1 Sãmwɛlle 18 - SEBR SÕNGO

¹ A Daviid sẽn gom n sɛ ne a Sol, a Zonatã sũur tabenda a Daviid, t'a na n nong-a ne nonglem kãsenga.

² Badaare me la a Sol reeg a Daviid, a zakẽ n pa le bas-a t'a leb a ba nengẽ ye.

³ A Zonatã yõga zood ne a Daviid, n da nong-a wala a menga.

⁴ A tol n yeega a sẽn da yer fu-taok ningã n kõ a Daviid, n paas fut a taaba, n paas a sʋʋga ne a tãpa menga la a sɛɛga sẽbdga.

⁵ A Daviid da kẽngda a Sol sẽn da tʋmd-a zĩig ning fãa, la zĩig fãa, a ra tõogda bɛɛbã. A Sol kɩtame t'a lebg a tãnsoaba. A Daviid ra tata neba fãa yam. Ba na-yir dãmba da nong-a lame.

A Sol sũ-kiiri

⁶ A Daviid sẽn wa n kʋ Filisti rãmba nin-daoogã n lɛɛg n wa, pagba fãa yii Israyɛl tẽnsa fãa n wa seg a Sol, n zodgd yɩɩla, n pãbd gãngãado, la b wẽed kɛma n saoodẽ la b kilsdẽ.

⁷ Pagba da zodgda yɩɩla n deesd taab n yetẽ: «A Sol kʋʋ tusri! A Daviid kʋʋ tus piiga!»

⁸ A Sol sũur puugame. Tus piiga pa ta a yam ba bilfu, t'a yeele: «B yetame t'a Daviid kʋʋ tus piiga tɩ mam kʋ tusr bala. Woto wã ka naama bal n paoog a Daviid marsã!»

⁹ Badaar tɛka la sẽn pʋge, a Sol gesa a Daviid kegr-kegre.

A Sol maka a Daviid kʋʋbo

¹⁰ Vẽkembeoogo, Naaba-Wẽnd le basame t'a Sol zʋg yooga le yiki t'a gãeemd a zak pʋga. A Daviid da wẽeda bɛɛl wa dasem kam fãa; a Sol da zãada kãnde, a nugẽ.

¹¹ A Sol zẽka kãndã, n yeel a sũurẽ: «M na n tão a Daviid n ka-a ne lalgã.» La a Daviid ligla tãooba naoor a yi.

¹² A Sol da zoeta a Daviid. Soaala-Wẽnd da be ne a Daviid, n yaool n da yi n bas a Sol.

¹³ A Sol zãaga a Daviid ne a menga, n kɩt t'a lebg tãb-biis tusr tãnsoaba. A Daviid da lʋɩta a neba taoore, tɩ b yit n kẽnd zabr la b watẽ.

¹⁴ A sã n da bob zabr fãa, a lɛɛgd n waa ne zu-zẽkre tɩ Soaala-Wẽnd dag n be ne-a.

¹⁵ A Sol sẽn mik tɩ bũmba fãa sakda a Daviid, a zoe-la a rabeem.

¹⁶ A Israyɛl ne a Zɩɩda zãng da nonga a Daviid, a sẽn da lʋɩt bãmb taoor yĩnga tɩ b yit n kẽnd zabre la b lebgdẽ.

A Daviid kãadem

¹⁷ Daar a yembre, a Sol yeela a Daviid: «Ad-m kom-pugli wã kãsma, a Merab. Yẽ la m na n kõ-f tɩ f maan f paga. Fo ye n modg bala n keng f sũuri la f zab Wẽnd zabre.» Mik a Sol da yeta a sũurẽ: «Bɩ m nug ra sɩɩs-a, la Filisti rãmba nug maan-a bũmbu!»

¹⁸ A Daviid leokame: «M yaa ãnda, m dogma yũug tonga ne ãnda rẽnna, Israyɛl tẽn-peelmẽ tɩ mam na n lebg rĩma rɛɛmba?»

¹⁹ La wakat sẽn wa n ta, tɩ b ra tog n kõ a Daviid a Sol bi-pugla, a Merab, a rɩk-a lame n kõ a Adriyɛl, Meola rao, t'a maan a paga.

²⁰ A Sol bi-pugla a Mikal yam waa n kẽ-la a Daviid: tɩ b togs a Sol, la rẽ me ta-la a yam.

²¹ A ra yeta a sũurẽ: «M na n kõ-a-la a Mikal tɩ yɩ bẽdg a yĩnga n lub-a Filisti rãmba nusẽ.» Dɩlla, paam n taa naoor a yi la a Sol yeel a Daviid: «Dũnna fo na n lebga mam dɛɛmba.»

²² A Sol kõo na-yir dãmba noor kãnga: «Sõs-y ne a Daviid noogo, la soos-y n yeel-y yã: Ade, dĩma dat n maana foom neere; a poorẽ dãmba fãa nonga foo. Yɩ dĩma rɛɛmba!»

²³ A Sol na-yir dãmba togsa a Daviid gom bãmba. La a Daviid leokame: «Yãmb tẽedame tɩ lebg dĩma rɛɛmb yaa naana wɛ? Mam yaa naong soaba, la talg sẽn ka võore.»

²⁴ A Sol sõgen-kamba lɛɛg n tɩ taasa dĩma a Daviid sẽn yeel-b bũmb ningã.

²⁵ A Sol yeelame: «Tɩ gom-y ne a Daviid woto: Dĩma ka rat bũmb a to reemda yĩnga, sã n ka Filisti rãmba koabg la f kʋʋ n dok m sũuri. Kʋ-ba, n kẽes-b bõngo, n wa ne b waoosã.» A Sol da tʋllame bala n sagl a Daviid Filisti rãmba nusẽ.

²⁶ A Sol na-yir dãmba tɩ togsa a Daviid dĩma goama. A Daviid gesame tɩ b sẽn yet t'a maan bũmb ning n paam n lebg a Sol rɛɛmbã, da ka wẽnd bõn-toog ye.

²⁷ B sẽn bas daar ningã da nan pa ta ye, la a Daviid yik n looga ne a neba. A Daviid tɩ kʋʋ Filisti rãmb kobs-yi. A waa ne b sẽn kos bũmb ningã n sõd n dɩgl dĩma taoore, n na n tõog marsã n lebg rĩma rɛɛmba. A Sol sɩd dɩka a biig, a Mikal, n kõ-a t'a maan a paga.

²⁸ Dẽ marsã la a Sol yaool n bãng tɩ Soaala-Wẽnd da bee ne a Daviid, la a bãng me t'a biig a Mikal me ra nong-a lame.

²⁹ A Sol zoe a Daviid n yɩɩd pĩnda; a vɩɩm tɛka, a rɩɩ beem ne a Daviid.

³⁰ Filisti rãmba nanamse le yiime n na n tak zabre. Wakat fãa, a Daviid n da maan daoodo n yɩɩd a Sol tãb-biis a taabã. Dẽ me la a yʋʋra paam n yi wʋsgo.