Rimljanenge 7 - Romski prevod Novog zaveta - Srbija

Mukljardipe kotar o kandipe e kanunese

¹ Ja ni đanen, phraljalen, kaj vakerav odolenge save džanen o kanuni, kaj o kanuni thagarinel upral o manuš semo đikote ov dživdini?

² Kaj si e dindi romni phandli kanuneja bašo dživdo rom; te li o rom merela, mukljarel pe kotar o kanuni e romesoro.

³ Odolese, akana, đikaj si lakoro rom dživdo ka ovel anglaćumudutni te dželi avere romese; te mulo lakoro rom, mukljuni si kotar o kanuni te na ovel anglaćumudutni, te dželi avere romese.

⁴ Ađahar, phraljaljen mle, thaj tumen muljen e kanunese trupeja e Hristosereja, te peren averese, Odolese savo uštino andar e mule, kaj o bijando te ana e Devlese.

⁵ Kaj kana sinjamle ano trupo, zoralo haćaripe e bezehese andar o kanuni kerde ane amare kotora e trupose kaj e meripnase bijando te anel pe.

⁶ A akana mukljardiljam kotar o kanuni merindoj odolese so ićerđa amen, te kanda (e Devlese) ano nevo đi a na pe purano lafi.

⁷ So akana, ka phena? Kaj si o kanuni bezeh? Nisar! Aj me o bezeh na penđarđum semo andar o kanuni; kaj ni mangljake na bi đanav kaj o kanuni te na phenel: Ma mang!

⁸ A o bezeh lindoj phandipase andar o ćhinavdipe mothovda ane mande sako mangli; kaj si o bezeh bizo kanuni si mulo.

⁹ A me dživdinđum ađahar bi kanuneso; a kana avela o ćhinavdipe, o bezeh dživdinela,

¹⁰ a me muljum, thaj arakhlja pe kaj o ćhinavdipe mange dindino bašo dživdipe, sine ko meripe.

¹¹ Kaj o bezeh lindoj phandipase andar o ćhinavdipe xoxavđa man thaj mudarđa man olaja.

¹² Ađahar, akana, o kanuni si sumnal, thaj o ćhinavdipe si sumnali thaj hakajuni thaj laćhi.

¹³ Sar maje, akana, o laćhipe anda meripe? Nisar! Aj o bezeh, te sikavđol sar bezeh, kerđa maj meripe andar o šukaripe, te ovel o bezeh đi o agorisaripe bezehindo andar o ćhinavdipe.

¹⁴ Kaj đana kaj si o kanuni e đesoro, a me sem trupuno, biknindo ano robipe e bezehese.

¹⁵ Kaj na đanav so kerav, kaj na kerav odova so mangav, aj so namangav odova kerav.

¹⁶ Te li kerav odova so na mangav, aćhovav pe odova kaj si o kanuni šukar.

¹⁷ Teg odova na kerav maj me, aj o bezeh savo dživdinel ane mande.

¹⁸ Kaj džanav kaj o šukaripe na dživdinel ane mande, odova čaće, ano trupo mlo; kaj mangav isiman ane mande, aj te kerav šukaripe na arakhav.

¹⁹ Kaj šukar, so mangav, na kerav, aj džungalipe, so na mangav, odova kerav.

²⁰ A kana kerav odova so na mangav, eke na kerav odova me, aj o bezeh savo dživdinel ane mande.

²¹ Arakhav, akana, o kanuni: kana mangav šukaripe te kerav, o džungalipe si ane mande.

²² Kaj lošalisajvav e kanunese e Devleserese po andruno manuš;

²³ Aj dikhav aver kanuni ane mle kotora e trupose save marena pe opipe e kanuneso mla gođaja, thaj roboinela man kanuneja e bezeheso savo si ane kotora mle trupose.

²⁴ Me bibahtalo manuš! Ko ka ikalela man kotar o trupo akale meripnasoro?

²⁵ Ašarisavav e Devlese andar o Isuso Hristo o Devljutno amaro. Ađahar, akana, me korkoro e gođaja kandava e Devlesere kanunese, a trupoja e kanunese e bezehesoro.