Mberaand 5 - NQAARIIT NE ROOG

O kurcala le Aadama boo na Nowe

¹ Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

² Roog a saka o koor, a sak o tew, a barke a den, a ne a den o kiin ye da sakeena.

³ Ye Aadama a jegna xa kiid teemeed fo xa kiid qarɓeen tadik a rima o ƥiy, ta nand fo ten, a ref nitaal um, soo ta ne’in Set.

⁴ Cinj o rimel ole Set, Aadama a ñoowa xa kiid teemeed ɓetuu tadik, a jeg’a itam xa ƥiy xa koor fo xa ƥiy xa tew.

⁵ Aadama a ñoowa fop oo fop xa kiid teemeed ɓetuu nahik fo xa kiid qarɓeen tadik, soo a xonkaa.

⁶ Set a jega xa kiid teemeed fo xa kiid xa ƥetaq, soo a rim a Enos.

⁷ Cinj o rimel ole Enos, Set a ñoowa xa kiid teemeed ɓetuu tadik fo xa kiid ɓetaa ƭaq, a jeg’a xa ƥiy xa koor fo xa ƥiy xa tew.

⁸ Set a ñoowa fop oo fop xa kiid teemeed ɓetuu nahik fo xa kiid xarɓaxay fo xa kiid xa ƭaq, soo a xonkaa.

⁹ Enos a jega xa kiid qarɓeen ɓetuu nahik, soo a rim a Kenaan.

¹⁰ Cinj o rimel ole Kenaan, Enos a ñoowa xa kiid teemeed ɓetuu tadik fo xa kiid xarɓaxay fo xa kiid xa ƥetaq, a jeg’a xa ƥiy xa koor fo xa ƥiy xa tew.

¹¹ Enos a ñoowa fop oo fop xa kiid teemeed ɓetuu nahik fo xa kiid xa ƥetaq, soo a xonkaa.

¹² Kenaan a jega xa kiid qarɓeen ɓetuu ƭik, soo a rim a Mahalaleel.

¹³ Cinj o rimel ole Mahalaleel, Kenaan a ñoowa xa kiid teemeed ɓetuu tadik fo xa kiid qarɓeen nahik, a jeg’a xa ƥiy xa koor fo xa ƥiy xa tew.

¹⁴ Kenaan a ñoowa fop oo fop xa kiid teemeed ɓetuu nahik fo xa kiid xarɓaxay, soo a xonkaa.

¹⁵ Mahalaleel a jega xa kiid qarɓeen ɓetuu fa leng fo xa kiid xa ƥetaq, soo a rim a Yered.

¹⁶ Cinj o rimel ole Yered, Mahalaleel a ñoowa xa kiid teemeed ɓetuu tadik fo xa kiid qarɓeen tadik, a jeg’a xa ƥiy xa koor fo xa ƥiy xa tew.

¹⁷ Mahalaleel a ñoowa fop oo fop xa kiid teemeed ɓetuu tadik fo xa kiid qarɓeen ɓetuu nahik fo xa kiid xa ƥetaq, soo a xonkaa.

¹⁸ Yered a jega xa kiid teemeed fo xa kiid qarɓeen ɓetuu fa leng fo xa kiid xa ƭaq, soo a rim a Henok.

¹⁹ Cinj o rimel ole Henok, Yered a ñoowa xa kiid teemeed ɓetuu tadik, a jeg’a xa ƥiy xa koor fo xa ƥiy xa tew.

²⁰ Yered a ñoowa fop oo fop xa kiid teemeed ɓetuu nahik fo xa kiid qarɓeen ɓetuu fa leng fo xa kiid xa ƭaq, soo a xonkaa.

²¹ Henok a jega xa kiid qarɓeen ɓetuu fa leng fo xa kiid xa ƥetaq, soo a rim a Metuseela.

²² Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

²³ Henok a ñoowa fop oo fop xa kiid teemeed tadik fo xa kiid qarɓeen ɓetuu fa leng fo xa kiid xa ƥetaq.

²⁴ Henok a ñaaƴa fa Roog, cinj kaaga, a naaga mes yaam Roog a yoɗin.

²⁵ Metuseela a jega xa kiid teemeed fo xa kiid qarɓeen ɓetuu tadik fo xa kiid ɓetaa ƭaq, soo a rim a Lemek.

²⁶ Cinj o rimel ole Lemek, Metuseela a ñoowa xa kiid teemeed ɓetuu ƭik fo xa kiid qarɓeen ɓetuu tadik fo xa kiid xa ƭaq, a jeg’a xa ƥiy xa koor fo xa ƥiy xa tew.

²⁷ Metuseela a ñoowa fop oo fop xa kiid teemeed ɓetuu nahik fo xa kiid qarɓeen ɓetuu fa leng fo xa kiid ɓetaa nahaq, soo a xonkaa.

²⁸ Lemek a jega xa kiid teemeed fo xa kiid qarɓeen ɓetuu tadik fo xa kiid xa ƭaq, soo a rim o ƥiy o ngoor.

²⁹ A ne’aan Nowe, a lay ee: «Oxene na yaalkaa a in no coono ke, no calel ƭomu ke lanq ke o Yaal oxe a salooxna a ndoonna a in.»

³⁰ Cinj o rimel ole Nowe, Lemek a ñoowa xa kiid teemeed ƥetik fo xa kiid qarɓeen ɓetuu nahik fo xa kiid xa ƥetaq, a jeg’a xa ƥiy xa koor fo xa ƥiy xa tew.

³¹ Lemek a ñoowa fop oo fop xa kiid teemeed ɓetuu ƭik fo xa kiid qarɓeen ɓetuu ƭik fo xa kiid ɓetaa ƭaq, soo a xonkaa.

³² Nowe a jega xa kiid teemeed ƥetik, soo a rim a Seem, a doon a Xaam fa Yafet.