1 Kibayã 2 - SEBR SÕNGO

A Zakoob kamba

¹ A Zakoob yʋʋr a to la a Israyɛl; a kamba la woto: a Rubẽ, a Simeõ, a Levi, a Zɩɩda, a Isakar, a Zabulõ,

² a Dã, a Zozɛf, a Bẽnzame, a Neftali, a Gad la a Asɛr.

³ A Zɩɩda kamba: a Ɛr, a Ona, la a Sela. Bãmb b tãaba fãa ma yɩɩ Kanaã paga, a Suwa biiga. A Zɩɩda bi-kẽenga, a Ɛr, maana sẽn ya wẽng Naaba-Wẽnd nifẽ, tɩ b yãk a yõore.

⁴ A Tamar, a Zɩɩda bi-paga, doga a Zɩɩda kamb a yi: a Perɛs la a Zera. A Zɩɩda kamba fãa yɩɩ bãmb b nu.

⁵ A Perɛs kamba: a Esrõ la a Amul.

⁶ A Zera kamba: a Zimri, a Etã, a Eman, a Kalkol, a Dara, bãmb b nu.

⁷ A Karmi biiga: a Akar, waa ne yel-beed a Israyɛl zugu. A rɩka sẽn da kis rɩkre, zabr zĩigẽ.

⁸ A Etã biiga, a Azariya.

A Daviid yaab rãmba

⁹ A Esrõ kamba: a Yerameyɛl, a Ram, a Kelubayi (Kalɛb).

¹⁰ A Ram doga a Aminadab; a Aminadab roga a Nasõ sẽn yɩ a Zɩɩda yagensa naaba.

¹¹ A Nasõ n dog a Salma, a Salma n dog a Booz.

¹² A Booz n dog a Obɛd, a Obɛd n dog a Zese.

¹³ A Zese n dog a Eliab, a bi-kẽenga; a Abinadab la a yiib soaba, t'a Sama yaa a tãab soaba.

¹⁴ A Netaneyɛl, a naas soaba, a Radayi, a nu soaba.

¹⁵ A Osem, a yoob soaba, a Daviid, a yopoe soaba.

¹⁶ Bãmb tãopã da yaa a Seruya la a Abigayil. A Seruya kamba: a Abisayi, a Zoab, a Asayɛl, bãmb b tãabo.

¹⁷ A Abigayil roga a Amaza; a Amaza ba yaa a Yetɛr, Ismayɛlitga.

¹⁸ Ad-a Esrõ biiga a Kalɛb sẽn paam kamb niynsi ne a paga, a Azuba, yaa bi-pugl a ye, a Yeriot la kom-dibli a tãabo: a Yesɛr, a Sobab, la a Ardõ.

¹⁹ A Azuba kiime t'a Kalɛb peeg a Efrata n maan a paga t'a rog a Ur.

²⁰ A Ur roga a Uri, t'a Uri rog a Besaleyɛl.

²¹ Dẽ poore a Esrõ kẽe ne a Makir bi-pugla. A Makir ba la a Galaad. A Esrõ da tara yʋʋm pisoobe a sẽn waa n kẽ kãadem ne pʋg kãngã, la paga roga a biiga, a Segub.

²² A Segub n dog a Yayir, la yẽ n waa n lebg tẽns pisi la a tã naaba, Galaad tẽn-peelmẽ.

²³ Gesur ne Aram dĩm dãmb n wa n deeg Yayir pʋ-weesã, n paas Kenat ne a tẽn-kogse, bãmb pisoobe. Bãmb fãa da yaa a Galaad ba a Makir yagense.

²⁴ A Esrõ kũum poore, a Kalɛb kẽe ne a Efrata, a ba a Esrõ pʋg-kõore, n dog a Asewur, a Tekoa ba.

A Yerameyɛl doogo

²⁵ A Yerameyɛl, a Esrõ bi-kẽenga, roga kamba: a pipi biig a Ram, n paas a Buna, a Oren, a Osem, a Ayiya.

²⁶ A Yerameyɛl paama paga a to sẽn da boond t'a Atara; yẽ yɩ-la Onam ma.

²⁷ A Ram, a Yerameyɛl bi-kẽenga kamba: a Maas, a Yamin la a Ekɛr.

²⁸ A Onam kamba yɩ-la a Samayi la a Yada. A Samayi kamba: a Nadab la Abisur.

²⁹ A Abisur paga yʋʋr da ya a Abiayil, a roga a Abã la a Molid.

³⁰ A Nadab kamba: a Selɛd la a Apayim; a Selɛd kiime n ka rog biig ye.

³¹ A Apayim biiga: a Yiseyi. A Yiseyi biiga: a Sesã; a Sesã biiga: a Alayi.

³² A Samayi ba-biiga a Yada kamba: a Yetɛr la a Zonatã. A Yetɛr kiime n pa rog biig ye.

³³ A Zonatã kamba: a Pelɛt la a Zaza. A Yerameyɛl yagensa la bãmba.

³⁴ A Sesã pa rog bi-ribl ye, a roga kom-pugli bala; la a Sesã da tara yem-daoogo sẽn da yaa Ezipt neda t'a yʋʋr bond t'a Yara.

³⁵ A Sesã kõ-la a yem-daoogã a bi-pugla t'a maan a paga, tɩ pagã dog biiga, a Atayi.

³⁶ A Atayi roga a Natã, a Natã doga a Zabad.

³⁷ A Zabad roga a Efial, a Efial roga a Obɛd.

³⁸ A Obɛd roga a Yewu; a Yewu roga a Azariya;

³⁹ a Azariya roga a Elɛs, a Elɛs roga a Elasa,

⁴⁰ a Elasa roga a Sismayi; a Sismayi roga Salum.

⁴¹ A Salum roga a Yekamiya; a Yekamiya roga a Elisama.

⁴² A Yerameyɛl ba-biiga a Kalɛb kamba: a Mesa, a bi-kẽenga, sẽn yɩ a Zɩf ba, n paas a Maresa, a Ebrõ ba.

⁴³ A Ebrõ kamba yaa a Kora, a Tapuwa, a Rekem, a Sema.

⁴⁴ A Sema roga a Rãam, a Zorkoam ba. A Rekem roga a Samayi.

⁴⁵ A Samayi biiga la a Maõ la a Maõ yɩ-la a Bɛt-sur ba.

⁴⁶ A Efa, a Kalɛb pag a to, doga a Arã, a Mosa, a Gazɛz. A Gazɛz ba la a Arã.

⁴⁷ A Yadayi kamba: a Regem, a Zotam, a Gesã, a Pelɛt, a Efa la a Saaf.

⁴⁸ A Kalɛb pag a to, a Maaka, roga a Sebɛr la a Tirana,

⁴⁹ pʋg kãng n dog a Saaf, a Madmana ba la a Seva, a Makbena la a Gibeya ba. A Kalɛb bi-pugl la a Aksa.

⁵⁰ Ad-a Kalɛb yagens a taab yɛsa: a Ur, a paga a Efrata bi-kẽenga doga a Sobal, a Salma la a Aref. A Sobal n me Kiriyat-Yearim,

⁵¹ t'a Salma me Bɛtelyɛɛm, t'a Aref me Bɛt-Gedɛr.

⁵² Kiriyat-Yearim Sobal yagensã yɩɩ Aroe kẽedbã, n paas Menuwot kẽedba pʋɩ-sʋka,

⁵³ n paas Kiriyat-Yearim kẽedbã: Itritse, Yptitse, Sunatitse, Misrayitse, Sorea ne Estaol rãmba.

⁵⁴ A Salma yagense: Bɛtelyɛɛm, Netofa, Atrot-Bɛt-Zoab kẽedba, sẽn da kẽed-b Manaat la Sorea pʋɩ-sʋka,

⁵⁵ n paas Yabɛs bogre, neb sẽn da mi sebre n ya Tiratitse, Simatitse la Sukatitse. Nin-bãmb yaa Kenitse, Rekabitga a Amat yagense.