Evangelium e Matejestar 1 - Romski prevod Novog zaveta - Srbija

Istorija e Isus Hristoski

¹ Istorija e Isus Hristoski, čhavo e Davidesoro, e Avraamosere ćhavesko.

² O Avraam bijanda e Isake. A o Isak bijanda e Jakove. A o Jakov bijanda e Juda thaj e phraljen leseren.

³ A o Juda bijanda e Farese thaj e Zara e Tamarasa. A o Fares bijanda e Esromo. A o Esrom bijanda e Aramo.

⁴ A o Aram bijanda e Aminadave. A o Aminadav bijanda e Nasono. A o Nason bijanda e Salmono.

⁵ A o Salmono bijanda e Voze e Rahavosa. A o Voz bijanda e Ovide e Rutasa. A o Ovid bijanda e Jeseje.

⁶ A o Jesej bijanda e Davide thagare. A o David thagar bijanda e Solomono e Urijinicasa.

⁷ A o Solomono bijanda e Rovoamo. A o Rovoam bijanda e Avija. A e Avija bijanda e Asa.

⁸ A o Asa bijanda e Josafato. A o Josafat bijanda e Joramo. A o Joram bijanda e Ozija.

⁹ A e Ozija bijanda e Joatamo. A o Joatam bijanda e Ahazo. A o Ahaz bijanda e Jezekija.

¹⁰ A o Jezekija bijanda e Manasija. A o Manasija bijanda e Amono. A o Amon bijanda e Josija.

¹¹ A o Josija bijanda e Jehonija thaj e phralen leskeren, ano phiravipe vavilonsko.

¹² A palo phiravipe vavilonsko, o Jehonija bijanda e Salatilo. A o Salatilo bijanda e Zorovavelje.

¹³ A o Zorovavelj bijanda e Aviuda. A o Aviud bijanda e Eliakimo. A o Eliakim bijanda e Azore.

¹⁴ A o Azor bijanda e Sadoko. A o Sadok bijanda e Ahimo. A o Ahim bijanda e Eliude.

¹⁵ A o Eliud bijanda e Eleazare. A o Eleazar bijanda e Matano. A o Matan bijanda e Jakove.

¹⁶ A o Jakov bijanda e Josife, e rome Marijako, katar savi bijandilo o Isus akhardo Hristos.

¹⁷ Sa, varekaj, kustika katar o Avramo đi o Davido, kustika dešuštar, a katar o David đi o phiravipe vavilonesoro kustika dešuštar, thaj katar o phiravipe vavilonesoro đi o Hristo, kustika dešuštar.

E Isusesoro bijandipe

¹⁸ A bijandipe e Isus Hristosoro ađaar ine: Kana e daj lesiri e Marija sine mangli e Josifese, a angleder so trubuje te oven kethane, arakhlja pes kaj khamnili katar o Sumnalo Đi.

¹⁹ A o Josif o rom lakoro, avutno čačutno thaj na manglindoj putarune te phućarela, dija godi garandoj te mekela.

²⁰ Aj kana ov ađaar dija godi, dikh, mothodilo lese ano suno o phakalo e Devljutnesoro vakerindoj: o Josif, čhavo e Davidesoro, ma dara te le e Marija romnja kala; kaj odova so ano late astardilo katar o Sumnalo Đi.

²¹ Ta ka bijanel čhave, thaj thode lese anav Isus; kaj ov ka inkalel e manušen plen kotar e bezaha lengere.

²² A sa akava ćerdilope te pherel pe so o Devel phenđa prekal o profeto savo vakerel:

²³ Eke, e ćhaj ka ačhol khamni, thaj ka bijanel čhave, thaj ka del olese anav Emanuil, so ka phenel: Amencar o Devel.

²⁴ Uštindoj o Josif katar o suno, čerda sar lese phenđa o phakalo e Devljutnesoro thaj lija e romnja pla.

²⁵ Thaj ni džanglasa baš olake đikaj ni bijanda čhave ple anglune, thaj dinđa lese anav Isus.