1 Kibayã 3 - SEBR SÕNGO

A Daviid yagense

¹ Ad-a Daviid kamb niyns sẽn dog Ebrõ tẽnga: a bi-kẽenga: a Amno, a ma la a Ayinoam, Zizreyɛl bi-pugla. A yiib soaba, a Daniyɛl, a ma la a Abigayil, Karmɛl paga,

² a tãab soaba, a Absalom, a Maaka biiga, Gesur dĩma a Talmayi bi-pugla, a naas soaba, a Adoniyas, a Agit biiga.

³ A nu soaba a Sefatiya, a ma la a Abital; a yoob soaba, a Yitream, a paga a Egla sẽn doge, yẽ me yɩɩ rĩma biiga.

⁴ Bãmb b yooba doga Ebrõ, t'a Daviid dɩɩ naam be yʋʋm a yopoe la kiis a yoobe n yaool n wa rɩ naam Zerizalɛɛm, yʋʋm pis-tã la a tã.

⁵ A Daviid doga kamb a naas Zerizalɛɛm ne paga a Batseba, a Amiyɛl bi-pugla. Bãmb la woto: a Sima, a Sobab, a Natã, a Salomo.

⁶ A Daviid le roga kamb a wɛ: a Ibar, a Elisuwa, a Elpelɛt,

⁷ a Noga, a Nefɛg, a Yafiya,

⁸ a Elisama, a Eliyada, la a Elifelɛt.

⁹ A Daviid yem-pogsã kamba pa sõd n naag ye. Bi-pugl a ye la a rog yã, a Tamar.

¹⁰ A Salomo sẽn dog kamb niynsa la woto: a Roboam, a Abiya,

¹¹ a Zoram, a Akaziyas, a Zowas,

¹² a Amaziyas, a Azariyas, a Zotam,

¹³ a Akaz, a Ezekiyas, a Manase,

¹⁴ a Amon, a Zoziyas. Bãmb fãa yɩ-la a kamba.

¹⁵ A Zoziyas kamba: a bi-kẽenga, a Zoana, a yiib soaba, a Zoakim, a tãab soaba, a Sedesiyas, a naas soaba, a Salum,

¹⁶ a Zoakim kamba: a Yekoniya, a biiga, a Sedesiyas, a biiga.

¹⁷ A Yekoniya, b sẽn tall a soab n loog yembd Babilona kamba: a Salatiyɛl,

¹⁸ a Malkiram, a Pedaya, a Senasar, a Yekamiya, a Osama, a Nedabiya.

¹⁹ A Pedaya kamba: a Zorobabɛl la a Simeyi. A Zorobabɛl kamba: a Mesulam, a Ananiya, la a Selomit, bãmb tão.

²⁰ A Mesulam kamba: a Asuba, a Oyɛl, a Berekiya, a Asadiya, a Yusab-Esed: bãmb b nu.

²¹ A Ananiya yagense: a Pelatiya, a Yesaya, n paas a Refaya, a Arna, a Obadiya la a Sekaniya kamba.

²² A Sekaniya roga kamb a yoobe: a Semaya, a Atus, a Yigal, a Bariya, a Neariya, a Safat.

²³ A Neariya kamba: a Eliyoenayi, a Iskiya, a Azrikam: bãmb b tã.

²⁴ A Eliyoenayi kamba: a Odabiya, a Eliyasib, a Pelaya, a Akus, a Zoana, a Delaya, a Anani: bãmb b yopoe.