2 यूहन्ना 1 - सिरमौरी नौवाँ नियमबुड़ेईको कै ढौबौशा चोणेयौंदे का स्वागत 1 मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ। 2 आमै तुऔंआरी प्यार कौरो जिथुकै आमै साची शिक्षा दै बिशवाश कौरो, औरौ सैजै शिक्षा सौदा अमारै साथै बौणैयौंदे रौंदै। 3 पौरमेशवर पिता, औरौ तैसका बैटा यीशु मसीह कै ढौबौशै अनुग्रह, दया औरौ शान्तै, अमारै साथै बौणैयौंदे रौंव, जू सच कै मानौए औरौ ऐकी दुजैआरी प्यार कौरौ। मसीह कै आज्ञाओं कै मानणा 4 हांव बैजाए खुशी हौआ जोबै मोऐं शुणु कै तैरै किछै नानड़िया तियौं साची शिक्षा कै आज्ञा कै हिसाब शै जी रौवै जू अमारै पिता पौरमेशवरे आमु कौरणौ कारिए बौल़ै राए। 5 ऐबै ओए रै बोईण, हांव तांव कैईंदै बिन्ती कौरु कै आमु ऐकी दुजैआरी प्यार कौरणा चैंई। ऐजै कुणजै नोऐं आज्ञा ना आथी, पौरौ सैजै आज्ञा औसौ जियौं आमै तैसी सौमय शै जाणु जोबै आमुए मसीह कै मानणा शुरु कौरे राए थिया। 6 औरौ साचा प्यार ऐजाई औसौ कै जोबै आमु पौरमेशवर कै आज्ञा कै मानदै बैई काम कौरु। तैसी सौमय शै जोबै तुऐं यीशु मसीह कै मानणा शुरु कौरा तोबै शै ही तुऐं शौणै राए कै पौरमेशवरे आज्ञा दैय राए कै तुऔं सौदा ऐकी दुजैआरी प्यार कौरणा चैंई। मसीह विरोधी कै धौखै शै चौकश रौणा 7 मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव। 8 इथकारिए तुऔं ध्यान राखणा चैंई, कै कोदी ऐजै लोग तुऔं धौखा नै दैंव, ताकि पौरमेशवर कै सेवा कारिए तोंवारै कौरेयौंदे मैहनत बैकार नै जांव पौरौ पौरमेशवर तोंवारै सेवा का इनाम तुऔं जौरुर दैंदा। 9 जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव। 10 जै कुणिए आदमी तोंवारै धोरे आंव औरौ सै ऐजै शिक्षा नै दैंव, ना तौ तैसी घोरे आणौ दैव औरौ ना तैसी नमशकार कौरेयौ बौढ़ावा दैव। 11 जिथुकै जू कुणिए ऐशणै आदमी खै नमशकार कौरौ, सै तैसकै बुरै कामौ दा शामिल हौए जांव। आखरी स्वागत 12 हांव तुऔं हौजौ बै बौहिती बातौ बोताणा चोऊं पौरौ हांव इनु बातौ कै ऐशैखैई ऐकी चिट्ठी दी लिखणी ना चोऊं; पौरौ आशा कौरु कै हांव तोंवारै धोरे ओऊं औरौ आमणै-सामणै तुऔंआरी बातचीत कौरु, औरौ तोबै आमु ऐकी साथी भैटियो बैजाए खुशी हौंदै। 13 पौरमेशवर कै चोणेयौंदे बोईणी कै नानड़िया इथै औसौ जू ताखै नमशकार कौरौ। |
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
Beyond Translation