Nehemi 7 - NQAARIIT NE ROOG

A yetax ale na teeru fee

¹ Ye saŋe ne a maxatineena boo um wadin begax ke, we na yetooxaa tokand ke no saŋe ne, giigim we no Mbind Roog ne fo Leelewi we a ndalne no calel den.

² Doonaam a Yeerusaleem na xa ƥay Hanani fee o pog es fo na xa ƥay Hananiya fee adooxanna saŋe ne. We nand’ina fa Hananiya no ngor fo no saɗar a Roog mayee.

³ Layaam a den ee: «Baa tokand ke na teeru fee a mbetel a refangee njeeƈ ne kaa wat boo a sum. A yaarangaa, fat a mbegel, a nginglel boo yeeyetax we a ngelko fo mbudooxaa. Fat we ngenna Yeerusaleem a ndok no yetooxand den, oxuu refna a jasnoor fo mbind um.»

A lim ale no Yaawuur we nomtoortiidna no mbaƭ naa

⁴ Teeru fee a magna too a yaaj, ndaa mayee wiin, too a jega pind kaa maxatin’afulandeena.

⁵ Roog es a ɓeka no yiif es um fokat maak we fo kelfa ke fa xeet fee, ndax um lim a den. Ga’aam safe le we eet’ina o nomtoortiid no mbaƭ naa a limeena. A bind’e teen ee:

⁶ «Weeke ndefu we no jegel ole Yudaa nomtoortiidna no mbaƭ naa, we Nebukadnesaar fee o maad Babilon a ɓis’ina took o hup doole, too da nomtooxiid Yeerusaleem fa Yudaa, oxuu refna na teeru um.

⁷ A yooniida fa Serubabel, Yesuwa, Nehemi, Asariya, Raamiya, Nahamani, Mordokay, Bilsan, Misperet, Bigway, Nehum fa Baana. Neeke Ii-isra’el we a mbodu:

⁸ Xa taan axe Paros: cuni ƭik fo teemeed fo qarɓeen ɓetuu ƭik fo ɗik,

⁹ xa taan axe Sefatiya: teemeed tadik fo qarɓeen ɓetuu ƭik fo ɗik,

¹⁰ xa taan axe Arax: teemeed ɓetuu fa leng fo qarɓeen ƥetik fo ɗik,

¹¹ xa taan axe Pahat-Mowaab mbaqaqoorna na Yesuwa fo na Yowab: cuni ƭik fo teemeed ɓetuu tadik fo xarɓaxay fo ɓetuu daduk,

¹² xa taan axe Elam: juni fo teemeed ƭik fo qarɓeen ƥetik fo nahuk,

¹³ xa taan axe Satu: teemeed ɓetuu tadik fo qarɓeen nahik fo ɓetuk,

¹⁴ xa taan axe Sakay: teemeed ɓetuu ƭik fo qarɓeen ɓetuu fa leng,

¹⁵ xa taan axe Binuy: teemeed ɓetuu fa leng fo qarɓeen nahik fo ɓetuu daduk,

¹⁶ xa taan axe Bebay: teemeed ɓetuu fa leng fo qarɓeen ƭik fo ɓetuu daduk,

¹⁷ xa taan axe Asgad: cuni ƭik fo teemeed tadik fo qarɓeen ƭik fo ɗik,

¹⁸ xa taan axe Adonikam: teemeed ɓetuu fa leng fo qarɓeen ɓetuu fa leng fo ɓetuu ɗik,

¹⁹ xa taan axe Bigway: cuni ƭik fo qarɓeen ɓetuu fa leng fo ɓetuu ɗik,

²⁰ xa taan axe Adiin: teemeed ɓetuu fa leng fo qarɓeen ƥetik fo ɓetuk,

²¹ xa taan axe Ateer mbaqaqoorna na Hiskiya: qarɓeen ɓetuu nahik fo ɓetuu daduk,

²² xa taan axe Hasum: teemeed tadik fo qarɓeen ƭik fo ɓetuu daduk,

²³ xa taan axe Besay: teemeed tadik fo qarɓeen ƭik fo nahuk,

²⁴ xa taan axe Harif: teemeed fo xarɓaxay fo ɗik,

²⁵ we Gibe’on: qarɓeen ɓetuu nahik fo ɓetuk;

²⁶ we Betleheem fo we Netofa: teemeed fo qarɓeen ɓetuu tadik fo ɓetuu daduk,

²⁷ we Anatot: teemeed fo qarɓeen ƭik fo ɓetuu daduk,

²⁸ we Bet-Asmawet: qarɓeen nahik fo ɗik,

²⁹ we Kiryat-Ye’arim, we Kefira fo we Beerot: teemeed ɓetuu ƭik fo qarɓeen nahik fo daduk,

³⁰ we Rama fo we Geba: teemeed ɓetuu fa leng fo qarɓeen ƭik fo o leng,

³¹ we Mikmas: teemeed fo qarɓeen ƭik fo ɗik,

³² we Betel fo we Ay: teemeed fo qarɓeen ƭik fo daduk,

³³ we Nebo fa lakas fee: qarɓeen ƥetik fo ɗik,

³⁴ xa taan axe Elam fa lakas fee: juni fo teemeed ƭik fo qarɓeen ƥetik fo nahuk,

³⁵ xa taan axe Harim: teemeed tadik fo qarɓeen ƭik,

³⁶ we Yeriko: teemeed tadik fo qarɓeen nahik fo ɓetuk,

³⁷ we Lood, we Hadid fo we Ono: teemeed ɓetuu ƭik fo qarɓeen ƭik fo o leng,

³⁸ we Senaa: cuni tadik fo teemeed ɓetuu nahik fo qarɓeen tadik.

³⁹ Saasadax we a ndeeƭa: xa taan axe Yedaya mbaqaqoorna na Yesuwa: teemeed ɓetuu nahik fo qarɓeen ɓetuu ƭik fo daduk,

⁴⁰ xa taan axe Imer: juni fo qarɓeen ƥetik fo ɗik,

⁴¹ xa taan axe Pasehuur: juni fo teemeed ƭik fo qarɓeen nahik fo ɓetuu ɗik,

⁴² xa taan axe Harim: juni fo xarɓaxay fo ɓetuu ɗik,

⁴³ Leelewi we a ndeeƭa: xa taan axe Yesuwa fo axe Kadmi’el mbaqaqoorna na Hodewa: qarɓeen ɓetuu ƭik fo nahuk.

⁴⁴ Giigim we no Mbind Roog ne a ndeeƭa: xa taan axe Asaf: teemeed fo qarɓeen nahik fo ɓetuu daduk.

⁴⁵ Yeeyetax we na xa ton-maax axe no Mbind Roog ne a ndeeƭa: xa taan axe Saalum, axe Ateer, axe Talmon, axe Akub, axe Hatita fo axe Sobay: teemeed fo qarɓeen tadik fo ɓetuu daduk.

⁴⁶ Diidimle we no Mbind Roog ne a ndeeƭa: xa taan axe Siha, axe Xasuufa, axe Taba’ot,

⁴⁷ axe Keros, axe Siya, axe Padon,

⁴⁸ axe Lebana, axe Xagaba, axe Salmay,

⁴⁹ axe Hanan, axe Gidel, axe Gahar,

⁵⁰ axe Re’aya, axe Resin, axe Nekoda,

⁵¹ axe Gasam, axe Uusa, axe Paseya,

⁵² axe Besay, axe Me’unim, axe Nefisim,

⁵³ axe Bakbuk, axe Xakufa, axe Xarhur,

⁵⁴ axe Baslit, axe Mehida, axe Harsa,

⁵⁵ axe Barkos, axe Siisera, axe Tema,

⁵⁶ axe Nesiya fo axe Xatifa.

⁵⁷ Xa taan axe no dag we Salomo a ndeeƭa: xa taan axe Sotay, axe Soferet, axe Perida,

⁵⁸ axe Yaala, axe Darkon, axe Gidel,

⁵⁹ axe Sefatiya, axe Hatil, axe Pokeret-Hasebayim fo axe Amon.

⁶⁰ Diidimle we no Mbind Roog ne fo xa taan axe no dag we Salomo a ndeeƭa den fop: teemeed tadik fo qarɓeen ɓetuu nahik fo ɗik.

⁶¹ Weeke ndeeƭu we inoorna Tel-Mela, Tel-Harsa, Kerub-Adon fa Imer no mbaƭ naa too mbaagee o cooxit qoolu no mbaafaap den fo no daan den, ndax da lalit ee Ii-isra’el a ndeeƭu:

⁶² Xa taan axe Delaya, axe Tobiya fo axe Nekoda: teemeed ɓetuu fa leng fo qarɓeen nahik fo ɗik a ndeeƭu.

⁶³ Leng kut keene dam’u saasadax leng-leng we ndeeƭna: xa taan axe Hobaya, axe Hakos fo axe Barsilay fee dolin’ina o leng na xa ƥiy xa tew axe Barsilay, o Kaagalaad oxe, soo a xoyateel gon den.

⁶⁴ Saasadax weene a mbaaƭa safe le a kon ake no daan den a mbind’eena, ndaa nga’iran. Naaga, a nqañte calel no saasadax,

⁶⁵ too gofornoor fee a hebla a den ee baa ñaam sadax tedu tigi ke, boo yaa o saasadax a laamitkaa a Roog no kaa farna na den na pexey Urim fee fa Tumim fee.

⁶⁶ We nomtoortiid’ina no mbaƭ naa fop a ndeeƭa wiin cuni qarɓeen nahik fo wiin cuni ƭik fo wiin teemeed tadik fo wiin qarɓeen ɓetuu fa leng.

⁶⁷ A jeg’a itam dag goor fo rew cuni ɓetuu ƭik fo teemeed tadik fo qarɓeen tadik fo ɓetuu ɗik. A jeg’ahina giigim goor fo rew teemeed ƭik fo qarɓeen nahik fo ɓetuk.

⁶⁸ A njeg’a keeleemb teemeed nahik fo keeleemb qarɓeen tadik fo keeleemb ƥetik fo xa paam cuni ɓetuu fo leng fo xa paam teemeed ɓetuu ƭik fo xa paam qarɓeen ƭik.

⁶⁹ Leng-leng no yaal ƥasil ke a mbi’a ci’it no maq ne. Gofornoor fee a ci’ta na kamba le xa monjong juni wurus fo a tokol qarɓeen ƥetik fo sababoor teemeed ƥetik fo sabadoor qarɓeen tadik no saasadax.

⁷⁰ Yaal ƥasil ke a ci’ta na kamba le no maq ne xa monjong cuni qarɓeen ƭik wurus fo ngap parig xarɓaxay fo parig ƭik xaaliis fa nqoolu.

⁷¹ Ii-isra’el lakas we a cooxta xa monjong cuni qarɓeen ƭik wurus fo ngap parig xarɓaxay fo barig leng xaaliis fa nqoolu fo sabadoor qarɓeen ɓetuu fa leng fo sabadoor ɓetuu ƭik no saasadax.

⁷² Saasadax we, Leelewi we, yeeyetax we na xa ton-maax axe no Mbind Roog ne, giigim we no Mbind Roog ne, leng-leng na xeet fee, diidimle we no Mbind Roog ne fo Ii-isra’el lakas we fop a ndala no teeru ke den.» Ye o nqool ɓetuu ƭikandeer onqe a fadiidna, a soƥa Ii-isra’el we a ndal no teeru ke den boo a ƈut.