E Jakovesiri 4 - Romski prevod Novog zaveta - Srbija

¹ Kotar o maripena thaj o maripa maškar tumende? Na odothar li, kotar o gudlino manglipe tumaro, save marena pe ane tumare kotora?

² Mangena thaj nane tumen; mudarena thaj bičaljardinena, thaj na šaj te len; marena tumen thaj lena lipe, thaj nanetumen, kaj na rodena.

³ Rodena, thaj na lena, kaj bange rodena, kaj pe čaljardipa tumare harđinena.

⁴ Anglaćumuditne thaj e anglaćumuditna, na džanena li kaj si o amalipe premalo them si dušmanluko premalo Devel? Kaj savo mangela e themese amal te ovel, dušmano e Devlesoro ovela.

⁵ Ja gindinena kaj o Lil andodilipe vakerela: Korikanipnaja zorale mangela palo đi, save ćhuta ana amende?

⁶ A dela pobaro dindipe; odolese phenela: O Devel opipeil pe e barikanenđe, a e šalomnenge dela dindipe.

⁷ Peraven tumen, akana, e Devlese, a opipeisavon tumen e bengese, thaj ka našel tumendar.

⁸ Paše aven e Devlese, thaj Ov ka avel paše ke tumende.

⁹ Igaren thaj dukhaven thaj roven: o asape tumaro nek anglaovela ano rovipe, thaj o lošalipe ano dukhavipe.

¹⁰ Teljarđon anglal o Devljutno, thaj ka vazdel tumen.

¹¹ Ma phukaven jekh e avre, phraljalen; kaj ko phukavela e phrale ja krisinela e phrale ple phukavela o kanuni thaj krisinela o kanuni, a o kanuni te krisinđan, nasijan agorutno e kanunesoro aj krisari.

¹² Jekh si Kanunidinutno thaj Krisari, savo šaj te inkalel thaj xasarel.

¹³ Ašunen akana tumen save vakerena: Avdive ja tajsa ka dža ane akava ja okova foro, thaj ka beša odothe jekh berš, thaj ka trgovina thaj ka therina;

¹⁴ Tumen save na džanena so ka ovel tajsa. Kaj so si o dživdipe tumaro? Ov si e para, savi bašo haricake mothovela pe, a napal thaj nananetani.

¹⁵ Pothan te vakerena: Te o Devljutno mangela, thaj dživde ova, ka kera akava ja okova.

¹⁶ A akana ašarinen tumen tumare telalćhutipnaja. Sako asavko ašaripe si džungalipe.

¹⁷ Odova, akana, savo džanela laćhipe te kerel a na kerela, bezeh lese si.