Angluni e Korinćanjenge 9 - Romski prevod Novog zaveta - Srbija

E hakaja thaj obligacie e apostolesere

¹ Nasijum li apostolo? Nasijum li mukljuno? Sar na dikhljum e Isuso Hristo, e Devljutne amare? Najsen li tumen kotor mlo ano Devljutno?

² Averenge te nasijum apostoli, aj tumenge sijum, kaj tumen sijen štambilji mle apostolipnaso ano Devljutno.

³ Odova si mlo arakhavdipe anglal odola save krisinena man.

⁴ Sar najamen hakaj te has thaj te pija?

⁵ Sar najamen hakaj e phenja e romnja amencar te legara, sar thaj e avera apostolija, thaj e phralja e Devljutnesere, thaj o Kifa?

⁶ Ja semo me thaj o Varnava nane amen hakaj akava te kera?

⁷ Ko ikana marela pe kotar plo arliđipe? Ko sijinela e drakhalina thaj na hala kotar o bijanipe lesoro? Ja ko arakhela e bakren thaj kotar o thud e bakrengo na hala?

⁸ Sar akava vakerava po manušikano? Ja na vakerela akava thaj o Kanuni?

⁹ Kaj si ane Mojsejeso kanuni hramome: Ma phande o muj e guruveso savo agorinela o điv. Grižinela pe li odova o Devel baš e guruve?

¹⁰ Ja vakerela akana baš e amende? Kaj baš e amende si hramome: kaj savo orinel, valjani ane adžikeripe te orinel, thaj save ćhinena điv ano adžikeripe kaj ka len pe plo adžikeripe.

¹¹ Te amen tumenđe sijinđam odova so si ođine, sar si but te amen kotar tumende ćhinaja odova so si trupuno?

¹² Te e avera haminen pe tumare hakajesa, sar li na bi amen? Aj amen na hamina amen akale hakajesa, aj sa akara te na ćera nesave azba e Hristosere evangeliumose.

¹³ Na džanena li kaj odola save kerena e sumnali kandipni kotar o sumnalipe parvarena pe, thaj save e viktimutnese kandena e viktimutneja ulavena?

¹⁴ Ađahar thaj o Devljutno ćhinavda kaj odola save o jevangelium vakeren katar o jevangelium te dživdinen.

¹⁵ A me kotar odova niso na koristindem. Thaj na hramonđum akava kaj mange ađahar te ovel; kaj ka ma mange šukar bi ovela te merav aj kaj džiko mli ašaruni te ruminel.

¹⁶ Kaj te vakerdem o evangeliumo, nane mange ašarni, kaj mange thaj valjani te kerav; thaj pharipe si maje te na vakerdem o evangeliumo.

¹⁷ Kaj te akava kerava katar mlo kamipe, pokindi isima; te eke bi mlo kamipe, e kandini mange si paćavuni.

¹⁸ Savi si mange, akana, e počindi? Kaj mothovindoj bipoćinipnaso sikavav o evangelium e Hristoso, kaj te na koristinav mle hakajesa ano evangelium.

¹⁹ Kaj avune muklino kotar sarijende, sarijenge man kerdem roboja, kaj len so majbut pašarav.

²⁰ Thaj uljum e Judejcenge sar Judejco, kaj e Judejcen te pašarav; odolenge save si telal o kanuni sar telal o kanuni, te pašarav odolen save si telal o kanuni;

²¹ Odolenge save si bi kanuneso uljum sar bi kanuneso, palem najsem e Devlese bi kanuneso, aj sem ano kanuni e Hristoso, te pašarav odolen save si bi kanuneso.

²² E bizoralenge uljum sar bizoralo, kaj e bizoralen te pašarav; sarijenge sinjumle sa, kaj sar šaj nesaven te ikalav.

²³ A akava kerava baš o evangelium, te ovav lesoro khatanutno.

²⁴ Na džanena li kaj odola so prastana pe prastimasko than, prastana sare, a jekh lela e davutni? Ađahar prastan te len la.

²⁵ A sako savo marela pe kotar sa inćarela pe, odola eke te len ćhorjardo khuvdino, a amen bićhorjardo.

²⁶ Me, akana, ađahar prastava, na sar po bipaćavutne; ađahar marama, na sar odova save marela e balval;

²⁷ Aj ićhardinava o trupo mlo thaj peravava le, kaj vakerindoj averenge te na ovav korkoro frdime.