Evangelium e Matejestar 7 - Romski prevod Novog zaveta - Srbija

¹ Ma krisinen, tumenge te na krisinelpe;

² Kaj save krisosa krisinen, gasavesa tumenge ka krisinelpe; thaj save merasa merin, gasavasa tumenge ka meril pe.

³ A sose dikhe o buroro ani jakh tire phralese, a balvano ane jakh tiri ni haćare?

⁴ Ja, sar ka phene tire phralese: ač te ikalav tuke o buroro andar e jakh tiri; a eke balvano ani jakh tiri?

⁵ Dujemujenge, ikal najanglal o balvano andar e jakh tiri, ta napal ka dikhe te ikale o buroro andar e jakh tire phralesiri.

⁶ Ma den e sumnale e džuklenge; ni ma čhuden o lafija tumare anglal e bale, te na uštaven len pumare prenca, thaj irindoj ni pharaven tumen.

⁷ Ruđin tumen, thaj ka del pe tumenge; roden, thaj ka arakhen; maren, thaj ka phravelpe tumenge.

⁸ Kaj sakoj savo rodel, lela; thaj savo rodel arakhel; thaj savo marel, lese ka phravelpe.

⁹ Ja savo si maškar tumende o manuš katar savo te o čhavo lesoro rodel maro, bar lese te del?

¹⁰ Ja e mačhen te roden, te del lese sape?

¹¹ Kana, akana, tumen, e đungale avutne, đanen davimata lačhe te den e ćhavorenge tumarenge, kozom ka majbut o Dad tumaro e badalesko del lačhimata odolenge save lestar roden?

¹² Sa, akana, so mangen te keren tumenge e manuša, ađahar keren vi tumen lenge: kaj odova si Kriso thaj Profetija.

¹³ Đerdinen ko tanguno udar; kaj si o bulo udar thaj bulo drom so ingaren ano peripe, thaj but đene isi save lesa đan.

¹⁴ Kaj si o tanguno udar thaj o tanguno drom so ingaren ano đivdipe, thaj hari đene isi save ole arakhen.

¹⁵ Arakhen tumen e xoxamne profetonendar, save tumenge avena ano šeja e bakrengere, a andral si ruva astarutne.

¹⁶ Pe lengoro bijanipe ka penđaren len. Da li čidel pe e karendar drakha, ja e luluđatar sumučinalin?

¹⁷ Ađaar sakoj lačho kaš bijanimata lačhe bijanel, a o đungalo kaš, bijanimata đungale bijanel.

¹⁸ Našti o kaš lačho e bijanimata đungale te bijanel, ni o kaš đungalo, bijanimata lačhe te bijanel.

¹⁹ Sakoj kaš savo ni bijanel lačhe bijanimata čhinel pe thaj ani jag čhudel.

²⁰ Thaj ađahar, akana, pe bijanimata lengere ka penđaren len.

²¹ Ni ka sakoj savo mange vakerel: Devljutnea, Devljutnea, del ano Thagaripe badalesko; no savo kerda o kamipe mle Dadesoro savo si po badali.

²² But đene ka phenen mange odova dive: Devljutnea, Devljutnea, na li ano anav tiro profetisardam, thaj tire anavea e bengen tradlam, thaj tire anavea but bisiklimata kerdam?

²³ Thaj teg lenge themeske ka phenav: Nisar tumen ni đanglem; đan katar mande tumen save keren bikrisipe.

²⁴ Sakoj, akana, savo šunela akala lafija mle thaj čerela len, paraleliv le e manušesa gođaveresa savo kerda o ćher plo ko bar;

²⁵ Thaj khuvđa o bršin, thaj ale o panja, thaj phudinde e balvalja, thaj khuvde pe okova ćher, thaj ni pelo; kaj sine temeljime ko bar.

²⁶ A sakoj savo šunela akala lafija mle thaj ni kerel len, ka ovel sar o dilino manuš savo kerda o kher plo ki pošik;

²⁷ Thaj khuvda o bršin, thaj avile e panja, thaj phudinde e balvalja thaj čalade po ćher odova, thaj pelo, a o peripe lesoro sine daramno.

²⁸ Thaj kana vakerda o Isus o lafija akala, čerela baripe o seloro lesere džandipastar.

²⁹ Kaj len sikavela sar odova savo zor isile, a na sar e lilvarne thaj e Fariseja.