E Filipljanenge 3 - Romski prevod Novog zaveta - Srbija

Ćhivipe sama opipe e judaistendar

¹ A poangle, mle phraljalen, lošalen tumen ano Devljutno. Kaj mange nane pharo te hraminav tumenđe jekh jekhune, a tumenđe si zorardipe.

² Arakhen tumen e džuklendar, arakhen tumen e džungale bućarnendar, arakhen tumen e „telalxarnajrutnendar”!

³ Kaj e sunetime, odola sem amen, save Đesa e Devlesereja kanda thaj ašarisavaja e Hristo Isuseja, a na ićeramen ano trupo,

⁴ aj thaj me ka ma šajiv te ićerama ano trupo. Te nekoj aver gndinela kaj šaj te ićerelpe ano trupo, me pana pobuter:

⁵ Sunetime sem ano ovtoto dive, kotar o bijanuno sem e Izrailjesoro, e Venijaminesere njamose, Judejco kotar o Judejcija, po kanuni Farisejo,

⁶ po bućaripe tradutno e khanđirako, pe kanunesoro hakajipe semas bidošako.

⁷ Aj sa so mange sinele šužo leipe, gndinđum bašo lošnipe bašo Hristo.

⁸ No so majbut, me thaj gndinava sa bašo lošnipe mamuj butlaćho džanglipe e Hristo Isusesoro, mlo Devljutno, bašo savo me sa mekljum, thaj gndinava sa bašo šelja, te bi e Hristo lava.

⁹ Thaj te arakhav man ano Leste na mle hakajipnaja savo si kotar o kanuni, aj odoleja savo si po paćape ano Hristo, hakajipnaja kotar o Devel pe fundo e paćapesoro;

¹⁰ Te penđarav Les thaj e zor lesiri dživdinisarutnesiri thaj kotor ane lesoro mudaripe, laćharindoj aso lesoro meripe,

¹¹ te bi sar resava ano dživdinisaripe e mulengoro.

¹² Na sar kaj odova eke resljum ja eke laćhardiljem, aj siđarava na bi li odova resava, sar so man reslja o Hristos Isuso.

¹³ Phraljalen, me baše mange na gindinava panda kaj odova resljum; jekh eke ćerava: so si pala mande bistrava, a siđarava pala odova so si anglal mande,

¹⁴ thaj prastava mamuj o resipe baši padakhutni e badalesere Devlesiri akharipni ano Hristo Isuso.

¹⁵ Amen, akana, save sem idealune, ađahar te gomdina; ako li so averćhane gndinena, thaj akava tumenđe o Devel ka phućarel.

¹⁶ Aćhune, odova so resljam, odola regulata te ićeramen thaj jekhune te gindina.

¹⁷ Dikholjoven tumen pe mande, phraljalen, thaj dikhen pe odola save ađahar dživdinena sar so amen isitumen bašo misalipe.

¹⁸ Kaj bute, bašo save tumenge but droma vakerđum, a akana thaj rovindoj vakerava, ićerena pe sar dušmanja e Hristosere trušulese;

¹⁹ Lengoro agor si o meripe, lengoro devel si o vođi, thaj e glorija ano ladžavipe lengoro, on gndinena odova so si e phuvljakoro.

²⁰ Andegova, amaro dživdipe si ko badali, kotar adžikeraja thaj e Inkalutne Devljutne e Isuse Hristo.

²¹ Savo ka paruvinel amaro teljardino trupo, ađahar te ovel laćhardino trupo sar e glorija lesiri, pe zor savaja Ov šaj sa te ćerel thaj pese te telalćerel.