Phućardipe 6 - Romski prevod Novog zaveta - Srbija

Phravdipe e efta štambiljengoro

¹ Thaj dikhljum kaj o Bakroro phravđa jekh kotar e efta štambilja, thaj šunđum jekh kotar e štar dživde ćeripna kaj vakerela sar krlo e grmavinakoro: Ava thaj dikh!

² Thaj dikhljum, thaj dikh, o gras parno, thaj okova so bešela pe leste sine le čhudini; thaj dindilo lese o khuvdino, thaj mothovdilo peravindoj, thaj te peravel.

³ Thaj kana phravđa o dujto štambilji, šunđum o dujto dživdo ćeripna kaj vakerela: Ava!

⁴ Thaj iklilo o gras lologalbenalo, thaj okolese so bešela pe leste dinđa pe te lel o šalom e phuvljatar ta kaj e manuša maškarpeste te ćhinenpe, thaj dinđa pe lese o mačo baro.

⁵ Thaj kana phravđa o trito štambilji, šunđum e tritone dživde ćeripne kaj vakerela: Ava thaj dikh! Thaj dikhljum, thaj dikh, o gras kalo, thaj okova so bešela pe leste sine le kantari ano plo vast.

⁶ Thaj šunđum sar krlo maškar e štar dživde ćeripna kaj vakerela: Kantari điv dinarese, thaj trin kantarja ječmoske e dinarese, a o ulje thaj e mol ma te ćhinave.

⁷ Thaj kana phravđa o štarto štambilji, ašundem o krlo e štartone dživde ćeripne kaj vakerela: Ava thaj dikh!

⁸ Thaj dikhljum, thaj dikh, o gras praxale bojakoro, thaj o ikljutno pe leste kasoro anav si Meripe, thaj o pakao džala palo leste; thaj dindilo pe lese o thagaripe upral e phuvljakoro štartunipe, te mudarel mačoa thaj bokhalipnaja thaj meripnaja thaj dživdine phuvljaćerencar.

⁹ Thaj kana phravđa o pandžto štambilji, dikhljum telal o viktimutno ćhinde ođi bašo lafi e Devlesoro thaj bašo sadikhipe e Bakroresoro save sinelen.

¹⁰ Thaj vičinde bare krleja vakerindoj: Džiko te, Devljutneja Sumnaleja thaj Čaćutneja, ka durare te krisine thaj te ikale o rat amaro pe odola so dživdinena ki phuv?

¹¹ Thaj sakonese kotar lende dindilope fostano parno, thaj vakerdino si lenge te ađićeren pana hari vakti, džiko te na pherđola thaj o džendo lengere paše amalendar thaj lengere phraljendar, save isi te oven mudarde sar thaj on.

¹² Thaj dikhljum, kana phravđa o šovto štambilji, ulo baro phuvljakoro tresipe, thaj o kham ulo kalo sar gono kotar o ostro bal e buznjako, thaj o masek sa ulo sar o rat;

¹³ Thaj o čerenja e badalesere pele ki phuv, sar so e sumućin frdela ple kućina kana dela kuna e bari balval;

¹⁴ Thaj o badali cidinđape sar o lil kotar e pustik kana banđola, thaj sakoj plain thaj e šuki phuv miškosajle katar e ple thana.

¹⁵ Thaj e thagara e phuvljakere thaj e baredera thaj e vojvoda thaj e barvale thaj e zorale thaj sako robo thaj o mukljutno garavde pe ane pećine thaj uće bara e plainakere;

¹⁶ Thaj vakerena e plainenđe thaj e uće barenđe: Peren upral amende thaj garaven amen kotar o muj Odolesoro so bešela pe sumnali bešalutni thaj kotar bari xoli e Bakroresiri,

¹⁷ kaj alo o baro Dive lesere bare xoljakoro, thaj ko šaj te aćhol?