1 Kibayã 25 - SEBR SÕNGO

Yɩɩn-yɩɩndba

¹ A Daviid ne a tãnsoaben-dãmba welga toore, b tʋʋmda yĩnga, yɩɩn-yɩɩndba a Asaf, a Eman la a Yedutun kamba: bãmb da vẽena ne Wẽnd gomd kelgr la a võor wilgri, n wẽed koala la pendse la kɛma. Ad neb niyns sẽn da ya-b yɩɩn-yɩɩndba.

² Ad-a Asaf kamba: Yaa a Zakur, a Zozɛf, a Netaniya la a Asarela; a Asaf da vẽena ne Wẽnd gomda kelgre la a wilgri. Yẽ n da yɩɩnde n tũud dĩma sẽn kose.

³ Sã n yaa a Yedutun, yẽ kamba la woto: A Gedaliya, a Seri, a Yesaya, a Simeyi, a Asabiya, a Matitiya; bãmb b yooba la b ba wã ra wilgd a sẽn dat yɩɩll ninga. A meng ra vẽena ne Wẽnd gomd kelgre la a võor wilgri la a ra wẽeda pɛndga n pẽgd Soaala.

⁴ Sã n yaa Eman, a Eman kamba sʋka; a Bukiya, a Mataniya, a Uziyɛl, a Sebuwɛl, a Yerimot, a Ananiya, a Anani, a Eliyata, a Gidalti, a Romameti-Ezɛr, a Zosebekasa, a Maloti, a Otir, a Maaziyot.

⁵ Bãmb fãa da yaa bãngda a Eman kamba; Wẽnd da gomda ne a Eman la yẽ da reegda b goama n taasd dĩma tɩ dĩma mi Wẽnd sẽn dat t'a maam bũmb ninga t'a naama kɩ yẽgna. Soaala-Wẽnd kõ-la Eman Kom-dibli piig la a naase la kom-pugli a tã.

⁶ Bãmb da sokda b ba yɩɩla wẽnd doogẽ. B ra wẽeda kɛma, pendse la koala, wẽnd doogẽ; bãmb ne a Asaf, a Yedutun la Eman da ka zãagd ne dĩma ye.

⁷ B da zãmsa pẽgra yɩɩla neere, n yɩɩnẽ tɩ tũudẽ, Soaala pẽgr yĩnga. Bãmb ne b ba-biisa sõor da yaa kobs-yi la pis-nii la a nii.

⁸ Sã n ya yɩɩn-yɩɩndba sẽn na n pʋg taab to-to, b maana poeere, nin-bɛda wala nin-bõonegã, karen-saam-dãmba wala karen-biisi.

⁹ B sẽn poees pipi, lʋɩ-la a Asaf buudẽ, a Zozɛf zugu. A yiib soaba, yɩ-la a Gedaliya, yẽ ne a ba-biisi la a kamba, bãmb piig la a yiibu.

¹⁰ A tãab soaba, a Zakur ne a ba-biisi la a kamba, bãmb piig la a yiibu.

¹¹ A naas soaba, yɩ-la a Isri, a kamba la a ba-biisi, bãmb piig la a yiibu.

¹² A nu soaba, yɩ-la a Netaniya, a kamba la a ba-biisi, bãmb piig la a yiibu.

¹³ A yoob soaba, yɩ-la a Bukiya, a kamba la ba-biisi, bãmb piig la a yiibu.

¹⁴ A yopoe soaba, yɩ-la a Yesarela, a kamba la a ba-biisi bãmb piig la a yiibu.

¹⁵ A nii soaba, yɩ-la a Yesaya, a kamba la a ba-biisi, bãmb piig la a yi.

¹⁶ A wɛ soaba, yɩ-la a Mataniya, a kamba ne a ba-biisi, bãmb piig la a yi.

¹⁷ Piig soaba, yɩ-la a Simeyi, a kamba ne a ba-biisi, bãmb piig la a yi.

¹⁸ Piig la a ye soaba, yɩ-la a Azarɛl, a kamba ne a ba-biisi, bãmb piig la a yi.

¹⁹ Piig la a yiib soaba, yɩ-la a Asabiya, a kamba ne a ba-biisi, bãmb piig la a yi.

²⁰ Piig la a tãab soaba, yɩ-la a Subayɛl, a kamba ne a ba-biisi, bãmb piig la a yi.

²¹ Piig la a naas soaba, yɩ-la a Matitiya, a kamba la a ba-biisi, bãmb piig la a yi.

²² Piig la a nu soaba, yɩ-la a Yerimot, a kamba ne a ba-biisi, bãmb piig la a yi.

²³ Piig la yoob soaba, yɩ-la a Ananiya, a kamba ne a ba-biisi bãmb piig la a yi.

²⁴ Piig la a yopoe soaba, yɩ-la a Zosebekasa, a kamba ne a ba-biisi, bãmb piig la a yi.

²⁵ Piig la a nii soaba, yɩ-la a Anani, a kamba ne a ba-biisi, bãmb piig la a yi.

²⁶ Piig la a wɛ soaba, yɩ-la a Maloti, yẽ ne a kamba la a ba-biisi, bãmb piig la a yi.

²⁷ Pisi soaba, yɩ-la a Eliyata, la a kamba ne a ba-biisi, bãmb piig la a yi.

²⁸ Pisi la a ye soaba, yɩ-la a Otir, la a kamba ne a ba-biisi, bãmb piig la a yi.

²⁹ Pisi la a yiib soaba, yɩ-la a Gidalti, la a kamba ne a ba-biisi, bãmb piig la a yi.

³⁰ Pisi la a tãab soaba, yɩ-la a Maaziyot ne a kamba la a ba-biisi: bãmb piig la a yi.

³¹ Pisi la a naas soaba, yɩ-la a Romameti-Ezɛr, la a kamba ne a ba-biisi, bãmb piig la a yi.