Angluni e Solunjamnenge 2 - Romski prevod Novog zaveta - Srbija

E Apostolesoro vakeripe ano Solun

¹ Kaj thaj korkore, pharaljalen, džanen kaj o avipe amaro ke tumende na sinele andodilipe;

² Aj, poso majangle mudardiljam thaj teljardine sinjam ane Filipija, sar so džanen, amen zorardiljam ano amaro Devel te tumenđe mothovaja o evangeliumo e Devlesoro uzo baro maripe.

³ Kaj amaro mothovipe nane kotar o došalipe, ni kotar o melalipe, ni ano bižajipe,

⁴ aj sar so amen o Devel čačavđa kaj sem kabilime kaj amenge te dindol o evangeliumo, ađahar vakeraja, a na sar odola save laćharena e manušenge, aj e Devlese savo khuvela e vile amare.

⁵ Kaj, sar so džanen, nikana na sikavdiljam bašo ašaripe, ni bašo bićaljardipe – o Devel si sadikhutno;

⁶ Na rodindoj glorija e manušendar, ni kotar tumendar ni averendar.

⁷ Šajisardam tumenđe te ova ko pharipe sar e Hristosere apostolija; maškarodova, sinjamle kovle maškaro tumende sar e dinutni čući kana barjarela ple ćhavoren.

⁸ Ađahar dukhadam pala tumende, kaj sema gati te da tumenđe na semo o evangeliumo e Devlesoro aj thaj e ođe amare, odolese so amenđe sijen kamljune.

⁹ Kaj tumen, phraljalen, inćarena ane godi o ćerdipe amaro thaj e munka; kaj dive thaj raći ćerindoj te na ka ma te ova ko pharipe nikase tumendar, mothovđam tumenđe o evangeliumo e Devlesoro.

¹⁰ Tumen thaj o Devel si sadikhutne sar sumnale thaj hakajune thaj paćivaline arakhavdiljam anglal tumende save paćana.

¹¹ Sar so džanen sar sakone jekhune tumendar, sar o dad ple čhavoren,

¹² daja tumen sovel thaj zoralinaja thaj mothovaja, te arakhen tumen paćivale e Devlese, savo tumen vičinđa ano plo Thagaripe thaj e glorija.

¹³ Baše odova thaj amen bićhinadune ašarisajvaja e Devlese, so lindoj o lafi e Devlesoro savi kotar amendar šunđen, leljen la na sar lafi e manušesoro, aj – so hemčaće thaj si – sar lafi e Devlesoro, savi thaj ćerela ana tumende e paćavisarune.

¹⁴ Kaj tumen, phraljalen uljen miazune e Devlesere Khanđirjenđe save si ane Judeja ano Hristo Isuso, odolese so thaj tumen munkinden kotar tumare selore jekhune so thaj on kotar o Judejcija,

¹⁵ save mudarđe thaj e Devljutne Isuso thaj plen profetonen, thaj amen prastavde Devlese na laćharde, thaj opipeutne si sa e manušenđe,

¹⁶ nameklindoj amen te vakera e nadžangledevleserenđe te bi inkalenape; thaj andar odova sajekh te pheren e mera pumare bezehendar, aj len ano agor reslja e bari xoli.

E Apostolesiri griža thaj lošalipe bašo kamlipe thaj zorardipe e paćamnengoro

¹⁷ A amen, phraljalen, ulavindoj tumendar bašo nesavo vakti, mujeja a na vileja, pana majbut bare manglipasa inćardiljam te dikha e muja tumare.

¹⁸ Odolese mangljam te ava ke tumende – bar me o Pavle nekobor droma – thaj aćhavđa amen o satana.

¹⁹ Kaj ko si amaro adžikeripe ja lošalipe ja khuvdino ašaripaso? Sar nasijen odova thaj tumen anglal o Devljutno amaro o Isus Hristo kotar lesoro avipe?

²⁰ Kaj tumen sijen amari glorija thaj o lošalipe.