E Galatenge 6 - Romski prevod Novog zaveta - Srbija

Agoripasere phurederipa thaj bahtardipe

¹ Phraljalen, ako thaj perela o manuš ano nesavo bezeh, tumen e ođikane laćharen asavke đesa e laćheođipnasa, arakhavindoj tut kaj thaj tu na ove zumavdo.

² Legaren e pharipa jekh e avrese, thaj ađahar pheren o kanuni e Hristosoro.

³ Kaj ako ko gindinela kaj si diso, a nane niso, xoxavela korkoro pes.

⁴ A sako mek phućel plo ćerdipe, thaj tegani korkoro ana peste ka ovele ašaripe a na ane avereste;

⁵ Kaj sakoj plo pharipe ka legarel.

⁶ A savo sikljovela o lafija, mek ulavel sa o šukaripa odoleja savo le sikavel.

⁷ Ma xoxaven tumen, o Devel na del te xoxavel pe; kaj so o manuš sijinel odova thaj ka ćhinel.

⁸ Kaj savo sijinel ano trupo plo, katar o trupo ka ćhinel ćirnipe, a ko sijinel ano đi, katar o Đi ka ćhinel dživdipe bimerutno.

⁹ A šukaripe te ćerelpe amenge te na dosadinel, kaj ka ane amaro vakti ka ćhina te na xasara o zoralipa.

¹⁰ Odolese, eke, džikote isi amen vakti, te ćera šukaripe sarijenđe, a majbut amarenge po paćape.

¹¹ Dikhen sar tumenge bare grafemencar hramosarđum mle vasteja!

¹² Save mangena ta te dikhen pes po trupo, von tumen mangena te sunetinen tumen, semo te na oven prastavde bašo trušul e Hristosoro.

¹³ Kaj ni korkore o sunetime na ićerena o kanuni, aj mangena kaj tumen te sunetinen tumen te bi tumare trupoja ašarinena pe.

¹⁴ A me, Devla arak, kaj diso avreja te ašarinape semo e Devljutnesere trušuleja amare Isus Hristosereja, savesa mange inzardinđape o them thaj me e themese.

¹⁵ Kaj ano Hristo Isuso ni o sunetipe so ažutinel ni o bisunetipe, aj nevo šej.

¹⁶ Thaj save god ka dživdinen pe akaja regula, šalom pe lende thaj dindipe, thaj po Izrailj e Devlesoro.

¹⁷ Avune kaj mange nikoj te na ćerel pharipa, kaj me e dukha e Devljutnesere e Isusesere ko trupo mlo legarav.

¹⁸ Bahtaripe amare Devljutnesoro e Isus Hristosoro e đesa tumaresa, phraljalen. Amin.