Phućardipe 15 - Romski prevod Novog zaveta - Srbija

Efta vasija

¹ Thaj dikhljum o dujto semno ko badali, baro thaj prašukaruno: efta phakalen save sinelen efta palune džungalipa, kaj ane lende agorisajli e xoli e Devlesiri.

² Thaj dikhljum sar đamako derav hamime jagasa, thaj odolen save peravena e divo dživdinutna thaj o muj lakoro thaj o đendo lakere anavengo, kote terđovena ko derav đamalo isindoj o gusle e Devlesere.

³ Thaj đilabena e đilib e Mojsijesiri, kanduno e Devlesoro, thaj đilib e Bakroresiri, vakerindoj: Bare si thaj prašukarne e ćeripna kle, Devljutneja Devla Sainćarutneja; hakajune si thaj čaćimnasere e droma kle, Thagara e seloresesre!

⁴ Ko na ka daral, Devljutneja, thaj te glorisini o Anav klo? Kaj tu sijan jekhuno Sumnalo; kaj sa e selore ka aven thaj te teljon anglal tute; kaj e krisija kle mothovdile.

⁵ Thaj palo akava dikhljum, phravdilo o hramo e skinijako e sadhićipnasoro ko badali,

⁶ thaj iklistile o efta phakale andar o hramo, save sinelen efta džungalipa, save sinele huravde ano užo thaj rošalo poxtano thaj kustikome prekal o kolin kustikencar sumnakalencar;

⁷ Thaj jekh kotar e štar dživde džene dinđa e efta phakalenđe efta taxtaja sumnakale pherde xolinipe e Devlesoro savo dživdinela ane bimeripasoro bimeripe.

⁸ Thaj pherdilo o hramo ćuro kotar e glorija e Devlesiri thaj kotar e zor lesiri; thaj nikoj naštine te đerdini ano hramo džikaj na dinđape agor e efta džungalipa e eftatore phakalengoro.