1 Sãmwɛlle 20 - SEBR SÕNGO

A Daviid weoog kẽeda a Zonatã

¹ Dẽ loogre poore, a Daviid yii Rama karen-bokẽ wã n wudg n wa yeel a Zonatã: «M maana bõe? M beegre la bʋgo? Yel-wẽnd bʋgo la m maan n bõn f ba t'a rat n dok m yõore?»

² A Zonatã yeelame: «Ayɛ! Kõn yɩ boto ye! M ba pa maand bũmbu, tɩ b pa reng n wilg maam ye. M ba na n solga maam yell kãnga bõe yĩnga? Rẽ ka tõe ye.»

³ La a Daviid wẽename n yeel: «F ba mii vẽenega tɩ tõnd moor zemsda taaba, la woto wã a yeela a menga: ‹M modg t'a Zonatã ra wʋm bũmb t'a sũur wa sãam ye.› La yaa sɩda, tɩ maam ne kũum sẽn zãr taaba, yaa nif la yõore bala wala sẽn ya sɩda tɩ Naaba-Wẽnd vɩɩme la fo me vɩɩme.»

⁴ T'a Zonatã yeel a Daviid: «Fo sẽn dat bũmb ningã, m na maane.»

⁵ T'a Daviid leok a Zonatã: «Beoog yaa kiu-paalga, la m da tog n naaga naabã n dɩ, la bas tɩ m zoe n tɩ solg m meng weoogẽ n tãag dayɩt zaabre.

⁶ F ba sã n yãe n sok m kaalma võore, f na n wilg a woto: ‹A Daviid kosa ne dɩdgre tɩ b kõ-a sor t'a kẽng a tẽngẽ, Bɛtelyɛɛm, buuda maoong sẽn kʋʋd yʋʋmd-yʋʋmda yĩnga.›

⁷ Dĩma sã n yeele: ‹Be neere,› ad-m tɩlgame. La a sã n puug a sũuri, bãng t'a rata m menesgo.

⁸ Wilg-a tɩ f sẽn yõg zood ne-m, Soaala yʋʋr yĩngã, f kõn bas tɩ zooda sãam ye. La sã n wẽnda m sɩd beegame, bɩ fo meng f toor kʋ-ma. Bõe tɩ b na n tall-m ta f ba taoore?»

⁹ A Zonatã yeelame: «Dẽ kõn yɩ yel-beedo? M sã n bãng bal tɩ m ba rat n yiisa f yõore, m wẽend tɩ m na wilg-fu.»

¹⁰ A Daviid soka a Zonatã: «Ãnd soab n na n wilg maam fo ba sã n leoka ne sũ-puuri?»

¹¹ A Zonatã yeela a Daviid: «Wa tɩ d kẽng we-kɛɛnga!» B sɩd tũu taab n yi we-kɛɛnga.

¹² A Zonatã yeela a Daviid: «Ne Soaala, a Israyɛl Wẽndã, m na n fɛɛsa m ba beoogo bɩ ra-yɩta, woto wẽnde, n bãng a raabo. Koɛɛg buug sã n ka be a Daviid poorẽ, m kõn yeel tɩ bũmb ye.

¹³ Marsã, bɩ Soaala tʋm-m beedo, m ba sã n dat f yõor yãkre, tɩ m pa wilg-fu. Bãng tɩ m na kɩt tɩ f loog ne laafi. Bɩ Soaala zĩnd ne foo wala a sẽn zĩnd ne m ba!

¹⁴ Dẽ wã, Naaba-Wẽnd sã n tong m yõore, foom, a Daviid, na wẽen tɩ d zooda kõn sãame, tɩ Soaala-Wẽnd ka rat sãoong ye. M sã n ki,

¹⁵ bɩ f ra bas f nimbãan-zoeerã t'a teem ne m zak rãmba, ba Naaba-Wẽnd sã n wa yiis a Daviid bɛɛbã, b yembr yembre, tẽng zugu.»

¹⁶ La a Zonatã yõga zoodo ne a Daviid doogo la a kosame tɩ Wẽnd sok zooda sãamda, n sok a Daviid bɛɛba.

¹⁷ A Zonatã le kɩtame t'a Daviid wẽene, a sẽn da nong-a yĩnga la a sẽn da nong-a wala a menga yĩnga.

¹⁸ A Zonatã yeel-a lame: «Yaa beoogo la kiuuga pukda. F sã n pa zĩnd kibsã, b na n bãngame, tɩ f goeela na n paa vɩʋʋgo.

¹⁹ Gũ ra-yɩta. Leb we-kɛɛnga, zĩig ning f sẽn tɩ soond nin-daarẽ wã. Tɩ lill Ezɛl pĩigã.

²⁰ M na n kolga be n tão m pɛɛm a tãabã.

²¹ M na n yeela m dakõorã: ‹Kẽng n tɩ gẽes pɛɛma!› La a sã n kẽng tɩ m yeel-a: ‹Fo yõsgame! Leb f poorẽ n wʋk-ba!› Dẽ wã fo wata kibsã, tɩ rabeem kaẽ ye. Ne Soaala sẽn ya Wẽndã, bũmb kõn maan ye!

²² La m sã n yeel sõgna: ‹Kẽng taoore!› Da yaas ye, tɩ Soaala-Wẽnd meng n kõt-f sore.

²³ La sã n ya koɛɛgã, maam ne foom sẽn leok taabã, bɩ Wẽnd yɩ d yiiba kaset daar fãa.»

²⁴ A Daviid tɩ soonda we-kɛɛnga. Kiu-paalga taame, dĩma me waame tɩ kibsa rɩɩb na n sɩnge.

²⁵ Dĩma zĩnda a goeel zugu la goeela ra dɩdga rooga lalga, wala dasem kam. A Zonatã zĩnd n tees-a lame. A Abnɛr n zĩnd n yegl a Sol. A Daviid goeela paa vɩʋʋgo.

²⁶ A Sol ka yeel tɩ bũmb, baraar ye, n tagsd a sũurẽ tɩ raare yell bilfu n be a Daviid zugu, tɩ raare a rẽgmame n nan ka paam n yɩlg a meng ye.

²⁷ Vẽkembeoogo, kiu-paalgã daar a yiib soaba, a Daviid zĩiga le paa vɩʋʋgo. La a Sol soka a biig, a Zonatã: «Bõe n maan t'a Zese biiga ka wa rɩɩb zaamẽ, n ka wa rũnna?»

²⁸ A Zonatã leoka a Sol: «A Daviid kosa maam sore n na n kẽng Bɛtelyɛɛm.

²⁹ A yeelame: ‹Mam kotame tɩ y kõ-m sore, tɩ tõnd yira rãmb tara b maoong tẽnga pʋgẽ, tɩ m kẽem a ye wa togs tɩ m wa. Dɩlla, fo sã n dat-m ne neere, bɩ f bas-m tɩ m ta yir.› Ad-y yaa rẽ yĩnga la a Daviid ka wa rɩɩba rũnna.»

³⁰ A Sol sũur puuga ne a Zonatã, la a yeel-a lame: «Bi-yoogo, pʋg-kõb-wẽnga la tõat biiga, mam ka mi tɩ fo zoa la a Zese biiga tɩ rẽ ningd f meng yãnde la a ningd f ma yãnd bɩ?

³¹ Bãng t'a Zese biiga ket ne yõor fãa, fo kõn deeg naam ye! La marsã tʋm tɩ b tɩ bao a Daviid, la b tall-a n wa kõ maam, t'a toga ne kũum.»

³² A Zonatã leoka a ba, a Sol; a sok-a lame: «B na n kʋ-a-la bõe yĩnga? A maana bõe?»

³³ A Sol zẽka a kãnde n tees a Zonatã, t'a na n tão-a. A Zonatã bãngame, t'a ba sɩd gãda, a sũurẽ, a Daviid kũum.

³⁴ A yika rɩɩba zĩigẽ, t'a sũur kɛɛda, la a pa naag n dɩ kiu-paalg daar a yiib soaba ye, a sũur da sãama fãa, a Daviid yĩnga, t'a ba ra tʋʋs-a lame.

³⁵ Vẽkembeoogo yibeoogo, a Zonatã kẽnga we-kɛɛnga n bʋʋg a Daviid, wala b sẽn da sed ne taaba, la bi-bilfu n da yãagd-a.

³⁶ A yeela a sõgna: «Wudg n bao pɛɛma mam sẽn na n tão wã.» Sõgna wudgame la a Zonatã maana dabaare n tão pɛɛma tɩ zʋʋg-a.

³⁷ La sõgna kolga a sẽn tão pĩima zĩig ningã t'a Zonatã tãse: «Pĩima ka zʋʋg foo sɩda?»

³⁸ A Zonatã le tãsa sõgna: «Tao tao, maan tao, da yals ye!» Sõgna rɩka pĩima n wa kɩs a zu-soaba.

³⁹ Sõgna da ka wʋmd võor ye; a Zonatã ne a Daviid bala n da mi sẽn zem tɛka.

⁴⁰ A Zonatã kɩsa biigã a zab-teed n yeel-a: «Kẽng n tɩ lebs-b tẽnga pʋgẽ.»

⁴¹ Biiga sẽn looge, a Daviid yii rɩtgo, n wa vabende, n fõgneg a neng tẽnga, n wõgemd naoor a tã. Zo-rãmba mobga taaba, n lagem taab n ning nintãm, la a Daviid n yãb n yɩɩge.

⁴² A Zonatã yeela a Daviid: «Kẽng n loog ne laafi, tɩ tõnd naaga taab n wẽene ne Wẽnde, tɩ bũmb kõn tol n zĩnd maam ne foo sʋka, fo ba wã la mam ba wã roog sʋk ye.»