, n menemd wala yʋng yãeeb bɩ zãmsdo.

⁸ Lebga wa ned sẽn da gãe n zãmsdẽ, n zãmsd t'a rɩta noogo, n wa nek ne pʋ-vɩʋʋgo. Yaa wa ko-yũud sẽn tar ned t'a gãe n zãmsdẽ, t'a paama koom n yũuda, n wa nek ne yaamse, n nek ne kokor sẽn kʋɩ zãnga. Na n yɩɩ woto ne bu-zẽmba tãb-biisi sẽn da zabd-b ne Siõ tãnga.

Nina zondo la yama zondo

⁹ Yɩɩ-y neb wa bũmb sẽn lingi tɩ b yɛs sɩɩ, n ka yaagd y noor ye, yɩɩ-y wa neb sẽn ka tar nini, la y yɛs sɩɩ n ka yaagd y noor ye. Yɩɩ-y wa neb sẽn kẽnd n tuumnẽ la ka rãam la b tɩg ye, n kẽnd n latemnẽ n yaool n ka yũ fɩ ye.

¹⁰ Sɩda, Soaala-Wẽnd daag-y-la suusgu bãaga. Y nina mumame, gomda ne bãngdbã, y nenga luda peende, gomda ne sẽn yet tɩ b neeme wã.

¹¹ Yɛla yãeeb lebga toog ne yãmba, wala sebr sẽn ka lak gʋlsem, wala sebr sẽn pag ne siribdu. Dɩkda sebrã n kɩs sẽn mi-a karengo, n yeel-a t'a reeg n karem, tɩ yẽ me na n leok tɩ pa tõe ye, tɩ sebra pagame.

¹² Dɩkda sebra marsã n lake, n kis ned sẽn ka mi karengo n yeel-a t'a karem, t'a na n leoke t'a ka mi kareng ye.

Wẽnd miime

¹³ Soaala-Wẽnd yeta b buuda poorẽ: «Nin-bãmba kolgda maam ne b noor goam bala, n pẽgd maam ne b no-gãnd bala, la sũurã paada yɩɩga, b zãra ne maam. Woto wã mam tũudma, mam waoogrã lebga maan woto tɩ yaa boto n toge; lebga reeg ninsaal sẽn togse n ning f pʋtẽerẽ.

¹⁴ Yaa rẽ la m na n kell n wilg-b yɛl-soalma n wa tol n kẽes moogo sɩlem dãmba sɩlem, n menes yam dãmba yam.»

Yãmb mamsa Soaala ne bõe?

¹⁵ Yell bee nin-bãmba zugu! Yaa neb sẽn solgd b meng Soaala-Wẽnde, n solgd b sẽn dat n tʋm beedã, n geend b geels likẽ n yetẽ: «Ãnna n ne-do, ãnna mi-do. Ãnda n tõe n bãng d sẽn dat n maane?»

¹⁶ Yaa bõe wẽnem yãanga la woto? La m sok n gese, yagdo la yagda yaa a ye bɩ? Bũmb tõeeme n yiki n yeele sẽn maana yẽ wã: «Ad ka foom n maan maam koe!» Yʋʋr tõe n yeela yagdã: «Yõa yaa nin-yaalga?»

Yɛla na n teemame

¹⁷ Daare y ka mi ye, sã n yɩ bilfu, la kõn le kaoos ye, Libã googa na n tedg n lebga wa zẽedo, tɩ zẽeda tedg n lebg googo!

¹⁸ Baraare, wʋms na n wʋma sebra karengo tɩ zoeens na n tɩlg lika, b na n sɩnga yãeebo.

¹⁹ Naong rãmb yĩnga, Soaala-Wẽnd na n yɩ-la b sũ-noogo; tɩ nimbãan-dãmb na n kɩdem b kɩdengo, a Israyɛl Nin-sõnga maasmẽ.

²⁰ Ade na-toosa kõn le rɩ naam ye, sẽn nong-ba n la b taaba, sẽn baood-b wẽng ne b taaba na n wãa zãnga.

²¹ Neba na paam b mense ne sẽn kãnegd-b b taaba, la sẽn gãnegd-b bẽdgo, n na n paalg b taab bʋʋdo, n na n paalg ned sẽn ka tar a toorẽ yelle.

²² Yaa rẽ fãa yĩnga la Soaala-Wẽnd kõt b koɛɛga, la a Zakoob ne a yagensa Wẽndã, Wẽnd ninga sẽn fãaga a Abraama yet woto: Yãnd kõn le yõk a Zakoob buuda ye, a zug kõn le sulg ye.

²³ Bãmb ne b kamba sã n wa yãend m sẽn na n tʋm tʋʋm niynsi bãmb sʋka, b na reeg tɩ yaa Soaala la maam, tɩ maam la a Zakoob Wẽnd sõngã. Rabeem na yõk-ba tɩ b pa saage n sãam a Israyɛl Wẽnda sũur ye.

²⁴ Bãmb sẽn dag n ka le tar yama b na sɩng n wʋm taab moore, bãmb sẽn da pa rat n deeg bũmbã, b na bas tɩ b karem-ba.