1 Caloori ke 6 - NQAARIIT NE ROOG

Xa taan xa lakas axe Lewi

¹ Xa ƥiy axe Lewi ndefu Geerson, Kehat fa Merari.

² Xa ƥiy axe Geerson ndefu Libni fa Simey.

³ Xa ƥiy axe Kehat ndefu Amram, Yisxar, Hebron fa Usi’el.

⁴ Xa ƥiy axe Merari ndefu Maxli fa Muusi. Weeke ndefu xa taan axe Lewi, a reefandel na qaw den:

⁵ Geerson rimu a Libni, Libni a rim a Yahat, Yahat a rim a Sima,

⁶ Sima a rim a Yo’ax, Yo’ax a rim a Ido, Ido a rim a Serax, soo Serax a rim a Ye’atray.

⁷ Kehat rimu a Aminadab, Aminadab a rim a Koora, Koora a rim a Asiir,

⁸ Asiir a rim a Elkana, Elkana a rim a Ebiyasaf, Ebiyasaf a rim a Asiir,

⁹ Asiir a rim a Tahat, Tahat a rim a Uuri’el, Uuri’el a rim a Usiya, soo Usiya a rim a Sawul.

¹⁰ Elkana rimu a Amasay fa Ahimot,

¹¹ Ahimot a rim a Elkana, Elkana a rim a Sofay, Sofay a rim a Nahat,

¹² Nahat a rim a Eliyab, Eliyab a rim a Yeroham, Yeroham a rim a Elkana, Elkana a rim a Sami’el,

¹³ soo Sami’el a rim a Yowel fee taaw um, soo Abiya a reef.

¹⁴ Merari rimu a Maxli, Maxli a rim a Libni, Libni a rim a Simey, Simey a rim a Uusa,

¹⁵ Uusa a rim a Simeya, Simeya a rim a Hagiya, soo Hagiya a rim a Asaya.

¹⁶ Dawid a jila wiin na xa taan axe Lewi, a gadin a den a kim ake no Mbind ne no Yaal oxe, a cinj ye arka ne no ngiɓoor ne a diƈeena maaga.

¹⁷ Ye Salomo a helkaa fo maxan o Yaal oxe Mbind kam Yeerusaleem, wiin weene ngadoox’u a kim ake mbaambir Ƭiif ne o Yaal oxe a xetteel, ne da ndalnanit’eena o ten.

¹⁸ Weeke ndefu we mbadnoogna o far oleene fo a kon ake no daan den: Na qaw ale Kehat a jeg’a a Hemaan fee o kiigim too a ref o ƥiy Yowel, Yowel a ref o ƥiy Sami’el,

¹⁹ Sami’el a ref o ƥiy Elkana, Elkana a ref o ƥiy Yeroham, Yeroham a ref o ƥiy Eli’el, Eli’el a ref o ƥiy Towax,

²⁰ Towax a ref o ƥiy Suuf, Suuf a ref o ƥiy Elkana, Elkana a ref o ƥiy Mahat, Mahat a ref o ƥiy Amasay,

²¹ Amasay a ref o ƥiy Elkana, Elkana a ref o ƥiy Yowel, Yowel a ref o ƥiy Asariya, Asariya a ref o ƥiy Sefaniya,

²² Sefaniya a ref o ƥiy Tahat, Tahat a ref o ƥiy Asiir, Asiir a ref o ƥiy Ebiyasaf, Ebiyasaf a ref o ƥiy Koora,

²³ Koora a ref o ƥiy Yisxar, Yisxar a ref o ƥiy Kehat, Kehat a ref o ƥiy Lewi, soo Lewi a ref o ƥiy Isra’el.

²⁴ Asaf gartoogu a Hemaan fee ta fogitna calel na ñamaak too a ref o ƥiy Berekiya, Berekiya a ref o ƥiy Simeya,

²⁵ Simeya a ref o ƥiy Mika’el, Mika’el a ref o ƥiy Baaseya, Baaseya a ref o ƥiy Malkiya,

²⁶ Malkiya a ref o ƥiy Etni, Etni a ref o ƥiy Serax, Serax a ref o ƥiy Adaya,

²⁷ Adaya a ref o ƥiy Eetan, Eetan a ref o ƥiy Sima, Sima a ref o ƥiy Simey,

²⁸ Simey a ref o ƥiy Yahat, Yahat a ref o ƥiy Geerson, Geerson a ref o ƥiy Lewi.

²⁹ We mbog’ina no giigim we na qaw ale Merari ngartoogu a den no saax o janoon. Eetan adooxan’u a den too a ref o ƥiy Kiisi, Kiisi a ref o ƥiy Abdi, Abdi a ref o ƥiy Maluk,

³⁰ Maluk a ref o ƥiy Hasabiya, Hasabiya a ref o ƥiy Amatsiya, Amatsiya a ref o ƥiy Hilkiya,

³¹ Hilkiya a ref o ƥiy Amsi, Amsi a ref o ƥiy Bani, Bani a ref o ƥiy Semer,

³² Semer a ref o ƥiy Maxli, Maxli a ref o ƥiy Muusi, Muusi a ref o ƥiy Merari, Merari a ref o ƥiy Lewi.

³³ Lakas we mbogna na carind ale Lewi ngadin’e calel ke kam Mbind Roog ne.

³⁴ Aaroon fo xa ƥeem ƥoxotoogu sadax ke took o sadaxand ole no sadax toxel ke fa cuuraay fee took o sadaxand ole no qeeñe-xeeñe ke. A topatooxooga fop kam o Mbiñ onqe moƴna o ted ndax da mbat Ii-isra’el we ne Moyiis fee o tag no Yaal oxe a heblit’uuna fop.

³⁵ Weeke ndefu xa taan axe Aaroon tigi: Aaroon rimu a Eleyasaar, Eleyasaar a rim a Finees, Finees a rim a Abisuwa,

³⁶ Abisuwa a rim a Buki, Buki a rim a Usi, Usi a rim a Serahiya,

³⁷ Serahiya a rim a Merayot, Merayot a rim a Amariya, Amariya a rim a Ahituub,

³⁸ Ahituub a rim a Saadok, Saadok a rim a Ahimaas.

Teeru ke laseena xa taan axe Lewi

³⁹ Keeke ndefu fo mbiñ ne no saax le laseena xa taan axe Aaroon na qaw ale Kehat. Den eetu o ndaaw o fiisel den na pexey mbanjang ne.

⁴⁰ A ndaawa kam Yudaa teeru fee Hebron fo xa kayand axe mbiduuna.

⁴¹ Kaa koy xa qol axe fo caate ke teeru feene a waxoox’ina, a ndaaw’e o coox a Kaleb fee o ƥiy Yefune.

^42-44 Xa taan axe Aaroon a cooxe teeru fa njaɓnooxand fee Hebron, fa Libna, Yaatir, Estemowa, Hilen, Debir, Asan fa Bet-Semes fo xa kayand axe mbidna a den.

⁴⁵ No fiisel ole na carind ale Bensame a cooxe a Geba, Alemet fa Anatot fo xa kayand axe mbidna den. A qaw ale Kehat a daawa fop oo fop teeru xarɓaxay fo teeru tadik.

⁴⁶ Xa taan xa lakas axe Kehat a ndaawa na pexey mbanjang ne teeru xarɓaxay kaa ndefna no fiisel ole na carind ale Efrayim fo no le na carind ale Dan fo no le na genwal a carind ale Manaase.

⁴⁷ Xa taan axe Geerson a ndaawa teeru xarɓaxay fo teeru tadik kaa ndefna kam o fiisel ole na carind ale Isakaar fo no le na carind ale Aseer fo no le na carind ale Neftali fo no le na genwal a carind ale Manaase ngenoogna Basan.

⁴⁸ Xa taan axe Merari a ndaawa na pexey mbanjang ne teeru xarɓaxay fo teeru ƭik kaa ndefna kam o fiisel ole na carind ale Ruben fo no le na carind ale Gaad fo no le na carind ale Sabulon.

⁴⁹ Ii-isra’el we a cooxa fog den Leelewi we teeru keene fo xa kayand den.

⁵⁰ Teeru ke ndefna kam o fiisel ole na carind ale Yudaa fo no le na carind ale Simewon fo no le na carind ale Bensame too a ne’el yaaga, a cooxit’e itam na pexey mbanjang ne.

⁵¹ Xa taan xa lakas axe Kehat a ndaawa no fiisel ole na carind ale Efrayim teeru kene:

⁵² Sikeem fee refna fa leng no teeru caɓnooxand ke fo xa kayand axe mbiduuna na xa coong axaa Efrayim, Geseer,

⁵³ Yoqme’aam, Bet-Horon,

⁵⁴ Ayalon fa Gaat-Rimon fo xa kayand axe mbidna a den.

⁵⁵ No fiisel ole na genwal a carind ale Manaase a ndaawa a Tanak fa Ible’aam fo xa kayand axe mbidna a den. Keene xa taan xa lakas axe Kehat a njeg’u.

⁵⁶ Xa taan axe Geerson a ndaawa no fiisel ole na genwal a carind ale Manaase teeru kene: Golan kam Basan fa Astarot fo xa kayand axe mbidna a den.

⁵⁷ No fiisel ole na carind ale Isakaar a ndaawa a Qedes, Dabrat,

⁵⁸ Ramot fa Anem fo xa kayand axe mbidna a den.

⁵⁹ No fiisel ole na carind ale Aseer a ndaawa a Masal, Abdon,

⁶⁰ Hukok fa Rehob fo xa kayand axe mbidna a den,

⁶¹ soo no fiisel ole na carind ale Neftali da ndaaw a Qedes kam Galile, Hamon fa Kiryatayim fo xa kayand axe mbidna a den.

⁶² Xa taan xa lakas axe Merari a ndaawa no fiisel ole na carind ale Sabulon a Rimono fa Taboor fo xa kayand axe mbidna a den,

⁶³ soo no batand ne Yordaan jasnoorna fa Yeriko da ndaaw no fiisel ole na carind ale Ruben a Beseer na koƥ-a-ƥor alaa, Yahas,

⁶⁴ Kedemot fa Mefaat fo xa kayand axe mbidna a den.

⁶⁵ No fiisel ole na carind ale Gaad a ndaawa a Ramot kam Galaad, Mahanayim,

⁶⁶ Hesebon fa Yaseer fo xa kayand axe mbidna a den.