E Galatenge 3 - Romski prevod Novog zaveta - Srbija

O hakajipe na reselape kanuneja aj paćapnaja

¹ O bihaljovne Galatija, ko tumen madžijinđa te na peravđoven e čaćipnase, tumen savenge si anglal e jakha o Isus Hristo tasvirime inzardo maškar tumende?

² Akava semo mangava tumendar te džanav, aj li o Đi leljen andar o ćerdipna e kanunesere ja andar o vakeripe e paćapapnasoro?

³ Sar sen edobor bihaljovne? Širdipendoj Đesa, akana trupoja agorinena?

⁴ Sar edobor mudardiljen andodilipe? Kana bi ovela semo andodilipe!

⁵ Odova, eke, savo dela tumen o Đi thaj ćerela ćhudipa maškar tumende, ćerela li odova bašo ćerdipna e kanunesere ja bašo ašunipe e paćapesoro?

⁶ Sar so o Avraam paćaja e Devlese thaj saćidinisajlo lese ano hakajipe.

⁷ Haljoven, eke, kaj si on ćhave e Avraamesere save si katar o paćape.

⁸ A o Lil angladikhindoj kaj o Devel čaćavel e nadžangledevleseren paćapnaja, anglal mothovđa e Avraamese: Ane tute ka bahtardon sa e nadžangledevlesere.

⁹ Ađahar on save si katar o paćape, bahtarenape e paćamne Avraameja.

¹⁰ Kaj save si god katar o ćerdipe e kanunesoro telal o baro bibahtalipe si, kaj si hramome: Baro bibahtalo sako savo na aćhola ane sa so si hramome ano Lil e kanunesoro kaj odova te ćerel.

¹¹ A kaj kanuneja nikoj na čaćavdol anglal o Devel, haljovine si; kaj: O hakajutno kotar o paćape ka dživdinel.

¹² A o kanuni nane kotar o paćape, aj o manuš savo ćerela o čhinavdipe, ka dživdinel andar lende.

¹³ O Hristos amen ćinđa kotar o armandindipe e kanuneso ulindoj baš amenge armandindipe, kaj si hramome: Armandindo sako savo si umblavdo ko kaš;

¹⁴ Kaj pe butedevlengere ovela o bahtaripe e Avraamesoro ano Hristo Isuso, te la o dindo lafi e Đesoro andar o paćape.

O Hristos mukljarel kotar o kandipe e kanunese

¹⁵ Phraljalen, sar manuš vakerava, nisavo ćerdino xapesovljakoro e manušesoro na frdela ni lese so dela.

¹⁶ E Avraamese eke thaj lesere kućinake phende sesa dinde lafija; na phenel: thaj kućinenge, sar baše butenge, aj sar bašo jekhese: Thaj kle kućinake, savi si o Hristos.

¹⁷ Akava eke phenava: Kanuni, savo ćerdilo palo štaršel thaj trijanda berša, na phagela e xapesovli savo si kotar o Devel angleder ćerdino baše Hristose, kaj te na ćhinaven pe o dinde lafja.

¹⁸ Kaj te si o aćhavdo barvalipe kotar o kanuni, napal eke nane kotar e dinde lafija, a e Avraamese e dinde lafijencar dinđa o Devel.

¹⁹ So ka, akana, o kanuni? Bašo bezeh dindilo pe, džikote na avela e kućin kase si dindi e dinde lafija, thaj ćerdo si prekalo phakale, e maškarutnesere vasteja.

²⁰ Maškarutne eke nane kote si jekh; a o Devel si jekh.

²¹ Aj li si, eke, o kanuni dušmani e Devlesere dinde lafijendar? Nisar! Kaj te si dindo o kanuni savo šaj te dživdinisarel, hemčaće bi kotar o kanuni ovela hakajipe;

²² Aj o lil phandlja sa telal o bezeh te bi o dinde lafija denape andar o paćape e Isus Hristosoro odolenge save paćana.

²³ A anglal o avipe e paćapeso sinjamle telal o kanuni arakhavdine thaj phandle bašo paćape sava sinela te phućarel pe.

²⁴ Ađahar amenge o kanuni ulo sikavutno bašo Hristo, te bi e paćapnaja čačavdona;

²⁵ A kana avela e paćapni, na nasijam telal o sikavutno.

²⁶ Kaj sijen sare ćhave e Devlesere paćapnaja ano Hristo Isuso.

²⁷ Kaj save god ano Hristo bolavđen tumen, ano Hristo hurjavđen tumen.

²⁸ Nane maj Judejco ni Jelino, nane maj robo ni mukljutno, nane maj muršikano ni džuvlikano, kaj sen tumen sare jekh (manuš) ano Hristo Isuso.

²⁹ A kana sen tumen e Hristosere, napal sen kućin e Avraamesiri thaj kustikutne pe dinde lafija.