1 Caloori ke 2 - NQAARIIT NE ROOG

Xa taan axe Yudaa fee o ƥiy Yakoob

¹ Weeke ndefu xa ƥiy axe Yakoob fee na xoyahineel Isra’el: Ruben, Simewon, Lewi, Yudaa, Isakaar, Sabulon,

² Dan, Yoseef, Bensame, Neftali, Gaad fa Aseer.

³ Yudaa a jeg’a xa ƥiy xa tadaq fo o teem o Kaakanaan oxe refna o ƥiy Suwa. Xa ƥiy axeene ndefu: Eer, Onan fa Seelax. Eer fee reeƭna taaw koy fel’ee o Yaal oxe tus, ten taxu xaƴiran ta xuuɗ.

⁴ Tamaar fee o seemir Yudaa a rimana a Yudaa a Peres fa Serax. Yudaa a jeg’ata boog xa ƥiy xa ƥetaq.

⁵ Xa ƥiy axe Peres ndefu: Hesron fa Xamul.

⁶ Xa ƥiy axe Serax ndefu: Simri, Eetan, Hemaan, Kalkol fa Daara, da ndef ɓetuk.

⁷ Karmi rimu a Akaan fee garit’ina taamaala took xeet fee Isra’el, yaam ne ta geekanna a xoox um no kalal ke o Yaal oxe a kesan’ina a xoox um.

⁸ Eetan rimu a Asariya.

⁹ Hesron rimu a Yerahmel fa Raam fa Kaleb fee na xoyahineel Kelubay.

¹⁰ Raam rimu a Aminadab, Aminadab a rim a Naason fee kelfa’’ina a carind ale Yudaa.

¹¹ Naason rimu a Salmoon, Salmoon a rim a Bowaas,

¹² Bowaas a rim a Obed, Obed a rim a Isay.

¹³ Isay a jeg’a xa ƥiy ɓetaa ƭaq, da ndeepatirit neeke: Eliyab fee taaw um, Abinadab, Simeya,

¹⁴ Netanel, Raday,

¹⁵ Oseem fa Dawid.

¹⁶ Jigeen den ndefu: Seruya fa Abigayil. Xa ƥiy axe Seruya ndefu: Abisay, Yowab fa Asa’el, da ndef daduk.

¹⁷ Abigayil a jeg’a o ƥiy o ne’e Amasa, too faap no xeene a ne’el Yeter, a ref o Ii-isma’el.

¹⁸ Kaleb fee o ƥiy Hesron a jeg’a fa Asuba fee o teem o ƥiy o ndew o ne’e Yeri’ot. Oxeene a jega goor daduk, da ndef: Yeser, Sobab fa Ardon.

¹⁹ A cinj ye Asuba a xonna, Kaleb a gilga a Efrata, soo ta rimanin a Xuur.

²⁰ Xuur rimu a Uri, Uri a rim a Besalel.

²¹ Ye Hesron a jegna xa kiid qarɓeen ɓetuu fa leng, a gilga o ƥiy o ndew onqe Makiir refna ref o cigeen Galaad. A jega fo ten a Segub.

²² Segub rimu a Ya’iir fee jeg’ina caate qarɓeen ƭik fo caate tadik no fiisel ole Galaad.

²³ Kaa koy, Geegesuur we fo Aa-araam we a njaɓta na den xa taland axe Ya’iir fa teeru fee Kenaat fo caate ke ta waxooxna fop, da ndef caate qarɓeen ɓetuu fa leng. Weene fop xa taan Makiir fee faap Galaad a ndeeƭu.

²⁴ A cinj ye Hesron a xonitna Kaleb-Efrata, Abiya fee o teem a rima o ƥiy o ngoor ta ref Asehuur. Ten o mat sinju teeru fee Tekowa.

²⁵ Xa ƥiy axe Yerahmel fee taaw Hesron ndefu: Raam fee taaw um, Buuna, Oren, Oseem fa Ahiya.

²⁶ Yerahmel a jeg’a o tew o lakas o ne’e Atara, a ref ya Onaam.

²⁷ Xa ƥiy axe Raam fee taaw Yerahmel ndefu: Maas, Yamin fa Eker.

²⁸ Xa ƥiy axe Onaam ndefu: Samay fa Yada, xa ƥiy axe Samay a ndef: Nadab fa Abisuur.

²⁹ O tew oxe Abisuur Abihayil a ne’’e, a rimanin a Ahban fa Molid.

³⁰ Xa ƥiy axe Nadab ndefu: Seled fa Apayim. Seled koy a xona too jeg’ee o ƥiy.

³¹ Apayim rimu a Yisey, Yisey a rim a Sesaan, Sesaan a rim a Ahlay.

³² Xa ƥiy axe Yada fee o ndeɓ Samay ndefu: Yeter fa Yoonatan. Yeter koy a xona too jeg’ee o ƥiy.

³³ Xa ƥiy axe Yoonatan ndefu: Pelet fa Saasa. Weene ndefu xa taan axe Yerahmel.

³⁴ Sesaan koy jeg’ee o ƥiy o ngoor, ndaa rew doŋ a jeg’u. A jeg’a surga fa Miimisira fa ne’e Yarha,

³⁵ too Sesaan a ci’aan o ƥeem o ndew, ta gilgin. O tew oxe a rim’a fo ten a Atay.

³⁶ Atay rimu a Natan, Natan a rim a Sabad,

³⁷ Sabad a rim a Eflal, Eflal a rim a Obed,

³⁸ Obed a rim a Yehu, Yehu a rim a Asariya,

³⁹ Asariya a rim a Heles, Heles a rim a Eleyasa,

⁴⁰ Eleyasa a rim a Sismay, Sismay a rim a Saalum,

⁴¹ Saalum a rim a Yekamiya, soo Yekamiya a rim a Elisama.

⁴² Xa ƥiy axe Kaleb fee o ndeɓ Yerahmel ndefu: Meesa fee taaw um, too a ref faap Siif, fa Maresa fee faap Hebron.

⁴³ Xa ƥiy axe Hebron ndefu: Koora, Tapuwa, Rexem fa Sema.

⁴⁴ Sema rimu a Raham, soo Raham a rim a Yorkewam. Rexem rimu a Samay,

⁴⁵ Samay a rim a Mawon, soo Mawon a rim a Bet-Suur.

⁴⁶ Kaleb a jeg’a ngeƈ-a-salma ne’e Eefa. Oxeene a rimanaan a Xaraan, Moosa fa Gasees. Xaraan a jeg’a o ƥiy onqaa ta ne’na Gasees, ten oo.

⁴⁷ Xa ƥiy axe Yahday ndefu: Regem, Yotaam, Gesaan, Pelet, Eefa fa Saaf.

⁴⁸ Kaleb a jeg’a ngeƈ-a-salma lakas, ta ne’el Maaka. A rima fo ten a Seber fa Tirhana.

⁴⁹ Taa mbaambir a rima a Saaf fee sinjna teeru fee Madmana fa Sewa fee sinjna teeru fee Makbena fa fee Gibe’a. Kaleb a jeg’ahina o ƥiy o ndew o ne’e Aksa.

⁵⁰ Keeke ndefahinu xa taan xa lakas axe Kaleb: Sobal fee o ƥiy Xuur ta taawloorna fa Efrata. Ten sinju a Kiryat-Ye’arim.

⁵¹ We ndeefna took um ndefu: Salmoon fee sinjna a Betleheem fa Hareef fee sinjna a Bet-Gadeer.

⁵² Xa taan axe Sobal fee sinjna a Kiryat-Ye’arim ndefu Re’aya fa genwal fee no we ngenna Manahat

⁵³ fo a qaw ake kam Kiryat-Ye’arim ndefna: Yeeyeter we fo Puupuut we fo Suusumat we fo Miimisray we. No weene mat Soosora we fo Ee-estawol we a mbaqaqooru.

⁵⁴ Xa taan axe Salmoon ndefu: wiin we Betleheem fo we Netofa fo we Atrot-Bet-Yowab fa genwal fee no wiin we Manahat fo Soosora we.

⁵⁵ A qaw ake no biibind we ngenna Yabes ndefu: Tiitirat we, Siisimeya we fo Suusukat we. Den ndefu Keekeni we mbaqaqoorna na Hamat fee o taan oxe no ƥasil ne no Reerekab we.