Nehemi 10 - NQAARIIT NE ROOG

Xeet fee a ngebooxa o ndeef kebil ke

¹ Yaam fop ke dalna a in, in we ngebooxaa, mbindan soo kelfa ke in, Leelewi we fo saasadax we in a mbegtin a kon den.

² Weeke ndefu we mbegitna a kon den ke bindeena: Nehemi fee o ƥiy Hakaliya too a ref gofornoor, Sedekiya,

³ Seraya, Asariya, Iremiya,

⁴ Pasehuur, Amariya, Malkiya,

⁵ Hatus, Sebaniya, Maluk,

⁶ Harim, Meremot, Abjaas,

⁷ Dañel, Gineton, Baruk,

⁸ Mesulam, Abiya, Miyamin,

⁹ Maasiya, Bilgay fa Semaya, ndefna saasadax we.

¹⁰ Leelewi we ndefu: Yesuwa fee o ƥiy Asaniya, Binuy fee o leng na xa taan axe Henadad, Kadmi’el

¹¹ fo fog den weeke: Sebaniya, Hodiya, Kelita, Pelaya, Hanan,

¹² Miika, Rehob, Hasabiya,

¹³ Saakur, Serebiya, Sebaniya,

¹⁴ Hodiya, Bani fa Beninu.

¹⁵ Kelfa ke na xeet fee ndefu: Paros, Pahat-Mowaab, Elam, Satu, Bani,

¹⁶ Buni, Asgad, Bebay,

¹⁷ Adoñaa, Bigway, Adiin,

¹⁸ Ateer, Hiskiya, Asur,

¹⁹ Hodiya, Hasum, Besay,

²⁰ Harif, Anatot, Nebay,

²¹ Magpiyas, Mesulam, Hesir,

²² Mesesabel, Saadok, Yaduwa,

²³ Pelatiya, Hanan, Anaya,

²⁴ Hoose, Hananiya, Hasub,

²⁵ Halohes, Pilha, Sobeq,

²⁶ Rehum, Hasabna, Maseya,

²⁷ Ahiya, Hanan, Anan,

²⁸ Maluk, Harim fa Baana.

²⁹ Lakas we na xeet fee fop, saasadax we, Leelewi we, yeeyetax we na xa ton-maax axe no Mbind Roog ne, giigim we no Mbind Roog ne, diidimle we no Mbind Roog ne fo fop we nqaajoorna fo qeet can ke, ndax da ndeef kebil ke Roog den, den fo rew den, xa ƥiy den xa koor fo xa tew, fop we mbadna o and a ƭat,

³⁰ den fop a mbokatooriida fo fog den we moƴeena o niw a ndeer den. A ndaaɓooxa soo a ndegit ee xan a ndeef a cangin ale Roog a cooxitna na pexey Moyiis fee o tag um, a ngay soo a mbadin kebil ke no Yaal oxe Roog in fop, bargal ke ten fo ke ta dalinna.

³¹ In we ngebooxaa yee i ci’kee qeet ke no saax le xa ƥiy xa tew axe in too i ngilgankee xa ƥiy xa koor axe in xa ƥiy xa tew axe den.

³² We no saax le a njikooxiidangaa cula mbaat ñaamluwel kuu ta waagna o ref, na bes fee na ñootnax ale mbaat na bes fa tedu fa lakas, i njikitkee na den dara. O hiid ɓetuu ɗikandeer oluu refna xan i ñarin lanq ke, mbaasanit xa lad axe fop.

³³ I ndalnana a qoox in bargal, ndax i cooxit o hiid oluu refna xaaliis faa fodirna fo a qaaj a tadkandeer o monjong, ta jagandanel a paɗax ale no Mbind ne Roog in:

³⁴ Xa kaf puuru xe na ƥoxoteel a Roog, sadax tuufe-duufe ke na bes fuu refna, sadax fa ndoxel fee no pes a ñootnax ake, fee no fo nqool fo ndeɓ ne fa fee no qew ke, ñaamel ke kesaneena a Roog, sadax fa mbaasnoor pakaad na Isra’el fo calel kuu ndefna kam Mbind ne Roog in.

³⁵ I mbanjanga, in saasadax we, Leelewi we fa xeet fee, ndax i and ƥasil oo ƥasil, o hiid ole ta warna o ɓisiid kam Mbind ne Roog in, no baxtu ke ndalneena, xa cuuƭ axe mbarna o kaƥaa took o sadaxand ole no Yaal oxe Roog in, ne ta bindteena kam kebil ke.

³⁶ I ngebooxa o ƥisiid itam o hiid oluu refna, kam Mbind ne no Yaal oxe, ke eetna o foor no lanq ke fo ke eetna o foor no taxar ke fop

³⁷ soo ƥoxot teen taaw koor ke in fo ke no cegel ke in, ne ta bindteena no kebil ke. Xan i ƥisiid itam kam Mbind ne Roog in taaw ke na xa siir axe in fo ke na ked ake, ndax i ƥoxot a den saasadax we na mbadnaa o far den kam Mbind ne Roog in.

³⁸ Xan i ƥoxot saasadax we, kam toktal ke no Mbind ne Roog in, ke moƴna o mbaax no qiiw ke in, no ke i mbatinna na xa tim axe no taxar ke fop, na biiñ fa nqas fee fo na diwliin fee. Xan i coox Leelewi we a seek xarɓaxayandeer ale no ke lanq ke in a mbatkaa. Den fa qoox den na mbatniidkaa a seek xarɓaxayandeer aleene kam teeru ke i nqooxaa fop.

³⁹ O saasadax, o ndaan Aaroon, xan a yoon fo Leelewi we, yaa weene a mbatnikaa a seek xarɓaxayandeer ale, soo Leelewi we a ƥisiid a seek xarɓaxayandeer ale na seek xarɓaxayandeer ake no Mbind ne Roog in, kam toktal ke na kamba le.

⁴⁰ Ii-isra’el we fo Leelewi we xan a ƥisiid sadax bele, biiñ fa nqas fa diwliin kam toktal keene. Meene ƥaxañ ke no Mbind Roog ne a ndooneel, soo saasadax we na mbadnaa o far den, yeeyetax we na xa ton-maax axe no Mbind Roog ne fo giigim we no Mbind Roog ne a ndefaa teen itam. Neene, i mbaaskee mbind ne na Roog in.