2 Kibayã 18 - SEBR SÕNGO

A Zozafat ne a Akab zoodo

¹ A Zozafat paama waoor la arzɛka wʋsgo. A yõga zood ne a Akab la zooda waa n baasa ne reemdo.

² Sẽn maan yʋʋm a wãna, a waa Samari n na n ges a Akab. A Akab kʋʋ piis la niis ka tɛka, yẽnda ne a poorẽ dãmba yĩnga, la rẽ yaa sẽn na n yɩlẽ t'a wa sõng-a n tak zabre ne Galaad-Ramot dãmba.

³ Israyɛl dĩma Akab yeela Zɩɩda dĩm a Zozafat: «F na n waa ne maam Galaad-Ramot bɩ?» T'a yeele: «Foo ne f neba sẽn maand bũmb ninga, maam ne m neba me maanda boto.»

⁴ A Zozafat le yeela Israyɛl dĩma: «Mam kotame tɩ f sok n paam Wẽnd koɛɛga.»

⁵ Dẽ la Israyɛl dĩma tigim bãngdba na ta kobs-naase n sok-ba: «D tog n kẽng n tɩ kaooga zabre Galaad-Ramot bɩ m tog n basame n pa kẽnge?» Tɩ b naag taab n leoke: «Kẽng-y tɩ Soaala na ning tẽnga dĩma y nugẽ.»

⁶ T'a Zozafat yeele: «Naaba-Wẽnd bãngdba ba a ye ka ket tɩ d kudg yẽ me kãntɩɩga?»

⁷ Israyɛl dĩma leoka a Zozafat: «Ned a ye n kete tɩ d tõe n kudg kãntɩɩga n sok Naaba-Wẽnde, la mam kis-a lame, a zɩ n togs koɛɛg sẽn noom-m ye, dẽnd beed bala. Yaa a Yimla biig a Mise.» A Zozafat yeelame: «Bɩ dĩma da gom woto ye!»

⁸ Israyɛl dĩma boola a sõgen a ye n yeel-a: «Bool a Yimla biig a Mise t'a wa tao-tao!»

⁹ Israyɛl dĩma ne Zɩɩda dĩma da zao b naam goeele, n yeelg naam futu. B ra bee vɩʋʋg ninga sẽn be Samari Noorã tɩ bãngdba da yɛs b taoore n gomd b bãngra goama.

¹⁰ A Kenaana biiga a Sedesiyas ra kuda kut yɩɩla la a yeelame: «Wẽnd koɛɛg la woto: ‹Ne yɩɩn-bãmba, fo na n tãa Aramsã n kʋ-b zãnga.› »

¹¹ Bãngdba fãa da gomda gom yɛnga n yetẽ: «Kẽng Galaad-Ramot, f na tõoge. Wẽnd na n ning-a-la dĩma nugẽ.»

¹² B sẽn tʋm dao ninga t'a tɩ bool a Mise wã goma ne a woto: «Bãngdba fãa zemsa taab noor a ye n gomd noog dĩma poorẽ. Fo me maan wa bãmb nin-yende n kãab noogo.»

¹³ Dẽ la a Mise leok yã: «M wẽend ne Wẽnd sẽn vɩ, tɩ m Soaala sẽn yeel-m bũmb ninga bal la m na n togse.»

¹⁴ A sẽn ta dĩma taoore, dĩma sok-a lame: «Mise, d kẽng n tɩ kaoog zabr Galaad-Ramot bɩ d ra kẽnge?» T'a leoke: «Kẽng-y, y na tõoge, Wẽnd na n ninga tẽnga zãng y nugẽ.»

¹⁵ La dĩma yeel-a lame: «Yaa naoor a wãna la m na n kos-fo tɩ f togs sɩd bal Naaba-Wẽnd yĩnga?»

¹⁶ Dẽ marsã la a Mise yeel yã: «Mam yãenda Israyɛl gill sẽn sẽeg tãmsa zutu, wala piis sẽn ka tar pe-kɩɩma. La Naaba-Wẽnd yeelame: b ka le tar Soaal ye, la rẽ yĩng bɩ ned kam fãa leb a yir ne laafi.»

¹⁷ Israyɛl dĩma yeela Zɩɩda dĩma: «M da ka pĩnd n yeel tɩ nin-kãnga zɩ n togs koɛɛg sẽn noome, dẽnd beed bala?»

¹⁸ T'a Mise yeel: «Maneg-y n kelg Naaba-Wẽnd koɛɛga. M yãee Naaba-Wẽnd tɩ b zao b zaoorẽ, tɩ b sõsd-n-taasa fãa yɛs b sɛɛgẽ goabg la rɩtgo.

¹⁹ Tɩ Wẽnd soke: ‹Ãnda n na n belg a Akab, Israyɛl dĩma, t'a kẽng Ramot-Galaad n tɩ pa be.› La nin-yend leoka woto, t'a to leok woto.

²⁰ Wakat kãng marsã la yam soab a ye kolg Naaba-Wẽnd taoore, n yeele: ‹Yaa maam n na n belg-a!› Tɩ Wẽnd sok a: ‹Fo na n maana wãna?›

²¹ T'a yeele: ‹M na kẽngame, m na n lebga zirẽ-beed zelemde, bãngdba fãa sẽn be ka wã noorẽ.› Tɩ Soaala le yeele: ‹F na belg-a, f na tõog n tudg-a, kẽng la f maan boto!›

²² A Mise paasame: Goam sɛɛme. Soaala-Wẽnd zoe n ninga zirẽ-beedo bãngdba sẽn be ka wã noorẽ, ad yaa b meng sẽn dat beed ne fooma yĩnga.»

²³ Dẽ la a Kenaana biiga a Sedesiyas kolg n wẽ a Mise noore n yetẽ: «Naaba-Wẽnd yam tũu so bʋgo n bas maam n lɛɛg n kẽ foom?»

²⁴ T'a Mise yeele: «F na bãng rẽ raar ning f sẽn wat n zoe n soonde, f zaka ro-likẽ.»

²⁵ Israyɛl dĩma kõo no-kãnga: «Yõk-y bãngd, a Mise, n tɩ kɩs tẽnga kombere, Amon tẽnga naba, la na-biiga a Zowas.

²⁶ Y na yeel-ba: ‹Dĩma koɛɛg la woto: Sui-y nin-kãnga bi-bees roogo, n kõt a bur la koom bala, n gũud m sẽn na n lɛɛg n wa ne laafi.› »

²⁷ T'a Mise yeel-a: «F sã n lɛɛg n wa ne laafi, dẽnd Soaala-Wẽnd ka gom ne mam noor ye.»

²⁸ Israyɛl dĩma ne Zɩɩda dĩm a Zozafat, kẽnga zabre, Galaad-Ramot.

²⁹ Ad Israyɛl dĩma sẽn yeel a Zozafat: «Mam na n teema m fut n kẽng zabrã, la yãmba, bɩ y yeelg y fuugu.» Israyɛl dĩma sɩd teema futu tɩ b kẽng zabre.

³⁰ Aram dĩma yaool n da kõ-la a bilim-bilm nanams no-kãnga: «Da kaoog-y zabre ne nin-naaba bɩ ne talg ye, kaoog-y zabre ne Israyɛl dĩma bala.»

³¹ Bilim-bilm nanamse sẽn yãend a Zozafat, b yeelame: «Yaa Israyɛl dĩma,» la woto wã b fãa wẽnemdame n tees yẽnda. A Zozafat kelmame, tɩ Naaba-Wẽnd wa sõng-a n tall-a n zãage.

³² Nanamsa sẽn bãng tɩ ka Israyɛl dĩma, b loogame n bas-a.

³³ Dao a ye n waa n yãag a tãpo n tão yaare tɩ yõk Israyɛl dĩma kuta fuug sogb zĩiga. Dĩma yeela sẽn tata bilim-bilma wiidã: «Wẽnemd tɩ m yi zabra sʋka, tɩ m paama sãmpogre.»

³⁴ Zabra wɩnga wakat kãnga. Israyɛl dĩma kell n yalsa yĩngri a bilim-bilm pʋga, n ta zaabre, n get Aramsã, la wĩndg sẽn lʋɩ, a kiime.