Lukéstar 3 - Romski prevod Novog zaveta - Srbija

Vakeribe e Jovanesoro e Bolipesoro

¹ A ano dešupandžto berš thagarimasko e thagaresko Tiverija, kana vastarđa o Pontije Pilat e Judejasa, thaj o Irod štarengopirutno e Galilejasa, a o Filip, o phral lesko štarengopirutno e Iturejako thaj e phuvjasa Trahonitidasa, thaj o Lisanije štarengopirutno e Avilinosa.

² Vaš o vaxto e anglunerašajengo e Anako thaj e Kajafako, alo o lafi e Devlestar e Jovanose čhavo e Zaharijasoro ani drmina,

³ thaj ov lijape pe sa o trujalipe e Jordanosko sikavindoj katar o bolipe baš jertipe e bezehengo.

⁴ Sar kaj si hramome ano lil o lafi e profetosko o Isaija savo vakerel: Krlo riknimasko ani drmina: laćharen o drom e Devljutnesoro; ortosaren o droma lesere;

⁵ Sarsavi xar nek pherdol thaj sarsavi plajin thaj sarsavo brego nek pašljon; thaj so si bango nek ovel vorto thaj e bivortomata pe droma nek oven vortune;

⁶ Thaj sarsavo trupo ka dikhel ikalipe e Devlesoro.

⁷ O Jovan pale vakerda e selorese save ikljovena te bolel len. E bijandimata aspidinengere, kon phenđa tumenge te našen katar xoli savi avel?

⁸ Bijanen, akana, semne paćivale jertimaske, thaj ma len te vakeren ana tumende: Isi amen o dad o Avraam; kaj tumenge phenav kaj o Devel šaj vi katar e bara akala te vazdel ćhavore e Avraamese.

⁹ A eke vi o tover terđol e kaštese ki darhina; thaj sarsavo kaš savo si lačhe njamosko ni bijanel čhinel pes thaj ani jag frdel.

¹⁰ Thaj phučena le e manuša vakerindoj: So, akana te kera?

¹¹ A irisarindoj phenđa lenge: Savo isile duj fostanja nek del odoleske save naj les; a save isile xape nek kerel jekhune ađakar.

¹² Avile pale vi e hudutne te bolel len, thaj phende leske: Sikavneja, so ka keras?

¹³ A vov phenđa lenge: Ma keren khančik majbut sem so tumenge phendilo.

¹⁴ A phučle le vi e uruvne vakerindoj: A so amen ka kera? Thaj phenđa lenge: Khanikaske đungalipe te na keren ni kas te phukaven, thaj oven čajljarde tumare pokindasa.

¹⁵ A sar o seloro ađikerde savore dije godi ane ple vile baš e Jovanoske: naj li ov o Hristos?

¹⁶ Irisarela o Jovan sarijenge vakerindoj: Me tumen bolav panjesa, aj avela pala mande po zoralo mandar, kaske me najsem paćivalo te putrav e aravlja po pođipe leskoro. Vov tumen ka bolel Đesa Sumnalesa thaj jagasa.

¹⁷ Ano lesoro vas si o ašovi, thaj ka šulavel plo mardo điv, thaj ka kidel o điv ani đivarni pli, a o phus ka tharel jaga bimudarda.

¹⁸ Thaj but pana aver loćarindoj len, vakerda e selorese o evangelium.

¹⁹ A o Irod štarengopirutno, kas korinđa o Jovan ando Irodijada e romni leske phraleski, thaj ande sa lošnipa save kerda o Irod,

²⁰ pherda pe sa vađe vi akava: phandlja e Jovane ano phandlipe.

E Isusesoro bijandipe thaj e vica

²¹ A kerdilo pes kana bolda pe sa o seloro, thaj kana o Isus bolda pe, đikaj ov ruđindape e Devlese, pravdilo o badali.

²² Thaj ulilo pe leste o Đi Sumnalo ani truposki forma sar golubo, thaj šundilo krlo e badalestar vakerindoj: Tu sijan Čhavo mlo o kamlo, tu san po mlo kamipe.

²³ Thaj korkoro o Isus sine le trujal e trijanda berša kana lija; thaj sine, sar so dijape godi, čhavo Josifesko, čhavo e Ilijevesko.

²⁴ Čhave e Matatosko, čhave e Levijesko, čhave e Melhijesko, čhave e Jenejesko, čhave e Josifesko,

²⁵ čhave e Matatijesko, čhave e Amososko, čhave e Naumosko, čhave e Eslimosko, čhave e Nagejesko,

²⁶ čhave e Maatosko, čhave e Matatijesko, čhave e Semejesko, čhave e Josifesko, čhave e Judinosko,

²⁷ čhave e Joananosko, čhave e Risajesko, čhave e Zorovaveljosko, čhave e Salatiilosko, čhave e Nirijesko,

²⁸ čhave e Melhijesko, čhave e Adijesko, čhave e Kosamosko, čhave e Elmodamosko, čhave e Irovosko,

²⁹ čhave e Josijinosko, čhave e Eliezerosko, čhave e Jorimosko, čhave e Matatosko, čhave e Levijesko,

³⁰ čhave e Simeonosko, čhave e Judinosko, čhave e Josifesko, čhave e Jonanosko, čhave e Eliakimosko,

³¹ čhave e Melejesko, čhave e Mainanosko, čhave e Matatinosko, čhave e Natanosko, čhave e Davidosko,

³² čhave e Jesejesko, čhave e Ovidosko, čhave e Voozosko, čhave e Salmonosko, čhave e Naasonosko,

³³ čhave e Aminadavosko, čhave e Aramosko, čhave e Joramosko, čhave e Esromosko, čhave e Faresosko, čhave e Judinosko,

³⁴ čhave e Jakovljesko, čhave e Isakosko, čhave e Avraamosko, čhave e Tarinosko, čhave e Nahorosko,

³⁵ čhave e Seruhosko, čhave e Ragavosko, čhave e Falekosko, čhave e Everosko, čhave e Salinosko,

³⁶ čhave e Kainanosko, čhave e Arfaksadosko, čhave e Simosko, čhave e Nojesko, čhave e Lamehosko,

³⁷ čhave e Matusalosko, čhave e Enohosko, čhave e Jaredosko, čhave e Maleleilosko, čhave e Kainanosko,

³⁸ čhave e Enososko, čhave e Sitosko, čhave e Adamosko, čhave e Devlesko.