E Jakovesiri 2 - Romski prevod Novog zaveta - Srbija

Ćhivipe sama opipe e anglakrisuna

¹ Phraljalen mle, na dikhindoj ko si ko, nek ovel tumen paćape ane amaro Devljutno e glorijako e Isus Hristoso.

² Kaj te alo po ćedipe tumaro o manuš e sumnakaje angrustinaja thaj ane rošalo fostani, a avela thaj o ćororo ane ćororo fostani,

³ thaj dikhena pe odova ane rošalo fostani, thaj phenena lese: Tu beš akate laćhe, a e ćororese: Tu terđov okote, ja beš akate potele paše mle pre;

⁴ Sar odoleja na ćerđen ulavdipe ane tumende thaj uljen krisara e džungale gindipencar?

⁵ Ašunen, o mle kamle phraljalen, na alonđa li o Devel e ćororen akale themeso te oven barvale e paćapnaja, thaj kustikutne e Thagaripnaso savo dinđa o lafi odolenđe save Les ćumudinena?

⁶ A tumen teljarđen e ćorore. Nane li o barvale odola save tumen uštavena thaj sar on tumen na cidena pe krisa?

⁷ Na akošena li on po laćho Anav saveja sijen akhardine?

⁸ No, ako tumen o kanuni e thagareso agorisarena po Lil: Ćumudin e popašutne kle sar korkore tut, laćhe ćerena;

⁹ Ako li dikhena ko si ko, bezeh ćerena, thaj o kanuni tumen ćingarela sar phađatutnen.

¹⁰ Kaj savo celo kanuni ićerela a ćerela bezeh ano jekh, došalo si bašo sa.

¹¹ Kaj Odova savo phenđa: Ma ćer anglaćumudipe! Phenđa thaj: Ma mudar! Ako, akana, na ćereja anglaćumudipe a mudarđan, uljan phađanutno e kanunesoro.

¹² Ađahar vakeren thaj ađahar keren sar odola save e kanuneja e muklipnasereja ka oven krisime;

¹³ Kaj odolese ka ovel kriso bi dindipnaso savo na kerela dindipe; a o dindipe glorisinela o peravdipe upral o kriso.

Paćape thaj o ćerdipna

¹⁴ Savo si theripe, mle phraljalen, ako ko phenđa kaj isile paćape a ćerdipna nanele? Zar les šaj o paćape te inkalel?

¹⁵ Ako li o phral ja e phen nange ovena, thaj nane len ane sarsavodivesutno xabe,

¹⁶ thaj phenđa lenđe khajekh kotar tumende: Džan gloripnaja, taćoven, thaj čajljardon, a na dena lenge so si valjani bašo trupo, savo si theripe?

¹⁷ Ađahar thaj o paćape, te nane la ćerdipna, muli si korkori pe peste.

¹⁸ No nekoj ka phenel: Tu isitu paćape, a man isima ćerdipna. Mothov mange o paćape klo bizo ćerdipna kle, a me tuće ka mothovav o paćape mlo andar e ćerdipna mle.

¹⁹ Tu paća kaj si jekh Devel; laćhe kereja; thaj o benga paćana, thaj izdrana.

²⁰ Aj mange li te džane, o manušeja e sa paćamneja, kaj si o paćape bi ćerdipnasoro mulo?

²¹ O Avraam, o dad amaro, na čačavela li pes ćerdipnaja kana pašljarđa e Isako ple ćhave ko viktimutno?

²² Dikhea li sar o paćape khatanećerđa lesere ćerdipnencar, thaj andar o ćerdipna pherdinilo o paćape?

²³ Thaj pherdilo pe o Lil savo vakerela: O Avraam paćaja e Devlese, thaj leljape lese ano hakajipe, thaj amal e Devlesoro vičinđa pe.

²⁴ Dikhena li, akana, kaj ćerdipnaja čačavela pe o manuš, a na semo paćapnaja?

²⁵ A miazine thaj e Rava lubnini na čačavdape li ćerdipnencar kana lelja e phukavnen, thaj ikalđa len avere dromeja?

²⁶ Kaj sar so si o trupo bi đeso mulo, ađahar si thaj o paćape bi e ćerdipnasoro mulo.