1 Zã 3 - SEBR SÕNGO

¹ Ges-y Ba sẽn wilg nonglem ning ne tõnd al tɩ d tõe n bool tɩ Wẽnnaam kamba, la d sɩd yaa Wẽnnaam kamba! Zamaana rãmb sã n ka mi tõndo, yaa b sẽn ka reng n bãng Krista.

² M kom-nongdse, tõnd zoe n yaa Wẽnnaam kamba, yaa sẽn pʋgda bal la b nan ka wilg-du. D miime bala tɩ b Waoonga raare, d na n wẽnega bãmba, tɩ d na n yãend-b lame wa b sẽn ya-la.

D ket n zãagd d meng ne yel-wẽnde

³ Ned ning fãa sẽn teega bãmba, lebgda yɩlgemd wa Krista sẽn ya yɩlgemdã.

⁴ Sẽn maand-a yel-wẽnd maanda sẽn kisi, tɩ yaa maan sẽn kis la yel-wẽnde.

⁵ Y yaool n wʋmame tɩ b sẽn wa dũnia b waame n na n yẽes yel-wẽnde la bãmb meng ka maan yel-wẽnd ye.

⁶ Sẽn paada ne bãmb ka maand yel-wẽnd ye. Sẽn maanda yel-wẽnd ka yãend-b ye la a ka mi-b ye.

⁷ M kom-bõonego, da bas-y tɩ ned tudg-y ye. Sẽn maand-a neer yaa nin-sõngo wa Krista sẽn ya nin-sõngo.

⁸ Sẽn maand-a yel-wẽnde kẽe Sʋtãana tɩ Sʋtãan yaa yel-maand al sɩngrẽ. Yaa Sʋtãana tʋʋm yooda menesg yĩnga la Wẽnd Biiga wa yã.

⁹ Wẽnd sẽn dog a soab ka maand yel-wẽnde, tɩ yẽ soab tara b zʋgo; woto wã a ka tõe n maan wẽnga, Wẽnd sẽn dog-a wã yĩnga.

¹⁰ Ad bũmb ning sẽn bakd Wẽnnaam kamba la Sʋtãan kamba: sẽn ka maanda neere ka Wẽnd biig ye, wala sẽn kis-a a saam-biig me sẽn ka Wẽnd Biigã.

Nong taab noore

¹¹ Ad koɛɛg ning y sẽn wʋm sɩngrẽ: d tog n nonga taaba.

¹² D da saag n wẽneg a Kayẽ sẽn kẽ Wẽnema soab tãpẽ n kodg a yao wã ye. La a kodg-a la bõe yĩnga? Yaa a meng tʋʋm sẽn da ya tʋʋm yoodo, t'a yao wã rẽnd ya sõma.

¹³ Da yɛɛs-y ye, m saam-biisi, zamaana rãmb sã n kis-y ye.

¹⁴ Tõnd yẽ miime tɩ d yii kũumẽ n kẽ vɩɩmẽ, la rẽ yaa d sã n nong d saam-biisã.

¹⁵ Sẽn ka nong-a a saam-biig fãa yaa nin-kʋʋda; la y mi tɩ nin-kʋʋd ba a ye ka tar vɩɩm sẽn kõn sɛ ye.

¹⁶ Ad bũmb ning sẽn puk b nonglem: Bãmb dɩka b vɩɩm n kõ tõndo, la woto tõnd me tog n kõ d vɩɩm d saam-biisa yĩnga.

¹⁷ Ned sã n tar tẽng zug arzɛka n ne a saam-biig zu-loɛɛga la a maand wa a ka ne, Wẽnd nonglma yɩta a wãn n pa ne yẽ soaba?

¹⁸ M kom-bõonego, d nonglma ra yɩ bʋʋre la gom nood ye, nonglma yɩ sɩda, a tũ ne tʋʋmde.

D sũur yaa kɛgeng Wẽnd taoore

¹⁹ Yaa rẽ n na wilg tɩ d bee sɩd pʋgẽ tɩ d sũur me gãe ne laafi,

²⁰ ba d sũura sã da ratẽ lame n ning-d taale, tɩ Wẽnd yɩɩd-a lame, la b mii fãa.

²¹ M kom-nongdse, d sũur koɛɛg sã n ka ningd-d taale d zĩi ne sũ-keelem Wẽnd taoore.

²² D sẽn kos b bũmb ning fãa d paamd-a la bãmb nengẽ, d sẽn deegd b noe wã, la d maand sẽn tat b yama yĩnga.

²³ B noora la woto: d tẽ b Biig a Zezi Krista yʋʋr yĩnga, la d nong taaba wala b sẽn zoe n togsã.

²⁴ Sẽn deegda noor paada ne Wẽnd tɩ Wẽnd me paad ne a soaba; ad bũmb ning sẽn wilgd tõnd tɩ b bee ne do: yaa b Vʋʋsma b sẽn kõ tõndã.