Efesconenge 5 - Romski prevod Novog zaveta - Srbija

¹ Dikljoven tumen, eke, ko Devel sar ćhavore kamle.

² Thaj dživdinen ano kamlipe sar so thaj o Hristos amen ćumudinđa thaj dinđa pes amenđe sar dinipe thaj viktima e Devlese pe laćhi sung.

³ A o rumupe thaj sako melalipe thaj lokholipe te na ni vakerel maškar tumende, sar so thaj aćhola e sumnalenđe;

⁴ Ni ladžaripnasere ni diline lafija ja pherjasa, so god si bilaćhe, aj najangle ašaripe.

⁵ Kaj džanen akava, kaj nijekh rumutno, ja melalo, ja lokhovdo, savo si idoloperavno, nanole kuštikutnipe ano Thagaripe e Hristosoro thaj e Devlesoro.

⁶ Nikoj tumen te na xoxavel čuće lafijencar; kaj baše odova avela xoli e Devlesiri pe ćhave opipeipasere.

⁷ Ma oven, eke, lengere khatane.

⁸ Kaj nekana sinjenle tunjariko, a akana sijen rošipe ano Devljutno: ićeren tumen sar ćhavore e rošipasere;

⁹ Kaj bijanipe e Đesoro si ane sako šukaripe thaj hakajutnipe thaj čaćipe.

¹⁰ Rodinen so si ugodime e Devljutnese.

¹¹ Thaj ma len khatanipe ane bibijanutne ćerdipna e tunjarikosere, aj len pana te phućaren.

¹² Kaj si ladžavo thaj te vaćeripe odolestar so on garavdine ćerena.

¹³ A sa so phućarel pe e rošipnaja thaj mothovel pe; kaj sa so si mothovdino ikljola ko rošipe.

¹⁴ Odolese phenela: Ušti tu savo soveja thaj dživdinisar andar e mule, thaj ka strefinel tut o Hristos.

¹⁵ Akana, arakhen tumen šukar sar dživdinena, na sar bigođaver, aj sar gođaver,

¹⁶ arakhindoj ko vakti, kaj si o dive džungale.

¹⁷ Baše odova ma oven bihaljovne, aj haljoven so si o kamipe e Devljutnesoro.

¹⁸ Thaj ma te mačoven tumen moljaja, ane soste si o melaloćumudipe, aj pheren tumen Đesa,

¹⁹ vakerindoj maškaro tumende ane psalme thaj himne thaj đilja đesere, đilabindoj thaj pređilabindoj e Devljutnese ano klo vilo;

²⁰ Ašarindoj sajekh bašo sa e Devlese thaj Dadese ano anav amare Devljutnesoro e Isus Hristosoro,

²¹ peravindoj jek avrese ani dar e Devlesiri.

Obligacie ane ćherutne thaj kher

²² Romnjalen, peraven tumen tumare romenđe sar e Devljutnese.

²³ Kaj o rom si šero e romnjake sar so si thaj o Hristo šero e Khanđirjaće, thaj Ov si ikalutno e trupesoro.

²⁴ No sar so e khanđiri peravela pe e Hristose, ađahar thaj o romnja ano sa pumare romenđe.

²⁵ Romalen, kamen tumare romnjen sar so thaj o Hristos kamlja e Khanđiri thaj pes dinđa baše lake,

²⁶ kaj te sumnarela, khosljarindoj ola bolipnaja ano pani e lafeja,

²⁷ te ćhivel ola angla peste, šalomime Khanđiri, savi nanela mel thaj bore, ja so odolese miazune, aj te ovel sumnali thaj paćivali.

²⁸ Ađahar si udžilime thaj e roma te kamen ple romnjen sar pumare trupora; kaj savo kamela pla romnja, korkoro pes kamela.

²⁹ Kaj nikoj nisar na ritinena pe plo trupo, aj le parvarela thaj inćarela, sar thaj o Devljutno e Khanđiri.

³⁰ Kaj sem kotora lesere trupose, kotar o mas lesoro, thaj kotar e kokala lesere.

³¹ Baše odova ka mekel o manuš e dade ple thaj daja thaj ka lepinel pes e romnjake plake, thaj ka oven o duj jekh trupo.

³² Garavdipe si akava baro, a me vakerava kotar o Hristo thaj kotar e Khanđiri.

³³ Ađahar thaj tumen, sako te kamel ađahar pla romnja sar thaj pes korkoro; a e romni te daral ple romestar.