Rimljanenge 2 - Romski prevod Novog zaveta - Srbija

¹ Odolese nanetu vakeripe, o manušeja, savo godi krisine, kaj ane soste krisine avrese, tut krisisare; kaj tu savo krisine kere odova jekhune.

² A đana kaj si o kris e Devlesoro čaćutno upral odola save odova keren.

³ A gndisare li odova, o manušeja, savo krisine odolenge save odova keren, a kereja jekhune, kaj tu ka naše kotar o kris e Devlesoro?

⁴ Ja telalmoldine o barvalipe lesere šukaripeso thaj kovlipeso thaj lungoingaripeso, na đanindoj kaj o šukaripe e Devlesoro po jertipe legareltu?

⁵ Aj kle zoralešereja thaj najertime vileja čedeja tuke bari xoli bašo dive e bare xoljakoro thaj phućardipe e hakajune krisesoro e Devlesoro,

⁶ savo ka del svakonese po ćerdipna lesere:

⁷ Dživdipe bimeripasoro odolenge save trajipnasa ane šukar ćerdipna roden glorija thaj pačiv thaj bimeripe;

⁸ A o haćaripe thaj e xoli odolenge save trajune opipesajvon e čaćipnase a peren pe čanga e bihakajipnase.

⁹ Bibaxtalipe thaj dukh pe sako ođi e manušesoro savo kerel džungalipe, a najanglal e Judejcose thaj e Jelinose;

¹⁰ A e glorija thaj o pačiv thaj o šalom svakonese savo kerel šukaripe, a najanglal e Judejcose thaj e Jelinose;

¹¹ Kaj O Devel na dikhela ko si ko.

¹² Kaj save bi kanuneso keren bezex, bi kanuneso thaj ka meren; a save telal o kanuni keren bezex, po kanuni ka krisinenpe.

¹³ Kaj nane hakajutne anglal o Devel odola save šunen o kanuni, aj ka čaćavenpe odola save pheren o kanuni.

¹⁴ Kaj kana e nađangledevlesere nanendoj o kanuni keren kotar e natura so si po kanuni, olen so nanelen kanuni korkore pese si kanuni;

¹⁵ On mothovena kaj ane vile lengere si hramime odova so si po kanuni, kaj sar e gnda lengere maškar peste davijinenpe ja čaćavinenpe,

¹⁶ po dive kana o Devel krisinel o garavdipa e manušengere palo mlo evangelium andar o Isus Hristo.

¹⁷ Dikh, tu vičine tut Judejco thaj ikere tut po kanuni, thaj ašarisave tut e Devleja,

¹⁸ thaj đane o kamipe (lesoro), thaj đane te ulave so si šukar, sikavdo e kanunestar;

¹⁹ Thaj gndine kaj sijan anglalutno e kororengoro, rošipe odolenge save si ano raćipe,

²⁰ sikavutno e bihaljovutnenge, sikamno e ćhavorenge, sav isile simboli đanipaso thaj čaćipaso ano kanuni.

²¹ Sar tu, akana, savo sikavel averen, tut na sikave?

²² Tu kaj mothove te na ćorel pe, ćore? Savo vakereja te na kerel pe anglaćumidipe, kere anglaćumidipe? Tu savo gadoneja tu ko idolja, ćoreja e sumnali?

²³ Sar tu savo ašarinela pe e kanuneja, nakhavindoj o kanuni dukhave e Devle?

²⁴ Kaj o anav e Devlesoro baše tumende akošel pe maškaro nađangledevlesere, sar kaj si hramome.

²⁵ Kaj o sunetipe kerelape, te pherđan o kanuni; te sijan li pašuno e kanunesoro, o sunetipe klo bisunetipe ulo.

²⁶ Te, akana, o bisunetimo arakhel o ćhinadipe e kanunesoro, sar ni kaj lesoro bisunetipe ka kedelape bašo sunetipe?

²⁷ Thaj odova savo si pe natura bisunetimo, a pherela o kanuni, ka krisinel tut savo sinjan pašo Lil thaj sunetipa phagutno e kanunesoro.

²⁸ Kaj nane odova Judejco so si avrial, ni nane odova sunetipe so si avrial, po trupo,

²⁹ aj si odova Judejco savo si odova andral, thaj sunetipe si sunetipe e vilesoro ođesa a na lafeja; asavkese si ašaripe na kotar o manuša aj kotar o Devel.