Abakuk 3 - SEBR SÕNGO

Soaala sõngr kosgo

¹ Woto ya pʋʋsgo, bãngd a Abakuk pʋʋsgo. Pʋʋsga yaa sɛɛg yõkre.

² Soaala, Soaala, m wʋma y noora sẽn togsã, la rabeem bal n tar-ma, Soaala paam pẽgr yʋʋma sẽn tong taabã y tʋʋm sõma wã y sẽn tʋma yĩnga! Yʋʋma sẽn watã le berg-y y tʋʋm bãna tõnd ninsaalba nifẽ. Ba y sã n be bʋʋm n yikd y sũur ne-do, baasgo wilg-y tõnd y nimbãan-zoeere.

³ Soaala-Wẽnd yii Tema n watẽ, Nin-sõnga yii Parã tãnga. Yĩngr pida ne b ziiri tɩ tẽnga pid ne b pẽgre.

⁴ Soaala watame n yãgd ne vẽenem. Wĩnto-kãn a yiibu n tond b nugẽ, b pãnga la b mum b nugẽ.

⁵ B lʋɩɩsda bã-longdem b taoore, tɩ yĩn-wɩngr pʋgd b poore.

⁶ B yalsa b nao zugu la tẽnga la b magyã. B gesa Adem biisi tɩ b sɩng rigbu. Tẽn-kʋdem wẽnnẽ tãmsa vigsdame, tɩ tãn-bi wã kell n sut zãnga. Yaa so-kʋda la b le rɩke.

⁷ Mam yãee Kusã rãmb roto la fãa lebga rabood n dɩga; Madiã tẽng rota sug zũndga zãnga.

⁸ Soaala, yaa ne kʋɩlsã la yãmb sũura fõt bɩ? Yaa ne mogrã, la yãmb sũur puug bi? Yaa y sũurã n puugi tɩ y zomb sawatã wa wiidi, n zomb-b wa b soga bilim-bilm, tɩ y na n zab y raood zabre bɩ?

⁹ Y zãada y tãpo, y nugẽ, y zãada y nugẽ wa kãna, y sẽn da kãab tɩ y na n toola beed ning fãa. Tẽnga me wurgame n tãoosd a koom wa pɛɛma.

¹⁰ Tãmsã yãenda yãmba la ad-y b sɩnga rigbu. Mogra ningda a koɛɛga n tãoosd a ko-wiisa yĩngri.

¹¹ Wĩndga la kiuugã wʋmda y pɛɛma sẽn fɩɩnde, b yãeta saag-sʋʋsa sẽn yãgd goalma tɩ wĩndig ne kiuug na n pa b zĩigẽ.

¹² Soaala sũur puugame tɩ b saagd tẽngã la yaa bu-zẽmba nao la b tabda.

¹³ Y yi-la y buuda fãagr yĩnga y yi-la y dĩma fãagr yĩnga. Y fõka nin-wẽnga roog sugri, y sarma a rota lals zãnga.

¹⁴ Yãmb deesda bɛɛba zab-teedo n wẽneg n wurd b zutu. B ra fõt n kẽeda maam wa sɩlmande, b ra wat n na n yaam-m lame wala sẽn maand ne b sẽn tõog a soab fãa.

¹⁵ Yãmb tuka sor mogr zug ne y wiidi, tɩ ko-wiisa zẽkdẽ la b sigd ne pãnga.

¹⁶ Mam wʋma rãamdã tɩ rabeem yõk-ma bʋʋra kɩtame tɩ m no-gãnda rigda; zũnzũur n kẽ m kõabã, tɩ kam-wers sẽb m gĩina. Daara la m da yɛs sɩɩ n gũudẽ, m gũuda bɛɛba zu-beeda raare, n na bob zabre n fãag m menga.

¹⁷ M sẽn ne nanda, m neeme tɩ kankang ka ningd puud ye, bugsuntund ka womd biis ye. Oliviye rãmb dõosg ka yõod ye, pʋt ka rɩlgd a koaad ye, wubr ka le tar pesg ye, nag-gãagẽ nag-bil meng ka ye.

¹⁸ Ne rẽ fãa yaa Soaala la m sũ-noogo, yaa bãmb la m Fãagda.

¹⁹ M Soaala yaa m Wẽnd la m pãnga. B kɩtame tɩ m karse lebg wala yĩsr rẽnna, la tãmsa zut la lolemd marsã. Yɩɩla naab yɩɩndame tɩ kʋnde, ruudg la bɛɛl wẽedẽ.