Phućardipe 13 - Romski prevod Novog zaveta - Srbija

Duj divo dživdinutna

¹ Thaj terdinjum ki pošik e deravesiri, thaj dikhljum e divo dživdinutna kote ikljola andar o derav, savi sinela deš šinga thaj efta šere, thaj ko šinga lakere deš krune, thaj ko šere lakere o Anava e mahripnasere.

² Thaj e divo dživdinutna sava dikhljum sinela miazuno sar o ris, thaj e pre lekere sar ane mečka, thaj o muj lakoro sar o muj e lavesoro. Thaj dija laće e aždaja pli zor thaj e bešalutni pli thaj o thagaripe baro.

³ Thaj dikhljum jekh kotar e šere lakere sar ko meripe ćhindi, thaj lakiri meripnasiri dukhavni uli sastipini.

⁴ Thaj telile e divo dživdinutnaće vakerindoj: Ko si sar e divo dživdinutni? Ko šaj lasa te marelpe?

⁵ Thaj dindi laće sinela o muj savo vakerela barikane anava thaj mahripe, thaj dinđa pe laće o thagaripe te džungakerel saranda thaj duj ćhona.

⁶ Thaj phravđa o muj plo bašo mahripe ko Devel, te mahrinel o Anav lesoro, thaj o ćher lesoro, thaj odolen save bešena ko badali.

⁷ Thaj dindilo pe laće te marelpe e sumnalencar thaj len te peravel; thaj dindo laće o thagaripe upral sako bijanutno thaj selorutno thaj ćhibijanutno thaj njamonanutno.

⁸ Thaj telile laće sare odola save dživdinena ki phuv, kasoro anav naj hramome ane Pustik e dživdipasiri e ćhinde Bakroresiri katar o ćerdipe e themeso.

⁹ Ako kas isi kan nek šunel.

¹⁰ Ko ano robipe lagari, ano robipe ka džal; ko mačesa mudari, valjani thaj ov mačesa te ovel mudardo. Akate si trpipe thaj o paćape e sumnalengoro.

¹¹ Thaj dikhljum e dujtone divo dživdinutna kote ikljola andar e phuv, thaj sinela ola duj šinga sar ano bakroro, thaj vakerela sar e aždaja.

¹² Thaj sa o thagaripe e anglune divo dživdinutnaće ćerena anglo late; thaj ćerda kaj e phuv thaj odola kaj dživdinena pe late teljardon e anglune divo dživdinutnaće, kasiri meripnasiri dukhavni sastili.

¹³ Thaj ćerela semne bare, ta ćerda kaj thaj e jag te huljel kotar o badali ki phuv anglal e manuša.

¹⁴ Thaj xoxavela odolen save dživdinena ki phuv prašukaripenca, save laće sine dinde te kerel anglal e divo dživdinutni, vakerindoj odolenđe save dživdinena ki phuv te ćeren o muj e divo dživdinutnakoro, sava sinela dukhavni kotar o mačo thaj aćhili dživdi.

¹⁵ Thaj sinela lake dindo kaj e divo dživdinaće mujese te del ođi, kaj o muj e divo dživdinutnakoro thaj vakerela thaj kerela te oven mudarde odola save ni teljona e divo dživdinutnake mujese.

¹⁶ Thaj kerda sa, e tiknen thaj e baren, e barvalen thaj e ćororen, e mukljutnen thaj e robonen, te den lenđe belego pe daxno vast lengoro ja ko čekat lengoro,

¹⁷ kaj nikoj našti ni ćinel ni bićinel, semo ko isile belego, o anav e divo dživdinutnako ja o đindo lakere anaveso.

¹⁸ Akate si o džanipe. Kas isi godi nek sakedel o đendo e divo dživdinutnako; kaj si o đendo e manušesoro, thaj o đendo lakoro si šov šel šovardeš thaj šov.