2 Kibayã 3 - SEBR SÕNGO

¹ Yɩɩ Zerizalɛɛm, Soaala-Wẽnd sẽn wilg a Ba a Daviid t'a me wẽnd dooga zĩig ningã, yaa zĩ-kãng la a Salomo me wẽnd doogã. Yɩɩ Zebuzitga a Orna zɛɛgẽ.

² Yɩ-la a naam dɩɩb yʋʋmd a naas soaba, kiuug a yiib soaba.

³ A Salomo sõoga wẽnd dooga woto: a woglem yaa pĩnd kãntɩɩsã pisoobe, a yalem kãntɩɩs pisi.

⁴ A Salomo gesa wẽnd dooga noorẽ n ning zãongo. Zãonga woglem yaa kãntɩɩs pisi, wa rooga meng yalem. A zãndlem yaa rooga meng zãndlem: kãntɩɩs pisoobe. A baoo sãnem meng n kɩt tɩ b tablg a pʋga zãnga.

⁵ A baoo ra-sĩdma n ka rooga lalse n lɛɛg n tablg sãnem, n ning sãnem komse, tɩ sãnem pãneng luunẽ.

⁶ A yãka zĩiga n ning kug sẽn pɩnda. Sãnema yii Parwayim.

⁷ Sãnem kãng n tablg roogã, a ra paadsã, a lalsã, a peemleesã. A rõoga malɛgse n tablg lalsã.

⁸ A yaoolame marsã n me sõmblem doogã. Yẽ me woglem la a yalem da yaa kãntɩɩs pisi. A woglem zemsa ro kãsenga yalem. A rɩka sãnem meng n tablg-a. Sãnema taa neb tusr zɩɩbo.

⁹ Sẽn da ka fãa ra kaa ne sãnem kaadga. B maga kaadg fãa zɩslem: kuten-giling rẽnna. Yĩngr dota fãa tablga sãnem.

¹⁰ Sõmblem dooga pʋgẽ a ninga malɛgs a yiibu. Yõga ne zũudu n yaool n bolg sãnem.

¹¹ Malɛgsa ra yɛsa yĩngri. B ra yega taaba la b nensa ra wẽnemdame n tees rooga noorã. Malɛk fãa pɩgs a yiiba ra tẽega kãntɩɩs piiga.

¹² Malɛk fãa pɩgsr a ye da sɩɩsda rooga lalga, t'a pɩgsr a to wã ra sɩɩsd malɛk a to rẽnd, tẽnsʋka.

¹³ Fãa yaadma yaa kãntɩɩs pisi.

¹⁴ Peen-lutga sẽe ne peen-mismiuugu, peen-moomde pɛɛl sẽn yũnug tɩ wẽnd saag-pag a Ninanina. Pɛɛla me buka malɛgs wẽnego.

¹⁵ Dooga noorẽ, a yalsa kut ra-lug bɛd a yi. B woglem taa kãntɩɩs pis-tã la a nu. B rogla kut na ta kãntɩɩs a nu n kʋ ra-luga zutã.

¹⁶ A yagla kut ra-luga zutu kut pãneng sẽn lɩʋs ne vãad la tɩ-biis sẽn wẽnd pooloomse, bãmb na ta koabga.

¹⁷ Yaa dooga noorẽ la b yals kut ra-lugã, a ye rɩtgo, a ye goabga. Rɩtg soaba boolame tɩ Yakẽ, a ka tõe n ka yalse; goabg soaba boolame t'a Boaz, a pãnga.