Rimljanenge 10 - Romski prevod Novog zaveta - Srbija

¹ Phraljalen, o mangipe mle vileso thaj ruđipe e Devlese bašo Izrailji te inkalel pe.

² Kaj lenge jakhenca dikhav te ovelen griža e Devlese, aj na pe godi.

³ Kaj na penđarindoj o hakajipe e Devlesoro thaj manglindoj kaj plo hakajipe te zoralen, na peravde pe e Devlesere hakajipnase.

⁴ Kaj si o Hristo agoripe e Kanunesoro bašo čaćavdipe sarsavonese savo paćal.

⁵ Kaj o Mojsije hraminel bašo hakajipe savi si kotar o kanuni: Manuš kova odova kerel ka dživdinel ane odova.

⁶ A o hakajipe savo si kotar o pačape ađahar vakerel: Te na phene ano vilo klo: Ko ka ukljel ko badali? Odova va, te huljarel e Hristo;

⁷ Ja: Ko ka huljel ano biagor? Odova va, te inkalel e Hristo andar e mule.

⁸ Aj so vakerel (o Lil)? Paše si tuke o lafi, ano muj klo thaj ano vilo klo, odova va o anav paćavipeso savo vakeraja.

⁹ Kaj te vakerđan kle mujeja kaj si o Isus Devljutno, thaj paća ano vilo klo kaj o Devel le vazdela andar e mule, ka ove ikalutno.

¹⁰ Kaj vileja paćala pe bašo hakajipe, a mujesa vakerela pe bašo ikaldipe.

¹¹ Kaj o Lil vakerela: Sako kova paćal ano Leste na ka lađardol.

¹² Kaj nane ulavdipe maškar o Judejco thaj Jelino; kaj si jekhuno Devljutno sarijengo, barvalo baše sa kola vičinen.

¹³ Kaj sako kova vičinel o Anav e Devljutnesko ka ovel ikaldo.

¹⁴ Sar ka, akana vičinela Odole ane saveste na paćaje? Sar li ka paćal ane Odova baše kaste na šunde? A sar ka šunel bizo vakerutno?

¹⁵ A sar ka vakeren te nane bićhalde? Sar so si hramome: Save si šuže pre odolengere save anena krlo bašo šalomipe, save anena krlo bašo šukaripe!

¹⁶ Aj sare na ašunde o evangelium; kaj o Isaija vakerel: Devljutneja, ko paćaja amare vakeripnase?

¹⁷ Thaj ađahar o paćape ovela kotar o vakeripe, a o vakeripe kotar o lafi e Devlesoro.

¹⁸ Aj phenava: Sar na šunđe? Sarjek: Pe sa e phuv gelo o krlo lengoro, thaj đi e agora lengere vaseljenake lafija.

¹⁹ Aj phenav: Sar na haljovel o Izrailj? O Angluno Mojsije vakerel: Me tumen po korikanipe ka miškosarav andar odola save nane seloro, e bihaljovne seloresa ka xoljarav tumen.

²⁰ A o Isaija vakerela zoralipnaja: Arakhle man save ni roden man, mothode ma odolenge save ni phućena mange.

²¹ A e Izrailjese vakerela: Sajekh lunđardem e vasta mle premalo seloro o bikandino thaj o bišandino.