E Jevrejenge 8 - Romski prevod Novog zaveta - Srbija

O Hristos si Anglunorašaj e čaće skinijako thaj majlaćhe ćidipnasoro

¹ A kotar akava so vaćerđam šeruno si: Amen isiamen asavko Anglunorašaj, savo bešlo pe daxni rig e Ućipasere sumnale bešalutnake ko badali,

² rašajunokandutno e Sumnalako thaj čaćune skinijako, sava thanarđa o Devljutno, a na o manuš.

³ Kaj sako anglunorašaj thanarđola te pašljarel thaj o dindipe thaj o viktime; odolese si trubune kaj vi Akava te ovel le so te pašljarel.

⁴ Kaj te bi ovela ki phuv, na bi ni ovela rašaj, avine kaj isi rašaja save pašljarena o dindipa po Kanuni.

⁵ Save kandena e tasviraće thaj e ućhaljinaće e badalesere čaćipnase, sar so sinele phendino e Mojsijese kana valjanđa te ćerel e skinija: Dikh, phenđa, te ćere sa po misal savo si tuće sikavdo ke plaina.

⁶ A akana Akava lelja asavko ućipnaso kandipe kobor si maškarutno polaćhe Xapesovljakoro, savo si pe polaćhe dinde lafija fundimo.

⁷ Kaj o angluno kanuni ked bi ovela bi manavako, na bi rodela pe than e dujtonese.

⁸ Kaj mahrindoj len vakerela: Ake avena o dive, vakerela o Devljutno, thaj ka kerav e Izrailjesere kherea thaj e Judejesere kherea nevi Xapesovljakiri,

⁹ na asavki xapesovljakiri savi ćerđum lengere dadencar ano dive kana len leljum vastestar te ikalav len andar e phuv e Egipatesiri; kaj on na aćhile ano mlo xapesovljakoro, thaj me ni hajinđum bašo lende, vakerela o Devljutno.

¹⁰ Kaj akava si Xapesovli savo ka xalpesovel e Izrailjesere kherese palo akala dive, vakerela o Devljutno: Ka ćhivav e kanunija mle ane gndipa lengere thaj ka hraminav len pe vile lengere, thaj ka ovav lenge Devel, thaj on ka oven mlo seloro.

¹¹ Thaj nikoj na ka sikavel e majpašutne ple, thaj nikoj e phrale ple, vakerindoj: Penđar e Devljutne; kaj man sare ka penđaren, kotar o tikoro dži o baro.

¹² Kaj ka ovav dindino lengere bihakajenge, thaj maj na ka vakerav lengere bezehendar thaj e bikanunipna lengere.

¹³ A kana phenela o nevo Xapesovlesiri, o angluno ćerđa puranesa; a odova so puranđola thaj phurjola, paše si te xasajvol.