इब्रानियों 1 - सिरमौरी नौवाँ नियमपौरमेशवर कै बैटै का स्वभाव 1 बैजाए साल औगौड़ियौ पौरमेशवरे पुराणिया शै कैईंयौं बार औरौ कैईंयौं तरीकै शै पौरमेशवर कै बातौ बौताणौवाल़ो कै दवारा बातौ कौरी, 2 पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा। 3 बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ। 4 इथकारिए पौरमेशवरे बैटै खै ऐक ऐशणा नांव दिया जू स्वर्गदूतौ शै कौथी महान औसौ, तिथ नांव कै दवारा आमु दैखै पोऊँ कै बैटा तिनुदा कौथी महान औसौ। यीशु स्वर्गदूतौ दा बै महान 5 पवित्र शास्त्र दो पौरमेशवरे आपणै कोसी बै स्वर्गदूत कै ऐशै ना बुली, तू मैरा बैटा औसौ; ऐलो हांव ताखै बैटै कै रुप दा प्रकट कौरु औरौ ऐजौ तैणै ऐशै आपणै कोसी बै स्वर्गदूत कै ना बुली, हांव तैसका पिता बौणदा, “औरौ सै मैरा बैटा बौणै जांदा।” 6 औरौ जोबै पौरमेशवरे आपणै बैजाए महान बैटै खै दुनिया दा भैजा, तौ बौल़ौए, कै “पौरमेशवर कै सौबै स्वर्गदूत बैटै कै आराधना कौरौ।” 7 औरौ स्वर्गदूतौ खै बारै मुंजी ऐशै बौल़ौ, “पौरमेशवर आपणै स्वर्गदूतौ खै हावा कै जैशणै बाणौ औरौ आपणै सेवको खै भौपकीयौंदे आग कै जैशणै बाणौ।” 8 पौरौ बैटै कै बारै मुंजी बौल़ौ, “ओए रै पौरमेशवर, तैरा राज्य सौदा तौड़ी बौणेयौंदा रौंदा, तू आपणै राज्य पांदी न्यांव शै राज्य कौरदा। 9 तू आछै काम कौरणौ शै प्यार कौरे पौरौ गौलत काम कौरणौ शै बैर राखै; इयौं बौजैह शै, मोऐं तैरै पौरमेशवरे, ताखै तैरै दोस्तो कै बीच मुंजीदा चोणे राए, औरौ मोऐं बैजाए आनन्द कै साथै ताखै जौई कौरे राए।” 10 पवित्र शास्त्र ऐजौ बै बौल़ौए कै, “ओए रै प्रभु, शुरुआत दै तुऐं धोरती कै रचना कौरे, औरौ तुऐं स्वर्ग बै बाणौ। 11 सैजौ तौ नाश हौए जांदो, पौरौ तू सौदा जियुंदी रौन्दा औरौ सैजै सौबै खोटणो कै जैशणै पुराणै हौए जांदै। 12 औरौ तू तिनु चादरै कै जैशणा लौपेटदा, औरौ तू तिनु खोटणो बौदल़णौ कै जैशणै बौदलै दैंदा: पौरौ तू सौदा ऐक जैशणा रौंदा। तैरै जीवन का कौलोंई अन्त ना हौंदा।” 13 पौरमेशवरे आपणै कोसी स्वर्गदूत खै ऐशै कौलोंई ना बुली, “तू मैरै सोऐं ढौबौ आदर कै साथै बौठ, जांव तौड़ी कै हांव तैरै दुशमन खै पूरी तरह शै हराए नी दियु।” 14 तोबै स्वर्गदूतौ कै हौणौ का, का मकसद औसौ? सै सिरफ पौरमेशवर कै सेवक औसौ; जू पौरमेशवर कै दवारा तिनु लोगौ कै मौदद कौरणौ कारिए छाड़ै जांव जू उध्दार पांव। |
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
Beyond Translation