A Ezayi 13 - SEBR SÕNGO

Babilon sɩbgre

¹ Ad-a Amos biiga a Izayi sẽn wʋm Naaba-Wẽnd nengẽ, ad Wẽnd koɛɛg ne Babilon.

² Dʋ-y tãng sẽn ka tar tɩɩse n yagl tãb-kaoore, wẽ-y no-bɩnga, zẽk-y y nugu n kams tãb-biisã tɩ b wa na-komsa noorẽ.

³ Maam, Naaba-Wẽnd, n boond m tãb-biisi tãb-biis niyns m sẽn welg toorã, tãb-biis niyns m sẽn mi b rãmb tiirã gãndaad sẽn pid ne mam ziira kilsg sũ-noogã, m boond-b lame tɩ b wa zab n sõng-ma.

⁴ Kelg-y tɩ bʋʋre n maand tãnga zugu la yaa neb ka tɛk sẽn lood bʋʋre. Kelg-y dĩm dãmb sẽn sũ taab bʋʋre. Ad-y yaa dũni fãa Soaala-Wẽnd n segend zabre n tongd b tãb-biisa sẽn na n tak zabrã.

⁵ B yita tẽn-zãorgẽ, al saaga satmẽ. Yaa Soaala n puug b sũuri n wat ne b zab-teedo n na wã tẽnga zãnga.

⁶ Wiis-y, kelem-y kʋʋre tɩ Soaala-Wẽnd daar kolgame! Yaa Soaala n wat n na n wã b wãabo.

⁷ Yaa rẽ la nug kaẽ n na maan daoodo, tɩ sũur kaẽ n na n yals ye.

⁸ B fãa gill tara yɛɛsgo, baag-po-rũng gesa b gĩina n sẽbe, toog lebsda b yĩnga goabg la rɩtgo; pag sẽn kũmd rogem bas n vʋʋse. B yiiga b nina n get taaba, rabeema teema b yĩn-gãongã.

⁹ Soaala daara waa n sɛɛme. Yaa sũ-puuri daare, ka-sugri daare, tɩ tẽnga na n lebg rasempʋɩ-kãsenga, tɩ yel-wẽn-maandba fãa na n sɛ baraare.

¹⁰ B kõn le yãend yĩngri ãdsã ne b tikim-tikma ye; b kõn le yãend b vẽenema ye. Wĩndga na n puka sablgo, la kiuug kõn le yãg a yãgb ye.

¹¹ Soaala-Wẽnd gomda woto: «M na n sɩbga dũni wã, a wẽnema yĩnga, n sɩbg, nin-wẽnsã b bi-beelma yĩnga; m na sika na-toosã wilg-m-menga la b tɩtaama.

¹² Sãnem yãeeb sẽn ya toog ningã, ninsaalba yãeeb na n yɩɩ toog n yɩɩge. B yãeeb na n yɩɩ toogo n yɩɩg Ofir sãnem.

¹³ Ade, m na n miima saagã tɩ tẽnga na n deeg n dĩmi, dũni fãa Wẽnd sũ-puurã raare, dũni fãa Wẽnd sũ-fõora raare.

¹⁴ Ninsaalba na n wẽnega yãk sẽn yɛɛse, n wẽneg wala piis sẽn ka tar gũuda, ned kam fãa na n bao a buud zĩiga, ned kam fãa na n zoe n dɩk a ba yir sore.

¹⁵ Sẽn basa tɩ b yõk-a, b kodgda a soaba. Sẽn basa tɩ b paam-a, sʋʋg n lubd-a.

¹⁶ B na kooda b yagense b nifẽ, n zɛ b roog teedo, n sãam b pagba.

¹⁷ M na n tusa Mɛd dãmb tɩ b yik zabr ne-ba, la Mɛd toog ka be ne wanzurfu la a ka ges sãnem wa bũmb ye.

¹⁸ B pɛɛma na n kõsa kom-dibli wã, b na taba kom-pugli wã n bedse. B ka zoet pag biig nimbãaneg ye, b nin kõn kals tɩ bi-bilf n tar toog ye.

¹⁹ Wẽnd na n kɩtame tɩ Babilon, Kalde dãmb na-tẽnga, b tẽn-neere la b faong menga, lebg raboog wala Sodom la Gomor, Soaala-Wẽnd sẽn tus pĩnd n lubi.

²⁰ A kõn le paam tɩ ned le wa ti a yir be n tãag dũni wã yikri. Arab kõn pɩʋʋg be, la rũm-kɩɩm kõn bas a niis tɩ b gãand be.

²¹ Na n lebga we-rũms gãaga, rota na n pida ne viuug luiili, na-neend meng na n waa be, wãams na n saoo be.

²² Kata na n kõo taab sɛk tẽnga do-neeba pʋga, we-baas me boto. Tẽnga wãab daar kolgame, Babilon lʋɩɩs ka na n le tadg ye.»